Génesis 13:13 - La'aqtaqa Ñim Lo'onatac 'Enauacna 2013

¹³ yem hueta'a som shiỹaxauapi maye 'enauac da qauemaicpi, qataq ỹo'ottac nam ỹataqta qauem 'onataxacpi, maye ỹataqta deqaiga Ñim Nataxala'.

Génesis 13:13 Referans Kwoze

2 Pedro 2:10

Que'eca nhuaxanaxanaxac ỹataqta lalamaxat nam saishet da ỹalaxalec nam lamaxasoxonaxacpi Ñimaye qataq huetaigui da ỹo'ottac 'enauac na qauem maye maiche 'eetapeguecpi. Ne'ena dapaxaguenataxaatac maye tenataxanaxaicpi ỹataqta qaramchiguilo naua lquiyaqtel qataq ño'oxonnaxaicpi, qataq saishet da ñi'iỹa da isheueetac na lamaxashecpi Ñim Lo'onatac 'Enauacna maye no'on da lataxac.

Judas 1:7

Qataq nache 'eeta'am da huaigui co'ollaxa so shiỹaxauapi maye lma' ye Sodoma qataq Gomorra qataq som nỹecpi maye saqaỹapeque yeemaye. Som hueta'a yemaye ỹataqta ỹaguec da lle'etaxaloxo qataq ỹo'ottac na ỹotta'a't lataxac da quisheguetaxac maye sa qaishetapec. Qaq ỹoqo'oye Ñim Lo'onatac 'Enauacna ỹauo'o da nhuaxanaguec, icorelec so norec maye saishet da 'om da yaqto' ỹo'ot da nque'eenaxac somayepi. Qaq damaye nachera da 'enauac qomi' qaivitaqteetegalo.

Romanos 1:27

Nataqa'en huo'o na ỹalleppi da lataxac nataqa'en de'era, ỹoqo'oye saishet da hue'eguet aca 'alo, nache quegue da maiche lqopitaxanaqtaic da hue'eguet ca maiche nalleshaxaua. Qaq damaye nache ỹo'ot da lta'araic na'agaxa, qaq nagui namayepi nque'etaxangui da nque'eenaxac da lo'ocỹaxac souaxat naua qauema lhuennataxaco.

Jeremías 23:24

¿Negue't, ca ishet da nqañoxocheesop da imeenaxanaxac? Ye Aỹem semattalec na piguem qataq ana 'alhua. Qaq 'era da ỹa'aqtac Aỹem Nataxala'.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Mateo 9:13

'Onaxaic da qoqui, nache qanpogoxoiñiỹapegue' da qauchemaxache cam ỹoqta 'eetapeguec Ñim Lo'onatac 'Enauacna co'ollaq nasaxauec de'era la'aqtac, 'eeta': «Aỹem ñeshetaique da qami' qauchoxoyiñi na shiỹaxauapi, qaq saishet da nachera da Aỹem qandoiua'a aca qarachetaqtaxanaqche.» Cha'aye Aỹem ñanac da seỹaxana nam 'etaxaloxoicpi, da yaqto' sauo'o ỹapaxaguenatacpi, qaq saishet da nachena nam 'eetega da no'on da lataxac.

Génesis 18:20

Qaq huaña nache Ñim Nataxala' da'aqtaxanem somaye, 'eeta': «Ye shiỹaxauapi maye lma' ye Sodoma qataq ye Gomorra, ỹataqta qauem da na'aqtaguec, qataq da lasouaxashet ỹataqta lta'araic.

Juan 9:31

Qomi' saỹaanaqta da Ñim Lo'onatac 'Enauacna saishet da hua'axaỹa na 'etaxaloxoicpi; chaqnata nam ỹo'oxoreetac qataq ỹo'ot cam 'eetapeguec Ñimaye.

Mateo 9:10

Qaq nacheso se'eso na'a'q da So Jesús qataq soua lapaxaguenataqa nqo'oora ca lma' so Mateo da lquia'aqa'. Nataqa'en lquia'axauapi nam laỹepi maye ỹacootapeeguet ana nsheetenaqte ca nta'a qataq na shiỹaxauapi maye qauem da na'aqtaguec.

Isaías 1:9

Ñim Nataxala' maye Qaica ca Ỹaqalanapec, taxa da qaica ca no'onaxatañi da nca'altauec da shenaqta, qaq nagui taxa nache shenaqta'ama soua Sodoma qataq Gomorra.

2 Reyes 21:6

Nataqa'en ỹavigaxa't soua llalqa da yaqto' lachetaqtaxanaxat, qataq napaxaguena da qaiỹaxaneuga na saqcha'a na'añaxacpi, qataq da qailaviigui ca nỹa, qataq lapaxañi da lataxac da qaiỹaxaneuga na nqui'ipi, qataq da ñi'iyaqnataxanaxac. Nache nquigaxattauec nam qauem maye ỹo'otpi, maye ỹataqta saỹaỹamaxaren Ñim Nataxala', nache ivira'a da inogoqchet Ñimaye.

1 Samuel 15:18

Qaq Ñim Nataxala' da huo'otaq 'am ỹamaxalec co'ollaxa da 'anqo'ona da 'aulaxachigui se'eso 'etaxaloxoicpi amaleciitapi, qataq ỹataqta 'anmatchiguiñi da 'aualauat.

Génesis 38:7

Qalaxaye Ñim Nataxala', sa ỹaỹamaxaren co'ollaxa da qauem lataxac so Er, nache nqat da nachaalataxac.

Génesis 15:16

Qaq qom inoxoorec que'ecaua cuatrocientos vi'iye, nacheca ca 'am chegoxoguetpi ñe'eguelaxa qome ne'ena 'alhua, cha'aye saxanaxa da ivita cam loga't nam qauemsat maye ỹo'ottac na amorreopi.»

Génesis 10:9

Qaq so Nimrod, qalaq chegoqchigui co'ollaxa Ñim Nataxala' da ima'aguet da 'ipiaxac. Qaq ỹoqo'oye qoỹenacnaxa da huo'o ñi 'ipiaxaic: «'Eeta'am so Nimrod, maye chegoqchigui Ñim Nataxala', da ima'aguet da 'ipiaxac.»

Génesis 6:11

Qaq Ñim Lo'onatac 'Enauacna, ila'a co'ollaxa da ana 'alhua ỹataqta nlaqtelec na qauem qataq da loquiaxac,

Juan 9:24

Nache na lataxala'pi na judiopi, qaltaq ỹe'eguelaxalec da iỹaxaneuga so ỹale maye qanamaic co'ollaxa. Nache 'eetega, 'eeta': –Nagui qomi' 'aua'aqtaxaatema cam ỹataqta 'eesa, ỹauaachigui 'anqa'en Ñim Lo'onatac 'Enauacna. Cha'aye qomi' saỹaanaqta da se'eso ỹale, Somaye 'etaxaloxoic.

Génesis 39:9

Qaq ỹoqo'oye ne'ena nỹec qaica ca lỹa 'amaqtaqaic nachaqaỹemta. So ña'aco' qaica ca aỹem illapeguem, qaq nachaq'amta, cha'aye 'am lhua. Qaq ỹoqo'oye, ¡ca 'eeteco' da so'ot ca qauem, qataq da sacho'ot ca ỹasouaxashet Ñim Lo'onatac 'Enauacna!»

Números 32:23

Qalaxaye da saishet da qauo'oche de'era, nache qauaỹachiñiita da hueto'ot da qarasouaxashichi Ñim Nataxala', nache huo'o ca na'a'q qaq qami' nvitalo ca qanhuaxanaguiqui souaxat de'era qarasouaxashichi.

Génesis 19:13

cha'aye qomi' selaxataxagui qome ne'ena nma'. Cha'aye ỹataqta qalota na ntaxaỹaxacpi souaxat ne'ena shiỹaxauapi maye hueta'a ne'ena huaqta'a't nỹecpi, nache iviro'ot Ñim Nataxala'. Qaq ỹoqo'oye Ñimaye qomi' nama'q da selaxataxagui namaye.»

1 Samuel 2:17

Qaq 'era da 'eetec, da lta'araic lasouaxashe't se'esoua nsoxoye maye ỹauaachiguilo Ñim Nataxala', cha'aye saishet da iyacna'ape ana nachetaqtaxanaqtepi maye qoỹanot naxa Ñim Nataxala'.

Jeremías 23:14

Qataq Aỹem sauaachigui na na'aqtaxanaxanecpi na Jerusalén da ỹo'ottac nam ỹataqta qaiqaiga, namayepi ncachetague' ana saishet da lhua, qataq decachetac, qataq ỹa'añaqchet na qauemaicpi da yaqto' namayepi saishet da ca'ai da qauem. Namayepi qataq nam laỹepi maye hueta'a ne'ena huaqta'a't nỹecpi, 'eeta'am ñaqa'en so Sodoma qataq so Gomorra.