Génesis 12:8 - La'aqtaqa Ñim Lo'onatac 'Enauacna 2013

⁸ Qaq nache chegoqchiguiña yemaye co'ollaq jec da nqo'ona ye 'alhua maye huaña ana qasoxonaxapi, maye pa'aigue da nala' lliguisheguem ye Betel, qaq huaña yemaye, nache ỹa'ayiñi so lpe'l. Qaq ye Betel qalaq pa'aỹa'ague da avit yem naña co'ollaxa somaye, qaq ye Hai qalaq pa'aỹa'ague da nala' lliguisheguem. Qaq huaña yemaye, nache so Abram qaltaq no'oxoosheguem aso lỹa lca'atoxonaxalate, da yaqto' natamnot Ñim Nataxala'.

Génesis 12:8 Referans Kwoze

Nehemías 11:31

Qaq so chegoxoguetpi so Benjamín, nache naña co'ollaxa ye Geba, Micmas, Aías, Betel qataq so lauoreuapi nma'piolec

Génesis 4:26

Qaq nataqa'en so Set, huo'o co'ollaxa so llalec, nache ỹanagui da le'enaxat Enós. Qaq nacheso so chegoqchigui da qaỹo'oxoren da le'enaxat Ñim Nataxala'.

Génesis 21:33

Qaq huaña ye Berseba, nache so Abraham ỹaañi aso qo'oipaq le'enaxat tamarisco, qaq nache huaña da iỹaxaatega da le'enaxat Ñim Nataxala', Ñim Lo'onatac 'Enauacna maye chochaq tatec.

Génesis 28:19

Qaq se'eso 'alhua, huo'o co'ollaxa so huaqta'a't nỹecpi maye le'enaxat Luz, qalaxaye so Jacob naralaxat da le'enaxat, nache ỹanagui Betel.

Génesis 13:4

Qaq nacheye yem huaña co'ollaxa da no'oxoosheguem aso lca'atoxonaxalate, nache huaña da iỹaxanot Ñim Nataxala'.

Hechos 2:21

Huaña qome, nache 'enauac nam iỹaxaatega da le'enaxat Ñim Nataxala', namayepi qanca'alaxatec.

Joel 2:32

Qalaxaye 'enauac nam iỹaxaatega da le'enaxat Ñim Nataxala' nca'alec qome, cha'aye añi qasoxonaxa Sión qataq ye Jerusalén, huaña qome da nca'alaxa, cha'aye maiche la'aqtac co'ollaxa Ñim Nataxala'. Qaq que'eca lca'alaxaicpi, nache ỹalectaigui qome nam lca'aguishecpi Ñim Nataxala'.

Isaías 10:28

So alleppi asiiriopi nlectot ye Rimón, nache ivira'a ye Ayat, qataq nlectot ye Migrón nache ipatanaña so lla'ac ye Micmas,

Salmos 116:4

Huaña nache seỹaxanot Ñim Nataxala', sheeta': «'Am Nataxala', 'am ñachoxonnot da 'anca'alaxatec da ñachaalataxac.»

Josué 18:22

Bet Arabá, Semarayin, Betel,

Josué 8:17

Qataq nache ỹataqta qaica da huo'otaq 'oonolec shiỹaxaua ca no'onaña ye Ai qataq ye Betel, nache 'enauac somayepi nnoxonec da icanapec so Israel le'ecpi. Qaq souaxat da lcanaxanaxac nache no'onaxatchiguiñi so huaqta'a't nỹecpi nache qaica ca nauanalec.

Josué 8:3

Nache so Josué naỹamaxat qataq 'enauac so nalleppi da yaqto' jec da iloquiaxan ye Ai. Nache lca'aua'a so treinta mil som ỹoqta alaataxaicpi, da yaqto' ỹamaq se'eso pe.

Josué 7:2

Qaq co'ollaq qaỹata'ague de'era, nache so Josué huo'oi soua ỹama'q shiỹaxau', chegoqchiyiña ye Jericó da nqo'oora naqa'en so huaqta'a't nỹecpi ye Ai, maye pa'aỹa'ague da nala' lliguisheguem ye Betel, qataq saqaỹapeque ye Bet Avén, nache 'enapegalo soomaye, 'eeta': «Qanqo'oñiỹa qome da qaumeenaxañiỹa yemaye.» Nache soomaye je'c da demeenaxara ye Ai.

Génesis 35:3

nache ñaỹamaxataq da ñeqo'onaxa ye Betel. Qaq huaña qome yemaye nache so'ot aca ica'atoxonaxalate da sho'oxoren Ñim Lo'onatac 'Enauacna, maye aỹem itauan co'ollaq sootaigui so iuogoxo, qataq aỹem nnaictague' naua ỹeco cam sataigue.»

Hebreos 11:9

So Abraham, souaxat da ỹataqta lta'araic da lpi'iỹaxac Ñim Lo'onatac 'Enauacna, nache 'eeta'am ca ỹaqa'a ca chegaqa'ague co'ollaq netalec ye 'alhua maye Ñim Lo'onatac 'Enauacna ỹachaxanapecot co'ollaxa somaye. Qaq somaye netaigui so lpe'l 'eeta'ama da 'eete'c co'ollaxa soua Isaac qataq so Jacob maye nataqa'e'n Ñim Lo'onatac 'Enauacna ỹachaxanapecoto co'ollaxa yi'iye 'alhua.

Génesis 8:20

Qaq ime co'ollaxa, nache so Noé ỹo'ot aso lca'atoxonaxalate, da yaqto' ỹo'oxoren Ñim Nataxala', nache ỹaconeua'a so shiguiỹacpi qataq so maỹopi maye qui'itta, ỹacootaua'a ñi 'oonolec se'eso ỹotta'a'tpi, nache ỹavigaxat ỹauo'o lachetaqtaxanaqte da ỹanot Ñim Nataxala'.

Génesis 13:3

Qaq chegoqchiguiña co'ollaxa ye Néguev, nache nqocheeta, choche ivitta'a ye Betel, yem hua'auchiguiñi co'ollaxa da lanataqa' maye vichiguinguilo yeua Betel qataq ye Hai.

Génesis 13:18

Qaq huaña nache so Abram nqat so lpe'l, nache jec da naña yem saqaỹapeque so huaqta'a't nỹecpi ye Hebrón, yem huaña aso qo'oipaqpi le'enaxat encina, maye lalamaxat som ỹale le'enaxat Mamre. Qaq huaña yemaye nache no'oxoosheguem aso lca'atoxonaxalate da yaqto' ỹo'oxoren Ñim Nataxala'.

Génesis 22:9

Qaq co'ollaq ivitra som 'alhua maye ỹecapiguiña Ñim Lo'onatac 'Enauacna, nache so Abraham, ỹo'ot aso lca'atoxonaxalate, qataq ỹachalec asomaye so qo'oipaqpi. Qaq ime, nache ỹauo'o so lquet da icoñera't naua lhuaxaye qataq naua lapia'ate so llalec Isaac, nache ỹasaxalec aso lca'atoxonaxalate, ỹachalec so qo'oipaqpi.

Génesis 26:25

Qaq huaña, nache so Isaac, ỹo'ot aso lca'atoxonaxalate, nache iỹaxana da le'enaxat Ñim Nataxala'. Qaq somaye nache nalec se'eso 'alhua, nache som lamaxashecpi, nshe' aso ñi'illoxoqui.

Josué 8:9

Huaña nache so Josué ỹamaq somayepi nache somayepi jec, qaq co'ollaq ivi' nache nqañoxotaqa' ye laiñi yeua Betel qataq ye Ai, ye pa'aỹa'ague da avit ye Ai, qaq so Josué nache ỹalectaigui so nalleppi se'eso pe.

Josué 8:12

Nache so Josué nqañoxooñi naqa'en so cinco mil alleppi, ñichiguiña naqa'en na laiñi ye Betel qataq ye Ai, yem pa'aỹa'ague da avit so huaqta'a't nỹecpi.

1 Samuel 30:27

Nache ỹamaxa se'eso nachetaqtaxanaxatpi so nataxala'pi maye netaña ye Betel, qataq ye Ramot maye huaigui ye Néguev, qataq ye Jatir,

Génesis 31:25

Qaq so Labán mashe ivi' co'ollaxa so Jacob, huaña ayem qasoxonaxapi ye 'alhua Galaad, yem ỹanaña co'ollaxa so lpe'l so Jacob. Qaq huaña yemaye nache ỹanaña nataqa'en so lpe'l so Labán qataq so lauo' le'ecpi.

Génesis 33:20

Ime, qaq ỹo'ot aso lca'atoxonaxalate, nache ỹanagui da le'enaxat: Ñim Lo'onatac 'Enauacna, nacheñi Ñim Natamnaxala' na Israel.

Génesis 35:7

Qaq huaña yemaye, nache ỹo'ot aso lca'atoxonaxalate, nache yi'iye 'alhua ỹanagui da le'enaxat El Betel, cha'aye co'ollaq 'ettapeguem so lqaỹa, nache Ñim Lo'onatac 'Enauacna, nachaxana somaye co'ollaq huaña yi'iye 'alhua.

Éxodo 17:15

Nache so Moisés nauaxaỹaxaasheguem aso lca'atoxonaxalate, nache ỹanagui da le'enaxat: «Ñim Nataxala' 'eeta'am aca ỹa'ana maye seca'attalec.»

Josué 8:30

Qaq huaña nache so Josué, ỹo'ot aso nca'atoxonaxalate naña naqa'en añi qasoxonaxa Ebal da lalamaqte Ñim Nataxala' maye Natamnaxala' na Israel le'ecpi,

Josué 22:10

Qaq so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, co'ollaq ivita so tala Jordán, co'ollaq ñaq netaigui ye 'alhua Canaán, nache somayepi nauaxaỹaxaasheguem co'ollaxa aso nca'atoxonaxalate naña naqa'en ye loigue so tala.

Jueces 6:24

Huaña nache so Gedeón ỹanaña yemaye da nauaxaỹaxaasheguem aso nca'atoxonaxalate maye lalamaqte Ñim Nataxala', nache ỹamata'ac da le'enaxat «Ñim Nataxala' nacheñi Ñim nlagaxayec.» Qaq nache ivitta'a nagui da ñaq netaña ye Ofrá, yem lma' so lalamaxat lauo' le'ecpi so Abiezer.