Génesis 12:7 - La'aqtaqa Ñim Lo'onatac 'Enauacna 2013

⁷ Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Génesis 12:7 Referans Kwoze

Gálatas 3:16

Qaq nagui da ỹachaxanapecot Ñim Lo'onatac 'Enauacna co'ollaxa so Abraham maiche lalamaxat somaye qataq ca llalec. Qaq naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna saishet da 'eeta': «ca llalaqpi,» nachaqrata da 'eeta': «ca 'aỹa'alec.» Qaq damaye naigui qone' da 'oonolec ca qaitaqtega shiỹaxaua. Qaq camaye nacheso So Cristo.

Génesis 17:8

Qaq 'am qataq cam 'am chegoxoguetpi, sanem qome 'enauac na 'alhua Canaán, nam qonetaña nagui, da chochaq tatec da lalamaxat qome camayepi, qaq Aỹem nachaỹem natamnaxala' qome camayepi.»

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Génesis 18:1

Ñim Nataxala' nachaxana so Abraham co'ollaq huaña yem lma' ana qo'oipaqpi le'enaxat encina maye lma' so Mamre. Qaq so Abraham co'ollaq nso'ootañi netaña so lasom so lpe'l, se'eso na'a'q laiñi,

Génesis 13:15

cha'aye Aỹem, 'am sanem qome 'enauac na 'alhua maye 'aulotalec, qaq nache 'eetai' qome da 'aralamaxat, qataq ca 'am chegoxoguetpi qome.

Génesis 13:4

Qaq nacheye yem huaña co'ollaxa da no'oxoosheguem aso lca'atoxonaxalate, nache huaña da iỹaxanot Ñim Nataxala'.

Génesis 13:18

Qaq huaña nache so Abram nqat so lpe'l, nache jec da naña yem saqaỹapeque so huaqta'a't nỹecpi ye Hebrón, yem huaña aso qo'oipaqpi le'enaxat encina, maye lalamaxat som ỹale le'enaxat Mamre. Qaq huaña yemaye nache no'oxoosheguem aso lca'atoxonaxalate da yaqto' ỹo'oxoren Ñim Nataxala'.

Éxodo 33:1

Ñim Nataxala' 'enapega so Moisés, 'eeta': «'Aue, qoca'ai qome ne'ena, nache 'auauec yi'iye nhuo' le'ecpi maye 'anqateeguesop co'ollaxa ye Egipto. Da yaqto' qanqo'oñiỹa ye 'alhua maye sachaxanapecoto co'ollaxa so Abraham, Isaac qataq so Jacob, da sami' ca chegoxogueta soomaye.

Génesis 32:30

Qaq so Jacob, nache ỹanagui da le'enaxat «Peniel» yi'iye 'alhua, cha'aye 'enapeco': «Aỹem ñema'ai' da ñauane' Ñim Lo'onatac 'Enauacna, qalaq ñaq 'eetalec da ñeca'altauec.»

Génesis 26:25

Qaq huaña, nache so Isaac, ỹo'ot aso lca'atoxonaxalate, nache iỹaxana da le'enaxat Ñim Nataxala'. Qaq somaye nache nalec se'eso 'alhua, nache som lamaxashecpi, nshe' aso ñi'illoxoqui.

Números 32:11

'Enauac na shiỹaxauapi maye chegaqa'a ye Egipto, maye ivi' qataq napacalec naua veinte vi'iye da nachaalataxac, saishet qome da inoxoneua'a da nalec ye 'alhua maye sachaxanapecot co'ollaxa da sanem so Abraham, Isaac qataq so Jacob, souaxat da aỹem sa ỹalaxaguet.

Génesis 12:8

Qaq nache chegoqchiguiña yemaye co'ollaq jec da nqo'ona ye 'alhua maye huaña ana qasoxonaxapi, maye pa'aigue da nala' lliguisheguem ye Betel, qaq huaña yemaye, nache ỹa'ayiñi so lpe'l. Qaq ye Betel qalaq pa'aỹa'ague da avit yem naña co'ollaxa somaye, qaq ye Hai qalaq pa'aỹa'ague da nala' lliguisheguem. Qaq huaña yemaye, nache so Abram qaltaq no'oxoosheguem aso lỹa lca'atoxonaxalate, da yaqto' natamnot Ñim Nataxala'.

Hebreos 11:13

'Enauac se'eso shiỹaxauapi maye sa'axataqtac somayepi choche ivitta'a da ileu da saishet da ỹaconeguet cam chegoqo'ot Ñim Lo'onatac 'Enauacna maye ỹachaxanapeguem. Qalaxaye somayepi souaxat da huo'o da lpi'iỹaxac Ñim Lo'onatac 'Enauacna, nache ilota'a cam talec somayepi da ñaq qaỹoqta. Qalaxaye nache 'ena'am ỹataqta huo'o da ntonaxac, cha'aye somayepi ỹaỹaten da huetalec ana 'alhua qalaq 'eeta'am da ỹaqa'a ca chegaqa'ague da choche cara'ac da hueta'a anamaye.

Romanos 9:8

Qaq damaye naigui da qaica ca ishet da llalec Ñim Lo'onatac 'Enauacna, souaxat da maiche nhuo' le'ec. Cha'aye nam ỹataqta lalamaxat llalaqpi so Abraham, namayepi chegoxoguet so Isaac. Cha'aye so Isaac som nañiguiñi co'ollaxa da yaqto' ipacchigui dam ỹachaxanapecot Ñim Lo'onatac 'Enauacna co'ollaxa so Abraham maye 'eeta': «Qom inoxonec na 'oonolec vi'i, nache ñe'eguelaq, nache añi Sara mashe huo'o qome ca llalec.»

Génesis 22:9

Qaq co'ollaq ivitra som 'alhua maye ỹecapiguiña Ñim Lo'onatac 'Enauacna, nache so Abraham, ỹo'ot aso lca'atoxonaxalate, qataq ỹachalec asomaye so qo'oipaqpi. Qaq ime, nache ỹauo'o so lquet da icoñera't naua lhuaxaye qataq naua lapia'ate so llalec Isaac, nache ỹasaxalec aso lca'atoxonaxalate, ỹachalec so qo'oipaqpi.

Génesis 17:3

Qaq huaña, nache so Abram ỹa'alyiñi naua l-llecte, nache iviraxata'aguet na latap na 'alhua, qaq Ñim Lo'onatac 'Enauacna, nache queto'ot da detaqtacot somaye, 'eeta':

Génesis 15:18

Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta': «Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates.

Gálatas 4:28

Ỹaqaỹa't, qami' qoñiita'am so Isaac, som ñalec maye Ñim Lo'onatac 'Enauacna ỹachaxanapecot co'ollaxa so Abraham. Qaq shenapec de'era, cha'aye qami' llalqa Ñim Lo'onatac 'Enauacna maye maiche qami' ỹachaxana'ape co'ollaxa.

Deuteronómio 30:20

qataq qauauochec qome Ñim Nataxala' maye Qanatamnaxala'ai, qataq ỹataqta qaualaqaiguet, cha'aye nacheñi Ñim chegoqchigui da qanachaalataxaqui, qataq da qaỹoqtec qome naqa'en da qoñiitalec ye 'alhua maye ỹachaxanapecot co'ollaxa da ỹanem soua hua'au' qarta'alli', Abraham, Isaac qataq Jacob.

Deuteronómio 6:10

Ñim Nataxala' maye Qanatamnaxala'ai, ỹanem co'ollaxa da la'aqtac so Abraham, Isaac qataq so Jacob da qami' ỹanema yi'iye 'alhua. Da yaqto' qoñiỹaigui qome na ỹataqta no'on huaqta'a't nỹecpi maye saishet da qaro'onataqui,

Deuteronómio 1:8

Cha'aye Aỹem, qami' sanema da qaralamaxache, qaq nache qoqui da yaqto' qoñiỹalec yemaye, cha'aye sanem co'ollaxa da ỹa'aqtac so Abraham, Isaac qataq so Jacob da sanem yi'iye 'alhua qataq nam chegoxoguetpi soomaye.›»

Éxodo 6:3

Ñachaxana co'ollaxa so Abraham, Isaac qataq so Jacob, qaq da ỹe'enaxat 'eeta': Atamnaxala' maye Qaica ca Ỹaqalanapec. Qalaxaye saishet da saỹaanaxanaxanec co'ollaxa soomaye da ỹataqta ỹe'enaxat maye Nataxala'.

Génesis 33:20

Ime, qaq ỹo'ot aso lca'atoxonaxalate, nache ỹanagui da le'enaxat: Ñim Lo'onatac 'Enauacna, nacheñi Ñim Natamnaxala' na Israel.

Génesis 28:13

Qaq nataqa'en ilota'a co'ollaxa da Ñim Nataxala' nachattañi, hueta'a som pa'asheguem se'eso napiaxala', nache 'eetega somaye, 'eeta': «Aỹem nachaỹem Nataxala', maye Natamnaxala' so 'arapi' Abraham, qataq ñi 'arta'a Isaac. Qaq 'am qataq ca 'am chegoxoguetpi, sanem qome ne'ena 'alhua maye 'annaatalec nagui.

Génesis 26:3

qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.

Génesis 8:20

Qaq ime co'ollaxa, nache so Noé ỹo'ot aso lca'atoxonaxalate, da yaqto' ỹo'oxoren Ñim Nataxala', nache ỹaconeua'a so shiguiỹacpi qataq so maỹopi maye qui'itta, ỹacootaua'a ñi 'oonolec se'eso ỹotta'a'tpi, nache ỹavigaxat ỹauo'o lachetaqtaxanaqte da ỹanot Ñim Nataxala'.

Hechos 7:5

Qaq na'aictaxa da somaye hueta'a ne'ena, qalaxaye Ñim Lo'onatac 'Enauacna saishet da ỹashenem da ỹauo'o ca ỹoqta lalamaxat lma'. Qalaxaye ỹachaxanapecot somaye da ỹanem ne'ena 'alhua, qaq da ivita da ileu, qalaq nacheca ca llalaqpi ca talec. Qaq na'aictaxa da se'eso na'a'q so Abraham saxanaxa da huo'o ca llalaqpi.

Hebreos 11:8

So Abraham huo'o da lpi'iỹaxac Ñim Lo'onatac 'Enauacna, ỹoqo'oye ỹalaxaguet Ñimaye co'ollaq 'enapega da ca'ai ye na'alhua da taỹa ca lỹa 'alhua maye ỹami' Ñimaye, nache so Abraham ỹalaq na'aictaxa da saishet da ỹoqta ỹaỹateeta cam taỹa'ague.

Génesis 24:7

Cha'aye, Ñim Nataxala' maye neto'ot na piguem, ñim aỹem nqateeguesop co'ollaxa ye lma' so ita'a, qataq ye na'alhua yem ihuo' le'ecpi, qataq aỹem ỹachaxanapeguem ne'ena 'alhua da lma' naqa'en ca aỹem chegoxoguetpi, Ñimaye nataqa'en ỹamaq qome, da ỹa'auaxanegue da 'ata'ague ca lamaxashec piguem le'ec, da yaqto' 'auachegoxota'a yemaye da 'anauec aca lhua ñi ỹalec.

Éxodo 6:4

Nataqa'en ñaỹamaxateto co'ollaxa soomaye da sanema ye 'alhua Canaán yem 'alhua maye huo'o so na'a'q da netalec somayepi, 'eeta'am ca shiỹaxaua ỹaqa'a ca chegoqta'ague.

Éxodo 32:13

Qataq 'antoueeta'ac qome so 'ara'aqtac maye 'aỹa'anema co'ollaxa soua 'aramaxa'she Abraham, Isaac qataq so Israel, co'ollaq qoneta': Aỹem qome ỹataqta qalota ñaqa'en ca qaỹa'alquipi, 'eeta'am ye lcata ana huaqaañipi maye hueto'ot na piguem. Qataq qami' sanema 'enauac ne'ena 'alhua maye qami' sachaxanapeguema, da yaqto' nache 'eetai' da qaralamaxachi.»

Deuteronómio 9:5

Cha'aye saishet da nacheca da ỹaỹamaqchiguiñi maye qauo'ochiitac ca huo'omshe qauacoñiỹa yi'iye na'alhua yemayepi, cha'aye Ñim Nataxala' ỹo'orauec qome yemayepi souaxat da qauem lataxac da yaqto' ipacchigui da ỹachaxanapecot co'ollaxa soua hua'au' qarta'alli', Abraham, Isaac qataq Jacob.

Deuteronómio 34:4

Nache Ñim Nataxala', 'eeta': «'Ena nam 'alhua maye sachaxanapeguem co'ollaxa so Abraham, Isaac, qataq so Jacob da yaqto' sanem nam chegoxoguetpi. Qaq 'am sachaxana namaye da 'auallelec, qalaxaye saishet da 'anoxoneua'a qome.»

1 Crónicas 16:16

qataq da naỹamaxataxac co'ollaq naỹamaxate' so Abraham, qataq da ỹan la'aqtac maye ỹanem co'ollaxa so Isaac,

Génesis 13:17

Ñaq qoñishiguem, nache 'aucoleelec ne'ena 'alhua, nache 'avira'a qome yem loga't dam lalogaxa, qataq ye lcateueegue namaye, cha'aye Aỹem, 'am sanem qome.»

Génesis 28:4

Qataq 'am ỹanem qome, qataq nataqa'en ca 'am chegoxoguetpi da lchoxonnataxanaxa maye ỹachaxanapeguem co'ollaxa so Abraham, da yaqto' lalamaxat ne'ena 'alhua maye souaqta'a nagui, da 'eeta'am da sachegoxosoqauec, cha'aye Ñimaye ỹachaxanapeguem co'ollaxa so Abraham.»

Génesis 35:7

Qaq huaña yemaye, nache ỹo'ot aso lca'atoxonaxalate, nache yi'iye 'alhua ỹanagui da le'enaxat El Betel, cha'aye co'ollaq 'ettapeguem so lqaỹa, nache Ñim Lo'onatac 'Enauacna, nachaxana somaye co'ollaq huaña yi'iye 'alhua.

Génesis 35:12

Qaq na 'alhua maye sanem co'ollaxa so Abraham qataq so Isaac, qalaq nataqa'en 'am sanem, qataq ca 'am chegoxoguetpi.»

Génesis 50:24

Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»

Éxodo 17:15

Nache so Moisés nauaxaỹaxaasheguem aso lca'atoxonaxalate, nache ỹanagui da le'enaxat: «Ñim Nataxala' 'eeta'am aca ỹa'ana maye seca'attalec.»

Éxodo 24:4

Ime, nache so Moisés ỹiyiñi 'enauac na la'aqtacpi Ñim Nataxala'. Nache so nte'etom so lỹa na'a'q, nache no'ottasheguem. Ime, qaq no'oxoosheguem aso nca'atoxonaxalate, ỹaatot na loigue aso qasoxonaxa qataq no'oxooyishegue'm soua doce coma' naloqchiichigui ye lcata soua doce llalqa so Israel.

Números 26:53

«Ne'ena 'alhua da 'aỹa'anec, nache ỹataqtac 'anqa'en da 'aỹa'anem ca lalamaxat na maiche nalamaxat nhuo' le'ecpi maye mashe qoỹettañi.

Josué 1:6

Qaq ỹataqta 'ana'añaxat qome, qataq 'aua'añaxachigui ye 'arhuel, cha'aye 'am 'aỹa'anem qome yi'iye 'alhua ne'ena nhuo' le'ecpi da yaqto' lalamaxat, cha'aye sanem co'ollaxa da ỹa'aqtac som hua'au lta'alpi.

Josué 8:30

Qaq huaña nache so Josué, ỹo'ot aso nca'atoxonaxalate naña naqa'en añi qasoxonaxa Ebal da lalamaqte Ñim Nataxala' maye Natamnaxala' na Israel le'ecpi,

Josué 22:10

Qaq so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, co'ollaq ivita so tala Jordán, co'ollaq ñaq netaigui ye 'alhua Canaán, nache somayepi nauaxaỹaxaasheguem co'ollaxa aso nca'atoxonaxalate naña naqa'en ye loigue so tala.

Jueces 6:24

Huaña nache so Gedeón ỹanaña yemaye da nauaxaỹaxaasheguem aso nca'atoxonaxalate maye lalamaqte Ñim Nataxala', nache ỹamata'ac da le'enaxat «Ñim Nataxala' nacheñi Ñim nlagaxayec.» Qaq nache ivitta'a nagui da ñaq netaña ye Ofrá, yem lma' so lalamaxat lauo' le'ecpi so Abiezer.

1 Samuel 7:17

Qaq naxa da ime, nache ỹe'eguelaxa ye Ramá, yem naña so lma'. Qaq nache netaña yemaye da ilotague' so Israel le'ecpi. Qaq nataqa'en nache naña naqa'en yemaye aso nauaxaỹaxaasheguem nca'atoxonaxalate da yaqto' lalamaqte Ñim Nataxala'.

2 Samuel 24:25

huaña nache so David, no'oxoosheguem aso nca'atoxonaxalate da ỹanot Ñim Nataxala', nache ỹaneuo aso lachetaqtaxanaqte qaỹavigaxatta, qataq aso qanhuaachigui. Huaña, nache Ñim Nataxala', hua'axaỹa co'ollaxa da nachoxonnaxac so shiỹaxauapi se'eso 'alhua, nache vi'iiguet se'eso napiina ye Israel.

1 Reyes 18:32

Nache do'onataxanalo soomaye da no'oxoosheguem aso nca'atoxonaxalate maye lalamaqte Ñim Nataxala'. Ime, nache ỹo'ot so lsherec coleesop aso nca'atoxonaxalate, qaq ye lcategue somaye, qalaq nalotagui ca veinte litros na ala na nañiguishec.

1 Crónicas 16:18

co'ollaq 'enapec: «Aỹem 'am sanem qome ye 'alhua ye Canaán, maye 'am taalec qome da 'aralamaxat.»

2 Crónicas 20:7

'Am Qanatamnaxala', ỹauaachigui co'ollaxa 'anqa'en ne'ena 'aralamaxat nhuo' Israel le'ecpi da 'auo'orauec som shiỹaxauapi maye netalec co'ollaxa ne'ena 'alhua, nache 'aỹa'anem co'ollaxa nam chegoxoguetpi so 'anauochaxaua Abraham, da yaqto' nache 'eetai' da lalamaxat 'anqa'en.

2 Crónicas 20:11

Qaq namayepi nagui, qomi' isheetenegueta da anac da qomi' iloquiaxa'n, qataq qomi' ỹo'oldauec da yaqto' qolqa'ai ne'ena 'alhua maye qomi' 'aỹa'anema co'ollaxa da ỹataqta qaralamaxat.

Esdras 3:2

Nache so Josué, maye llalec so Josadac qataq so lauo' le'ecpi, maye nataqa'en ntaxaỹaxanaxanecpi, qataq so Zorobabel maye llalec so Salatiel qataq so lauo' le'ecpi, somayepi ỹacoolec da no'oxoosheguem aso nca'atoxonaxalate maye lalamaqte Ñim Natamnaxala' so Israel le'ecpi, da yaqto' qoỹaneuo aso nachetaqtaxanaqte maye qaỹavigaxatta, da yaqto' qaipacchigui da 'enapec aso nere maye nanettalec na lqataxacpi so Moisés, som nale Ñim Lo'onatac 'Enauacna.

Jeremías 3:18

Qaq qom ivita que'eca na'a'q, nache ye Judá huaxaiguet qome ye Israel, qaq nache nnaictega't qome da ñe'eguela'q chegoqchiyiña ye 'alhua maye pa'aigue da sheu', da naỹalo nam 'alhua maye sanem co'ollaxa da yaqto' lalamaxat som hua'au qarta'ailpi.