Génesis 12:5 - La'aqtaqa Ñim Lo'onatac 'Enauacna 2013

⁵ Qaq somaye ỹauec co'ollaxa aso lhua Saraí, qataq so lasoshec Lot. Qataq ỹache 'enauac so logoxoshetpi qataq ỹauec so l-latacpi maye ỹachegoxotaña ye Jarán. Qaq co'ollaq ivita ye Canaán,

Génesis 12:5 Referans Kwoze

Génesis 14:14

Qaq so Abram co'ollaq ỹaỹaten da so lasoshec noxonec, nache laỹona't co'ollaxa so lalamaxat l-latacpi maye lañoqo' so lma' somaye. Qaq somayepi ivi' trescientos dieciocho ye lcata. Nache so Abram lỹatec co'ollaxa somayepi da icaalec se'eso nta'alpi, nache iviraxatta'a ye Dan.

Génesis 11:31

Qaq so Téraj, qalaq ca'ai co'ollaxa ye Ur, yem lma' na Caldeopi, da yaqto' nqo'ona ye 'alhua Canaán, qaq somaye ỹauec co'ollaxa so llalec Abram, qataq so laual Lot, qataq aso late Saraí. Qalaxaye co'ollaq ivitra ye 'alhua Jarán, nache neraña yemaye.

Hechos 7:4

Nache so Abraham ca'ai ye 'alhua Caldea, nache taỹa ye Jarán da nalec. Qaq co'ollaq qaỹata'ague, nache so lta'a ileu, nache Ñim Lo'onatac 'Enauacna nauega so Abraham ne'ena 'alhua maye qoñiitalec nagui.

Génesis 14:21

Qaq huaña nache so nta'a ye Sodoma 'enapega so Abram, 'eeta': «Aỹem 'aỹa'anem qome na shiỹaxauapi, nache 'ano'ona'aguet na nogoxoshetpi.»

Génesis 10:19

Qaq so na'alhua so cananeopi nquictauec, chegoqchiguiña ye Sidón, nache ivitta'a ye 'alhua Gerar qataq ye Gaza, qataq dataigue da pa'aigue ye Sodoma, Gomorra, Adma, qataq ye Zeboyin, nache ivira'a ye Lasa.

Génesis 13:5

Qaq so Lot nataqa'en ỹataqta sallaxanec, 'eeta'am so ntesoqo' Abram. So Lot ỹataqta qalota aso lalo qaguetapi, huacapi, qataq qalota so nnaictague'pi somaye,

Génesis 13:6

qalaxaye som 'alhua maye huetra'a soomaye, saq 'amaqtaq da yaqto' lquia'aqa' so qalota shiguiỹacpi, qaq ỹoqo'oye ỹo'ot da saishet da queta da nhuoreu' soomaye,

Génesis 28:10

Qaq so Jacob jec co'ollaxa chegoqchiguiña ye Berseba, nache quetegue so nqa'aic maye taỹa'a ye Jarán.

Génesis 36:6

Qaq so Esaú ỹaconeua'alo co'ollaxa soua lhua't, qataq soua llalqa, qataq soua llalel, qataq 'enauac som shiỹaxauapi maye neto'ot somaye, nache taỹa so lỹa nma' da yaqto' ca'ai so lqaỹa Jacob. Qaq lỹatec 'enauac so na'atetpi, qataq 'enauac som logoxoshetpi maye ỹachegoxotaña ye 'alhua Canaán,

Levítico 22:11

Qalaxaye ca ntaxaỹaxanaxanec da desheenaxana ca nlatac, ỹauota'a aca maiche alom, nache que'eca nlatac ishet da chec ca laỹe aca nachetaqtaxanaqte. Qataq ca lañoqo' ca lma' camaye, nataqa'en ishet da chec ca laỹe que'eca nallec.

Génesis 11:27

Qaq 'ana ana le'enaxat lmalate som chegoxoguetpi som Téraj, som lta'a so Abram, Najor qataq so Jarán. Qaq so Jarán, nacheso so lta'a so Lot.