Génesis 12:4 - La'aqtaqa Ñim Lo'onatac 'Enauacna 2013

⁴ Nache so Abram ca'ai co'ollaxa ye Jarán, nache ipaqueelec dam la'aqtac Ñim Nataxala'. Qaq somaye mashe ivi' co'ollaxa soua setenta y cinco vi'iye da nachaalaxataxac, co'ollaq ca'ai ye Jarán da nqo'ona ye Canaán.

Génesis 12:4 Referans Kwoze

Hebreos 11:8

So Abraham huo'o da lpi'iỹaxac Ñim Lo'onatac 'Enauacna, ỹoqo'oye ỹalaxaguet Ñimaye co'ollaq 'enapega da ca'ai ye na'alhua da taỹa ca lỹa 'alhua maye ỹami' Ñimaye, nache so Abraham ỹalaq na'aictaxa da saishet da ỹoqta ỹaỹateeta cam taỹa'ague.

Génesis 11:31

Qaq so Téraj, qalaq ca'ai co'ollaxa ye Ur, yem lma' na Caldeopi, da yaqto' nqo'ona ye 'alhua Canaán, qaq somaye ỹauec co'ollaxa so llalec Abram, qataq so laual Lot, qataq aso late Saraí. Qalaxaye co'ollaq ivitra ye 'alhua Jarán, nache neraña yemaye.

Génesis 11:27

Qaq 'ana ana le'enaxat lmalate som chegoxoguetpi som Téraj, som lta'a so Abram, Najor qataq so Jarán. Qaq so Jarán, nacheso so lta'a so Lot.

Hechos 7:4

Nache so Abraham ca'ai ye 'alhua Caldea, nache taỹa ye Jarán da nalec. Qaq co'ollaq qaỹata'ague, nache so lta'a ileu, nache Ñim Lo'onatac 'Enauacna nauega so Abraham ne'ena 'alhua maye qoñiitalec nagui.

Hebreos 6:15

So Abraham huo'o da lhualaxavic co'ollaq iuattaique de'era, qaq Ñim Lo'onatac 'Enauacna ỹataqta ipaqueelec co'ollaxa de'era ỹachaxanapec.

Génesis 16:3

Nache aso Saraí, ỹauegueuo aso Agar maye Egipto lashe, nache ỹanem so Abram da ỹauo'o lhua, co'ollaq mashe ivi' soua diez vi'iye da netraña ye Canaán.

Génesis 16:16

Qaq so Abram, mashe ivi' co'ollaxa soua ochenta y seis vi'iye da nachaalataxac, co'ollaq ñiguiñi so Ismael.

Génesis 25:7

Qaq so Abraham ivi' co'ollaxa soua ciento setenta y cinco vi'iye da nachaalataxac,

Génesis 28:10

Qaq so Jacob jec co'ollaxa chegoqchiguiña ye Berseba, nache quetegue so nqa'aic maye taỹa'a ye Jarán.

Génesis 13:5

Qaq so Lot nataqa'en ỹataqta sallaxanec, 'eeta'am so ntesoqo' Abram. So Lot ỹataqta qalota aso lalo qaguetapi, huacapi, qataq qalota so nnaictague'pi somaye,