Génesis 12:14 - La'aqtaqa Ñim Lo'onatac 'Enauacna 2013

¹⁴ Qaq so Abram co'ollaq ivireua'a ye Egipto, nache so Egipto le'ecpi, ila'a aso Saraí da ỹataqta 'onaxai.

Génesis 12:14 Referans Kwoze

Mateo 5:28

Qalaxaye Aỹem ỹataqta 'eesa de'era qami' sa'axatema da huo'o ca choche ilota'a aca 'alo, qaq huo'o da lqopiche, nache camaye sogote da 'eeta'am da mashe ncacheỹa'ai' acamaye dam lquiyaqteỹaxac.

Génesis 39:7

Qaq co'ollaq qaỹoqtegue de'era, nache aso lhua so na'aco' nqopittega somaye, qaq huo'o so na'a'q nache 'enapega, 'eeta': «Aỹem 'arauañi' qome.»

Génesis 6:2

nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Génesis 3:6

Nache aso 'alo ila'a co'ollaxa da ana ala asa'aso qo'oipaq ỹataqta 'onaxai, nache huo'o da lyaxa da chec, qataq da lyaxa da huo'o da lauattonaxanaxac. Nache nqat aso 'oonole ala asomaye nache chec, qaq ime nache ỹanem so lhua, nache somaye nataqa'en chec.

Génesis 12:13

Qaq ỹoqo'oye aỹem 'arqouaguec qome, da qonapec da aỹem 'arqaỹa, yaqto' saqca ca dá aỹem, qataq saishet da aỹem qaỹalauat, souaxat 'am.»

Génesis 12:15

Qaq nataqa'en so ltauapi so faraón som nta'a ye Egipto, ila'a co'ollaxa asomaye, nache da'aqtaxanem so nta'a da asa'aso 'alo ỹataqta 'onaxai. Qaq huaña, nache asomaye qaỹauegueua'a so lma' lta'araic so faraón.

Génesis 29:17

Qaq aso Lea ỹataqta 'onaxaiqa naua la'ai'te, qalaxaye aso Raquel ỹataqta 'onaxai qataq ỹataqta nalochiguiñi.