Génesis 12:13 - La'aqtaqa Ñim Lo'onatac 'Enauacna 2013

¹³ Qaq ỹoqo'oye aỹem 'arqouaguec qome, da qonapec da aỹem 'arqaỹa, yaqto' saqca ca dá aỹem, qataq saishet da aỹem qaỹalauat, souaxat 'am.»

Génesis 12:13 Referans Kwoze

Génesis 26:7

Qaq som netaña yi'iye 'alhua, co'ollaq inat somaye da denataxaateguec aso Rebeca, nache so Isaac, huo'o da lcolanaxa da ỹa'axat da lhua asomaye, nache da'aqtaxanem somayepi, da 'eetega lqaỹa asomaye. Qaq aso Rebeca ye ỹataqta 'onaxai, qaq nachera da huo'omshe so Isaac, lhuennataxac co'ollaxa da som ỹalleppi maye lma' yi'iye 'alhua, ishet da ỹalauat souaxat asomaye.

Génesis 20:2

Qaq co'ollaq hueta'a yemaye, nache ỹa'axat da 'eetega lqaỹa aso Sara maye lhua somaye. Nache so Abimelec maye nta'a ye Gerar, damaxasoxoneuga co'ollaxa da qanauegueuo aso Sara da yaqto' ỹauo'o lhua.

Génesis 20:5

Ye ñi Abraham aỹem da'aqtaxanem da 'eetega lqaỹa aña'añi 'alo, qataq nataqa'en añimaye ỹa'axat da lqaỹa ñimaye. Qaq ỹoqo'oye ỹataqta qaica ca sauotaique da so'ot 'enauac de'era. Qaq nachera da huo'omshe sa'amaqten da qaica ca so'ot qauem.»

Ezequiel 18:4

Cha'aye Aỹem ỹalamaxat 'enauac na shiỹaxauapi, na nta'alpi qataq na ñalaqpi. Qaq cam huo'o ca lasouaxashet qalaq ileu qome.

Isaías 57:11

Qaq ¿negue't se'eso atamnaxala'pi maye 'añe'etega qataq 'avio'oxoreetac, da yaqto' aỹem qoca'ai qataq imauec da aỹem 'aucoua'ai? Co'ollaq saishet da aỹem 'avio'oxoreetac nache Aỹem choche ñe'emaxat, qataq 'eco' sa sauatonaxan.

Génesis 11:29

Qaq so Abram, huaroneguet co'ollaxa aso Saraí, qaq so Najor, huaroneguet aso llale so Jarán, asom le'enaxat Milca, maye lqaỹa aso Isca.

Colosenses 3:6

Cha'aye 'enauac ne'ena nachena na chegoqchigui da Ñim Lo'onatac 'Enauacna dalemataỹa nam saishet da ỹalaq.

Romanos 6:23

Cha'aye cam nachaqrata da ỹo'ottac da ñe'etaxaloxo, nache camaye ỹaconeguet ca nhuaxanaguec, qaq damaye nachera da nleuaxa. Qalaxaye Ñim Lo'onatac 'Enauacna qomi' ỹanema da qanme da nca'alaxa maye chochaq tatec chegoqchigui So Cristo Jesús maye Qarataxala'.

Juan 8:44

Qami', som qarta'ai, nacheso som pa'aguenataxanaxaic, ỹoqo'oye qansheetaique da qauo'oche cam 'eetapeguec somaye. Se'eso pa'aguenataxanaxaic, somaye ỹataqta laataxanaxaic qataq tenataxanaxaic. 'Enauac nam ỹa'axat saishet da 'en qataq ỹo'oteguet ca shiỹaxaua da tenataxanaxaic.

Génesis 12:14

Qaq so Abram co'ollaq ivireua'a ye Egipto, nache so Egipto le'ecpi, ila'a aso Saraí da ỹataqta 'onaxai.

Jeremías 38:17

Nache so Jeremías, 'enapega so nta'a Sedequías, 'eeta': Ñim Nataxala' maye Qaica ca Ỹaqalanapec, qataq Natamnaxala' na Israel le'ecpi, 'eeta': Da 'anañanot nam ltauapi ñi nta'a ye Babilonia, nache 'am qataq na 'aỹa'alaqpi nca'alec qome, qataq ne'ena huaqta'a't nỹecpi saishet qome da qoỹegueua'a.

Jeremías 38:20

Nache so Jeremías ỹasateguet somaye, 'eeta': 'Am nta'a, ñaq 'aualaxaguet taxa da la'aqtac Ñim Nataxala' maye 'am sa'aqtaxaateguem, yaqto' saishet da 'am loxonec namayepi qataq qaica ca machaqca, nache 'anca'alec.