Génesis 11:8 - La'aqtaqa Ñim Lo'onatac 'Enauacna 2013

⁸ Qaq 'era da 'eetec Ñim Nataxala', co'ollaq laguelec naqa'en 'enauac ana 'alhua, nache somayepi ỹaxaañi co'ollaxa da no'oxooteguisheguem so huaqta'a't nỹecpi.

Génesis 11:8 Referans Kwoze

Lucas 1:51

Ñim Lo'onatac 'Enauacna do'onataxaatega da lta'araic la'añaxac, qataq datauec naqa'en na ño'oxonnaxaicpi.

Deuteronómio 32:8

Huo'o so na'a'q da Ñim Qaỹoqotcheguemec, icolaxachigui na nhuo' le'ecpi, qataq na ỹotta'a't shiỹaxauapi, qataq ỹauo'oi naua loga'te naua lma'ate na nhuo' le'ecpi, qalaxaye naloqchiichigui ye lcata na llalaqpi so Israel.

Génesis 10:32

Qaq 'eso som llalaqpi soua llalqa so Noé, ỹataqtac na maiche nhuo' le'ecpi, qataq naua maiche nma'ate. Qaq co'ollaq mashe qaỹoqtegue so auot lta'araic, nache somayepi nlagaxaalec 'enauac ana 'alhua.

Génesis 10:25

Qaq qataq so Éber, huo'oi soua dos llalqa: so 'oonolec soomaye le'enaxat Peleg, cha'aye co'ollaq ñaq huo'o somaye, nache colaxagui so shiỹaxauapi ana 'alhua. Qaq so lqaỹa so Peleg le'enaxat Joctán.

Génesis 11:9

Qaq ỹoqo'oye se'eso huaqta'a't nỹecpi, qoỹanagui da le'enaxat Babel, cha'aye nache huaña co'ollaq Ñim Nataxala' ỹotta'a't naqa'en na la'aqtacpi 'enauac na shiỹaxauapi ana 'alhua, qataq nache chegoqchiguiña co'ollaxa da ilagaxaalec 'enauac ana 'alhua.

Génesis 11:4

Qaq ime co'ollaxa, nache 'enapeco' somayepi: «Ña qauanaqui, ño'oxonaxasheguem ca huaqta'a't nỹecpi, qataq aca qaraue, iviro'ot ñaqa'enaq na piguem. Yaqto' qomi' ỹo'oxora'q, qataq yaqto' saishet da ñelagaxataxalec 'enauac ana 'alhua.»

Génesis 49:7

¡Qauem, aja', ỹoqta 'eesa da qauem de'era nnogoxonaxa'c maye saishet da qanpaxat! ¡Aỹem selagaxatoiguilo qome daamaye, 'enauac na nhuo' Israel le'ecpi!

Salmos 92:9

'Am Nataxala', ỹoqta 'eesa qome da imeuo na 'ampa'aguenaxauapi, qataq nlagaxattac qome 'enauac na qauemaicpi.

Génesis 10:5

Qaq 'eso som chegoxoguetpi so Jafet, maye nalec co'ollaxa so loigue aso auaxai, qaq somayepi ỹataqtac na maiche lauo' le'ecpi, llalaqpi, na'alhuapi, qataq naua maiche la'aqtaqa.

Salmos 33:10

Ñim Nataxala' saishet da ipaigui naqa'en na 'eetapeguecpi na ỹotta'a't shiỹaxauapi, qataq saipaigui naqa'en na 'eetapeguecpi na nhuo' le'ecpi.