Génesis 11:7 - La'aqtaqa Ñim Lo'onatac 'Enauacna 2013

⁷ Qaq no'on da senotaxauec, nache ỹotta'a't ñaqa'enaq na la'aqtacpi, yaqto' ñi 'oonolec saishet hua'axaiguet ca lỹa.»

Génesis 11:7 Referans Kwoze

Salmos 33:10

Ñim Nataxala' saishet da ipaigui naqa'en na 'eetapeguecpi na ỹotta'a't shiỹaxauapi, qataq saipaigui naqa'en na 'eetapeguecpi na nhuo' le'ecpi.

Salmos 55:9

'Am Nataxala', 'aulaxachigui qome namayepi, qataq sa naỹaana't 'anqa'en na la'aqtacpi, cha'aye qaica ca lỹa sela'a nda'a't da loquiaxac, qataq qaica ca nhuoteete' ca lỹa,

Génesis 1:26

Ime, nache Ñimaye 'enapeco': Nagui so'otaq ca shiỹaxaua, 'eeta'ama qomi'. Qataq huo'o da 'enec da ilo'ogue na nỹaq, maỹo, shiguiỹacpi, nlopi qataq na huauecpi, qataq nam hualectapigui'pi.

1 Corintios 14:23

Saloqnaxanaxa da 'enauac na 'amqaanataxanaxaicpi da huo'otaq lapoota'a't, qaq da 'enauac detaxaiguilo naua na'aqtaqa maye sa qaỹauanapegalo, qaq da huo'otaq nnoxoneuo ca shiỹaxaua maye saxanaxa da ỹa'amaqten So Cristo, nache ishet da ipettega da chochaq huo'o da aloic namayepi.

Jeremías 5:15

«'Am Israel, 'am ñauega qome da yaqto' 'am dataỹa'aguet cam nhuo' le'ecpi maye qaỹoqtegue ca chegaqa'ague, cam nhuo' le'ecpi maye ỹataqta 'añaxaicpi qataq togoshaapecpi, qataq sa 'auaỹate'n naua la'aqtaqa, nache saishet qome da 'auaỹaten cam nasaxauec. Qaq 'era da la'aqtac Ñim Nataxala'.

Salmos 2:4

Qaq Ñim neto'ot na piguem choche lashetac qome, Ñim Nataxala' qalaq ỹe'enai' qome namayepi.

Da na'aqtaguec so Job 12:20

Na nqataxac lo'opi qalaq qaica naqa'en ca la'aqtac, qataq deuotaxanec da qaica ca nqalaata'ai' na nqueroxonecpi.

Deuteronómio 28:49

Ñim Nataxala', 'am namaxa qome ca shiỹaxauapi maye chegaqa'a ca ỹataqta qaỹoqta 'alhua, qaq camayepi ỹataqta sailaua'ague 'eeta'am da naloxoyaxac ca taga' da huaỹotac, cam shiỹaxauapi maye saq 'aua'axaigueta naua la'aqtaqa,

Isaías 6:8

Ime, nache sa'axaỹa da lavilỹaxac Ñim Nataxala', 'eeta': «¿Negue't qome ca ishet da samaq? Qataq ¿negue't qome ca ishet da qara'aqtaxanaxanec?» Nache aỹem sasat sheeta': «Aỹem soota'a ne'ena, qaq aỹem 'auamaq qome.»

Génesis 42:23

Qaq soomaye saỹaỹate'n co'ollaxa da so José ỹaỹate'n naua la'aqtaqa, cha'aye so José ỹauota'a so ltaxaỹaxanaxanec co'ollaq detaqtegueto soomaye.

Génesis 11:5

Qalaxaye Ñim Nataxala', huenotec co'ollaxa da yaqto' imeten so huaqta'a't nỹecpi, qataq aso naue maye no'oxootapiguisheguem so shiỹaxauapi,

Génesis 10:20

Qaq 'eso som chegoxoguetpi so Cam, qaq somayepi ỹataqtac na maiche lauo' le'ecpi, llalaqpi, na'alhuapi, qataq naua maiche la'aqtaqa.

Génesis 3:22

Qataq 'enapeco': «Nagui dam shiỹaxaua, damaye 'eeta'ama qomi', da ỹaỹaten da no'on qataq da qauem. Qaq saiueno'o' da nataqa'en nqat ana ala ara qo'oipaq maye chegaqaigui da nca'alaxa, cha'aye da chec nache chochaq tatec da lca'alaxa.»

Génesis 10:32

Qaq 'eso som llalaqpi soua llalqa so Noé, ỹataqtac na maiche nhuo' le'ecpi, qataq naua maiche nma'ate. Qaq co'ollaq mashe qaỹoqtegue so auot lta'araic, nache somayepi nlagaxaalec 'enauac ana 'alhua.

Génesis 10:5

Qaq 'eso som chegoxoguetpi so Jafet, maye nalec co'ollaxa so loigue aso auaxai, qaq somayepi ỹataqtac na maiche lauo' le'ecpi, llalaqpi, na'alhuapi, qataq naua maiche la'aqtaqa.

Éxodo 4:11

Nache Ñim Nataxala' 'enapega, 'eeta': «¿Chaq negue't ca ỹauo'o na alap ca shiỹaxaua? ¿Qataq chaq negue't ca chegoqchigui da qaicaua naua la'aqtaqa ca shiỹaxaua, huo'otaq da da'añaigui na lqaic, huo'otaq da sa nauaañi, huo'otaq da nauaachiguiñi? ¿Peta'a sa nachaỹemo'?

Isaías 33:19

Qalaxaye saishet qome da qaltaq ỹe'eguelaxa da qauloỹa'a, ne'ena shiỹaxauapi maye qaica ca iren, nam shiỹaxauapi maye huo'o da lqalaic da qaỹaỹaanegueta naua la'aqtaqa, cha'aye ỹo'oxosa'alo nache qaica ca ỹaỹaanegueta.