Génesis 11:6 - La'aqtaqa Ñim Lo'onatac 'Enauacna 2013

⁶ nache 'eeta': «Namayepi maiche nhuo' le'ecpi, qataq 'eeta'a't naua la'aqtaqa, ỹoqo'oye ỹacoolec de'era no'onataxanaxac, qaq nagui, nache qaica ca nqanaxat qome de'era ỹacoolec da ỹo'ot.

Génesis 11:6 Referans Kwoze

Génesis 3:22

Qataq 'enapeco': «Nagui dam shiỹaxaua, damaye 'eeta'ama qomi', da ỹaỹaten da no'on qataq da qauem. Qaq saiueno'o' da nataqa'en nqat ana ala ara qo'oipaq maye chegaqaigui da nca'alaxa, cha'aye da chec nache chochaq tatec da lca'alaxa.»

Génesis 11:1

Qaq se'eso na'a'q so shiỹaxauapi ana 'alhua, nache 'eeta'a't co'ollaxa naua la'aqtaqa.

Lucas 1:51

Ñim Lo'onatac 'Enauacna do'onataxaatega da lta'araic la'añaxac, qataq datauec naqa'en na ño'oxonnaxaicpi.

Eclesiastés 11:9

'Am nsoqolec, nagui da ñaq nalota't da 'anachaalataxac nache 'antootapigui' qome, qataq 'anque'etaxaachigui nam no'on maye ishet da 'auo'ot nagui. Qoquegue da 'arquiyaqteỹaxac souaxat nam 'aulota'api, qalaxaye 'auennata'a da Ñim Lo'onatac 'Enauacna, nmit qome 'enauac nam 'auo'otpi.

Génesis 6:5

Qaq Ñim Nataxala' ila'a co'ollaxa da so shiỹaxauapi ana 'alhua ỹapacauec da ỹo'ottac na qauem, qataq da nache lhuennataxac da ỹo'ottac na qauem,

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.

Génesis 9:19

Qaq 'esoua soua tres llalqa so Noé, qaq soomaye qataq som llalaqpi, nache chegoqchigui da qaltaq qanayenalec ana 'alhua.

Hechos 17:26

Ñimaye ỹachegoxotchigui co'ollaxa so 'oonolec ỹale da ỹo'ot 'enauac na ỹotta'a't shiỹaxauapi, da yaqto' namayepi naleguete naua 'aleu'. Nache ỹauo'oi naua laloqo'ote namayepi, qataq ỹa'a'n naua lma'ate,

Jueces 10:14

¡Qaq ỹoqo'oye qanqo'oñiỹa yi'iye atamnaxala'pi maye qarca'aguishiqui nache qauỹaxañiỹot, yaqto' qami' itaua'n nache qami' isoueeguesopa da qanque'eenaxaqui!»

1 Reyes 18:27

Qaq co'ollaq mashe na'a'q laiñi, nache so Elías ỹe'eetalec somayepi, 'eeta': Ỹataqta qana'axanñic da qara'alaxaqui, cha'aye camaye atamnaxala'. Qaq saiuena'a da deuennataxaatac, huo'otaq imelec ca lo'onatac, huo'otaq huenoxonec. ¡Qalqo' do'ochetaca, nache iuen da qanquetoxon!

Amós 4:7

Qataq co'ollaq saxanaqcaua soua tres ca'agoxoiqa da qanqat na ala na nañiguishec, nache vi'iiguet ñaqa'en so auot. Nache na huaqta'a't nỹecpi huo'o na talec ñaqa'en so auot, qataq huo'o na saishet da talec ñaqa'en, qataq na no'onaxapi huo'o na talec ñaqa'en so auot, qataq huo'o na saishet da talec ñaqa'en nache deqaqa souaxat da qaica ca auot.