Génesis 11:5 - La'aqtaqa Ñim Lo'onatac 'Enauacna 2013

⁵ Qalaxaye Ñim Nataxala', huenotec co'ollaxa da yaqto' imeten so huaqta'a't nỹecpi, qataq aso naue maye no'oxootapiguisheguem so shiỹaxauapi,

Génesis 11:5 Referans Kwoze

Génesis 18:21

Qaq nagui ñeqo'ona yemaye, da semeten da ỹoqta 'eesa da ỹataqta lta'araic da lasouaxashet, maye aỹem qaỹa'aqtaxaateguem. Yaqto' saỹaten.»

Juan 3:13

Cha'aye saishet da huo'o ca taigue da piguem, nachaqcata cam chegaqa'ague da piguem, maye nachena nam Shiỹaxaua Llalec.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Éxodo 19:11

qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

Salmos 11:4

Qaq Ñim Nataxala' qalaq hueta'a añi qui'itta lalamaqte atamnaxaqui, Ñim Nataxala' qalaq netaña ca nso'onqa' na piguem, nache saishet da nqachegoxoyiñi naqa'en naua la'ai'te, da nauaatac na shiỹaxauapi.

Éxodo 19:20

Nache Ñim Nataxala' huenotec taalec so ỹataqta pa'asheguem añi qasoxonaxa Sinaí. Ime, nache 'enapega so Moisés da huenotsheguemec se'eso 'alhua. Nache so Moisés huenotsheguem.

Éxodo 19:18

Nache aso qasoxonaxa Sinaí nchisheguem co'ollaxa na lmala'q, cha'aye Ñim Nataxala' co'ollaq huenotec, nache nactaigui so norec. Qaq so lmala'q 'eeta'am na lmala'q ana nqatelaxanaxaqui, nache asa'aso qasoxonaxa ỹataqta 'enauac da cholaxan.

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.