Génesis 11:4 - La'aqtaqa Ñim Lo'onatac 'Enauacna 2013

⁴ Qaq ime co'ollaxa, nache 'enapeco' somayepi: «Ña qauanaqui, ño'oxonaxasheguem ca huaqta'a't nỹecpi, qataq aca qaraue, iviro'ot ñaqa'enaq na piguem. Yaqto' qomi' ỹo'oxora'q, qataq yaqto' saishet da ñelagaxataxalec 'enauac ana 'alhua.»

Génesis 11:4 Referans Kwoze

Deuteronómio 1:28

Qaq nagui, ¿hua'ago' ca sataxague? Cha'aye soua qaramaxa'ashe ỹa'axattrac da na lma' yi'iye 'alhua ỹataqta 'añaxaicpi qataq logoraicpi, qataq na huaqta'a't nỹecpi ỹataqta lta'al qataq qaỹoqotcheguemec na lpaqtaxat. Qataq ỹataqta huo'o da qarcolanaxa cha'aye qomi' qaỹa'aqtaxanema da yi'iye 'alhua lma' na chegoxoguet so shiỹaxaua logoraic maye le'enaxat Anac.›

Juan 5:44

Qaq ¡Ca 'eeteco' da qami' Aỹem qaua'amaqchiñi, ye qami' qarqopitaxache da qami' ỹo'oxoreeta'ape na shiỹaxauapi, qaq saishet da ỹo'oxoren Ñim Lo'onatac 'Enauacna maye 'oonolec!

Lucas 1:51

Ñim Lo'onatac 'Enauacna do'onataxaatega da lta'araic la'añaxac, qataq datauec naqa'en na ño'oxonnaxaicpi.

Daniel 4:30

nache 'enapeco': «¡Ña qauoloỹa na Babilonia da ỹataqta lta'araic! Aỹem so'ogoxona da lta'araic ỹa'añaxac co'ollaq ño'oxoosheguem da yaqto' hueta'a da llo'oxoyec da ỹo'onataxanaxac, qataq da ỹachaxan da ỹa'amaqchec.»

Proverbios 10:7

Ca ỹale no'on da lataxac da qaiuennate qalaq huo'o da nchoxonnataguec, ca qauemaic qalaq saqaỹaloq da qaicoua'ai.

Deuteronómio 9:1

So Moisés qaltaq detaqa, 'eeta': «Ñaq aỹem qana'axaỹaxañiỹa qami' Israel le'ecpi, cha'aye mashe ivita nagui da qaua'axasoxoñiilec ye tala Jordán da yaqto' qauo'oyiỹauec, qataq qauacoñiỹa ye na'alhuapi ye shiỹaxauapi maye qami' napacaleguete da la'amaqchec, qataq da la'añaxac, qataq netaigui ye huaqta'a't nỹecpi maye ỹataqta qaỹoqotcheguemec na lpaqtaxat.

2 Samuel 8:13

Huaña nache nquiguec da llo'oxoyec so David, lamaaxa co'ollaq loxonec so dieciocho mil edomiitapi, huaña ye ca'amapega't 'alhua maye huaña na toue.

Daniel 4:11

Qaq asa'aso qo'oipaq ñaxatec nache ivira'a da ỹataqta late'erai, ana lmilo qalaq iviro'ot na piguem, nache asomaye ishet da qaila'a da qanayeuta'a ca ỹataqta qaỹoqta ana 'alhua.

Génesis 6:4

Qaq huo'o co'ollaxa so logoraicpi shiỹaxauapi ana 'alhua, qataq co'ollaq so llalaqpi Ñim Lo'onatac 'Enauacna, huaroneguet aso llalpi so shiỹaxauapi, da yaqto' huo'o ca llalaqpi. Qaq somayepi nacheso som ỹataqta ỹo'oxoraicpi, qataq 'añaxaicpi soua hua'au' vi'iye.

Daniel 4:22

qaq asa'aso qo'oipaq qalaq nache 'am, 'am nta'a, da 'anquictasheguem qataq 'am 'añaxaic. Qataq da 'ara'amaqchec 'am nta'a nquictauec, nache ivira'a da iviro'ot na piguem, qataq da 'aro'onataxanaxac imattalec ana 'alhua.

Salmos 92:9

'Am Nataxala', ỹoqta 'eesa qome da imeuo na 'ampa'aguenaxauapi, qataq nlagaxattac qome 'enauac na qauemaicpi.

Deuteronómio 4:27

Qataq Ñim Nataxala' qami' ilagaxatoiguilo qome na ỹotta'a't shiỹaxauapi, nache da qoñiita saq 'amaqtaq qome ca ishet da nca'alec da netalec yi'iye 'alhua.

Salmos 107:26

Nache iviro'ot naqa'en na piguem somayepi, qataq ñe'eguelaxaña naqa'en na pa'aguiñi aso auaxai. Huaña, nache somayepi daqat so nachaqaanaxac souaxat de'era lchec,

Jeremías 51:53

Qaq na'aictaxa ye Babilonia da ivirasheguema na piguem da yaqto' qaỹoqotcheguemec naqa'en na lpaqtaxanaxatpi, qalaxaye nache 'ena'am samaxa cam mpa'aguenaxauapi da yaqto' ilaxachigui. Qaq 'era da ỹa'aqtac Aỹem Nataxala'.»

Daniel 4:27

Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»