Génesis 11:31 - La'aqtaqa Ñim Lo'onatac 'Enauacna 2013

³¹ Qaq so Téraj, qalaq ca'ai co'ollaxa ye Ur, yem lma' na Caldeopi, da yaqto' nqo'ona ye 'alhua Canaán, qaq somaye ỹauec co'ollaxa so llalec Abram, qataq so laual Lot, qataq aso late Saraí. Qalaxaye co'ollaq ivitra ye 'alhua Jarán, nache neraña yemaye.

Génesis 11:31 Referans Kwoze

Nehemías 9:7

'Am Nataxala' maye Qanatamnaxala', maye nache 'am da 'arca'aguishec co'ollaxa so Abram, qataq nache 'am da 'anqateguesop co'ollaxa ye 'alhua Ur, maye lma' so caldeopi, nache 'anaralaxat da le'enaxat Abraham.

Génesis 24:10

Qaq ime, nache ỹaconeua'alo soua diez aso cameellopi maye lalamaqte so na'aco', nache jec, qaq ỹache 'enauac som ỹataqta no'on nachetaqtaxanaxatpi maye chegoqo'ot so na'aco'. Qaq co'ollaq ivita ye Najor, maye huaigui ye 'alhua Mesopotamia,

Génesis 12:4

Nache so Abram ca'ai co'ollaxa ye Jarán, nache ipaqueelec dam la'aqtac Ñim Nataxala'. Qaq somaye mashe ivi' co'ollaxa soua setenta y cinco vi'iye da nachaalaxataxac, co'ollaq ca'ai ye Jarán da nqo'ona ye Canaán.

Génesis 15:7

Nache 'enapega somaye, 'eeta': «Aỹem nachaỹem Nataxala', Aỹem 'am ñeqateeguesop co'ollaxa ye Ur maye lma' na caldeopi, da yaqto' 'am sanem ne'ena 'alhua da 'aralamaxat.»

Génesis 11:32

Qaq so Taré, nache huaña yemaye da ileu, co'ollaq ivi' soua doscientos cinco vi'iye da nachaalataxac.

Génesis 10:19

Qaq so na'alhua so cananeopi nquictauec, chegoqchiguiña ye Sidón, nache ivitta'a ye 'alhua Gerar qataq ye Gaza, qataq dataigue da pa'aigue ye Sodoma, Gomorra, Adma, qataq ye Zeboyin, nache ivira'a ye Lasa.

Hebreos 11:8

So Abraham huo'o da lpi'iỹaxac Ñim Lo'onatac 'Enauacna, ỹoqo'oye ỹalaxaguet Ñimaye co'ollaq 'enapega da ca'ai ye na'alhua da taỹa ca lỹa 'alhua maye ỹami' Ñimaye, nache so Abraham ỹalaq na'aictaxa da saishet da ỹoqta ỹaỹateeta cam taỹa'ague.

Génesis 27:43

Qaq ỹoqo'oye 'am ỹalcolec, ñaq aỹem 'ana'axaỹaxana, sa 'anaỹaloxon qome da 'auatauec, 'anqo'ona ye Jarán yem lma' ca ỹaqaỹa Labán.

Génesis 24:15

Qaq ñaq saxanaxa co'ollaxa da imat da nqouagaxaunaxac, nache ila'aguet aso qaño'ole, ỹaatalec na lallac aso laco'oña 'alhua. Qaq asomaye nachaso aso Rebeca maye llale so Betuel, qaq so Betuel nacheso so llalec aso Milca qataq so Najor maye lqaỹa so Abraham.

Génesis 12:5

Qaq somaye ỹauec co'ollaxa aso lhua Saraí, qataq so lasoshec Lot. Qataq ỹache 'enauac so logoxoshetpi qataq ỹauec so l-latacpi maye ỹachegoxotaña ye Jarán. Qaq co'ollaq ivita ye Canaán,

2 Reyes 19:12

Qaq ¿ne'ena atamnaxala'pi peta'a isheto' co'ollaxa da nca'alaxatec som ỹotta'a't shiỹaxauapi, maye nlaxaañi co'ollaxa so ita'alpi, yem: Gozán, Jarán, Resef, qataq so shiỹaxauapi maye Bet Edén le'ecpi maye netaña ye Telasar?

Da na'aqtaguec so Job 1:17

Qaq ña detaqtac se'eso ỹale, nache nvireuo so lỹa, nache da'aqtaxan, 'eeta': «Tres naua lpa'axaco so anac caldeopi da qomi' iloquiaxa'n, nache ỹauota'a so lainec da nmatchiguiñi so ỹaỹepi qataq decachiỹa aso cameellopi. Qaq nachaỹemta da aỹem qoỹet, nache ñanac da 'am sa'aqtaxanem.»

Isaías 37:12

Som hua'au ita'alpi co'ollaq ilaxachigui som laỹepi shiỹaxauapi, 'eeta'am ye Gozán, Jarán, Resef, qataq so shiỹaxauapi yem 'alhua Bet Edén maye netaña co'ollaxa ye Telasar. ¿Qaq peta'a nca'alaxatec co'ollaxa somayepi, nam atamnaxala'pi?

Génesis 14:12

Qaq nataqa'en ỹaconeua'a co'ollaxa so Lot, som lasoshec so Abram maye netaña ye Sodoma, qataq nataqa'en ỹacona so no'on logoxoshetpi somaye, ime, nache jec.

Génesis 28:10

Qaq so Jacob jec co'ollaxa chegoqchiguiña ye Berseba, nache quetegue so nqa'aic maye taỹa'a ye Jarán.