Génesis 11:30 - La'aqtaqa Ñim Lo'onatac 'Enauacna 2013

³⁰ Qaq aso Saraí, qalaq qaica co'ollaxa ca llalec, cha'aye asomaye saishet da deco'o.

Génesis 11:30 Referans Kwoze

Lucas 1:36

Nataqa'en añi 'arhuo' lashe Elisabet, na'aictaxa da mashe ỹa'axaino'ole, qalaxaye nataqa'en añimaye huo'o ca llalec. Na shiỹaxauapi ipettega da mashe saishet da huo'o ca llalec, qalaxaye añimaye mashe ivi' naua seis ca'agoxoiqa da hualaxai.

Lucas 1:7

Soomaye qaica ca llale'c, cha'aye aso Elisabet sa deco'o, qataq soomaye ỹataqta mashe ỹa'axaiqa.

Salmos 113:9

Qataq Ñimaye ỹo'ot da huo'o ca lma' aca 'alo maye sa deco'o, qataq ỹanem da ntonaxac da ishet da nate'e acamaye. ¡Qaỹo'oxoren qome Ñim Nataxala'!

1 Samuel 1:2

Qaq so Elcana huo'oi soua dos lhua't. Aso 'oonole le'enaxat Ana, qaq aso lỹa Peniná. Aso Peniná huo'o so llalaqpi, qaq aso Ana qalaq qaica ca llalec.

Jueces 13:2

Qaq ye Sorá, maye lalamaxat som chegoxoguetpi so Dan, nache netaña co'ollaxa som ỹale maye le'enaxat Manoa, somaye qaica co'ollaxa ca llalec, cha'aye aso lhua somaye sa deco'o.

Génesis 29:31

Qaq Ñim Nataxala' co'ollaq ila'a da so Jacob saishet da ỹauotec aso Lea, nache Ñimaye ỹo'ot da asomaye huo'oi soua llalqa, qaq aso Raquel qalaq ỹanem da saishet da deco'o.

Génesis 25:21

Qaq aso Rebeca, saishet co'ollaxa da huo'o ca llalec, qaq ỹoqo'oye so Isaac nqouagaxaunot Ñim Nataxala', da nqouagaxaueelec asomaye. Qaq Ñim Nataxala' hua'axaỹa co'ollaxa da nqouagaxaunaxac somaye, nache aso Rebeca hualaxai.

Génesis 11:31

Qaq so Téraj, qalaq ca'ai co'ollaxa ye Ur, yem lma' na Caldeopi, da yaqto' nqo'ona ye 'alhua Canaán, qaq somaye ỹauec co'ollaxa so llalec Abram, qataq so laual Lot, qataq aso late Saraí. Qalaxaye co'ollaq ivitra ye 'alhua Jarán, nache neraña yemaye.

1 Samuel 1:5

Qalaxaye aso Ana ỹataqta ỹactec naxa da lyac na ỹanem, cha'aye ỹataqta lauotaqte, na'aictaxa da Ñim Nataxala' saq ỹanem da lco'oxoc asomaye.