Génesis 11:29 - La'aqtaqa Ñim Lo'onatac 'Enauacna 2013

²⁹ Qaq so Abram, huaroneguet co'ollaxa aso Saraí, qaq so Najor, huaroneguet aso llale so Jarán, asom le'enaxat Milca, maye lqaỹa aso Isca.

Génesis 11:29 Referans Kwoze

Génesis 22:20

Qaq co'ollaq mashe qaỹoqtegue de'era, nache so Abraham, la'axaỹaxac co'ollaxa da aso Milca nataqa'en huo'oi soua llalqa da deco'oiguet so Najor.

Génesis 17:15

Qaq nataqa'en Ñim Lo'onatac 'Enauacna, 'enapega so Abraham, 'eeta': «Añi 'arhua Saraí, saishet qome da nache 'eetai' de'era le'enaxat. Cha'aye nagui nache chegoqchiguiña da, añimaye le'enaxat Sara.

Génesis 24:15

Qaq ñaq saxanaxa co'ollaxa da imat da nqouagaxaunaxac, nache ila'aguet aso qaño'ole, ỹaatalec na lallac aso laco'oña 'alhua. Qaq asomaye nachaso aso Rebeca maye llale so Betuel, qaq so Betuel nacheso so llalec aso Milca qataq so Najor maye lqaỹa so Abraham.

Génesis 20:12

Qalaxaye 'eesa da añimaye maiche ỹaqaỹa, añimaye llale so ita'a, qalaxaye saishet da llale aso ỹate'e. Ỹoqo'oye ishet da saroneguet añimaye.

Génesis 22:23

Qaq so Betuel, nacheso so lta'a aso Rebeca. Qaq 'esoua soua ocho llalqa aso Milca, co'ollaq deco'oiguet so Najor som lqaỹa so Abraham.

Génesis 24:10

Qaq ime, nache ỹaconeua'alo soua diez aso cameellopi maye lalamaqte so na'aco', nache jec, qaq ỹache 'enauac som ỹataqta no'on nachetaqtaxanaxatpi maye chegoqo'ot so na'aco'. Qaq co'ollaq ivita ye Najor, maye huaigui ye 'alhua Mesopotamia,

Génesis 24:24

Nache asomaye ỹasat, 'eeta': «Aỹem llale ñi Betuel, ñim llalec aso Milca qataq so Najor.