Génesis 10:5 - La'aqtaqa Ñim Lo'onatac 'Enauacna 2013

⁵ Qaq 'eso som chegoxoguetpi so Jafet, maye nalec co'ollaxa so loigue aso auaxai, qaq somayepi ỹataqtac na maiche lauo' le'ecpi, llalaqpi, na'alhuapi, qataq naua maiche la'aqtaqa.

Génesis 10:5 Referans Kwoze

Sofonías 2:11

Ñim Nataxala' ỹataqta huo'o da lchec qom dataỹa'aguet namayepi. Cha'aye ilaxachigui qome 'enauac na atamnaxala'pi yi'iye 'alhua, qaq huaña qome nache 'enauac nam pa'aiguelo da qaỹo'oxoren Ñimaye, ivira'a nam shiỹaxauapi maye netaleguete nauatai' ỹaqa'atalo 'alhuole.

Jeremías 2:10

Qanqo'oñiỹa aye ỹaqauga 'alhuapiole maye pa'aigue da nala' lliguiñi, nache qaumichiñi; qataq qauauo'oi ca qauamaqỹa ye Quedar da yaqto' imeteeta da huo'otaq huo'o co'ollaxa ca 'eeta'am de'era,

Jeremías 25:22

qataq 'enauac na nta'alpi ye Tiro qataq ye Sidón, qataq 'enauac na nta'alpi maye netaña nam ỹotta'at 'alhuapi ye 'alhua Mediterráneo,

Isaías 42:4

Camaye saishet qome da nmatec qataq saishet da nasamñi, choche ivitta'a da na'arelec naqa'en ana 'alhua da nalochiguiñi lataxac. Nam netalec na ỹaqauga 'alhuapiolec aso auaxai, qalaq ỹataqta na'axaỹaxana qome na lapaxaguenataxanaxacpi.»

Génesis 10:20

Qaq 'eso som chegoxoguetpi so Cam, qaq somayepi ỹataqtac na maiche lauo' le'ecpi, llalaqpi, na'alhuapi, qataq naua maiche la'aqtaqa.

Isaías 60:9

Qomye nachana anam notaxaquipi da qanayiguingui na 'etaxat anam nnaictega'tpi, na'autec ana nnotaxaqui na lma' ye Tarsis, nachetac na 'aỹa'alaqpi maye ỹachegoxota'a cam qaỹoqta, qataq na lcat oro qataq na lcat plata, da yaqto' ỹo'oxoren Ñim 'Arataxala' maye Qui'itta Natamnaxala' na Israel le'ecpi maye ỹo'ot da 'ayo'oxoyec.

Isaías 59:18

Ñim Nataxala' ỹanem qome ñi 'oonolec cam naigui nam ỹo'ottacpi, qataq ỹauo'o ca nhuaxanaguec nam mpa'aguenaxauapi. Qataq nam nquiỹatega Ñimaye, ỹanem qome ca nsheetenaguec, ivira'a nam shiỹaxauapi maye netalec ana ỹaqauga 'alhuapiolec aso auaxai.

Isaías 51:5

Mashe saqaỹapeque da ỹauegaxanaxac, mashe anacta da ica'alaqtaxanaxac, so'onataxana qome da ỹa'añaxac da selo'ogue na nhuo' le'ecpi. Qaq nam netalec na ỹaqa'ata 'alhuapiolec qalaq aỹem iuatta'aguet qome, qataq pi'iỹa'a da ỹa'añaxac.

Isaías 49:1

Ñaq aỹem qanaxa'axaỹaxaña qami' maye qoñiitalec ana ỹaqauga 'alhua aso auaxai, qataq aỹem qanaxaỹaxañiỹa qami' ỹotta'a't shiỹaxauapi maye qami' qaỹoqtalo. Ñim Nataxala' aỹem iỹaxana co'ollaq saxanaxa da aỹem ñiguiñi nasaxauec da ỹe'enaxat co'ollaq ñaq sootaigui na lauel aso ỹate'e.

Isaías 42:10

Qauo'oñi ca dalaxaic no'onec da qauo'onaxañiito'ot Ñim Nataxala', nam netaña nam qaỹoqta 'alhua qalaq ỹo'oxoren qome Ñimaye, qataq nataqa'en nam quetalec aso auaxai qataq nam shiguiỹacpi maye huetangui asomaye, qataq nam netalec nam ỹaqauga 'alhuapiolec aso auaxai.

Isaías 41:5

Nam netalec na ỹaqauga 'alhuapiolec aso auaxai ỹauaachigui, nache ỹataqta nlaxagui da lcolanaxa, ana 'alhua qalaq ivira'alo naua loga'te da lacholaxanaxa. Mashe anacta, mashe saqaỹapeque.

Isaías 40:15

Ñimaye da ilotalec na ỹotta'a't shiỹaxauapi qalaq 'eeta'am naqa'en aca 'oonole llo'oxo na 'etaxat, qataq 'eeta'am catai' lsocholec na 'alhua da huetangui aca naloqnaxanaxaqui, qataq nam ỹotta'a't shiỹaxauapi maye netalec nam ỹaqauga 'alhuapiolec aso auaxai qalaq 'eeta'am naqa'en ca 'alhua lsoche.

Isaías 24:15

Nataqa'en da nala' lliguisheguem qataq na 'alhuapi maye hueto'ot na loigue aso auaxai, ỹo'oxoren qome Ñim Nataxala' maye Natamnaxala' na Israel le'ecpi.

Salmos 72:10

Qataq na nta'alpi maye lma' ye Tarsis qataq nam netalec ana ỹaqauga 'alhuapiole, qataq na nta'alpi maye lma' ye Sabá qataq ye Sebá, ndotega qome camaye na lachetaqtaxanaxatpi.

Génesis 10:25

Qaq qataq so Éber, huo'oi soua dos llalqa: so 'oonolec soomaye le'enaxat Peleg, cha'aye co'ollaq ñaq huo'o somaye, nache colaxagui so shiỹaxauapi ana 'alhua. Qaq so lqaỹa so Peleg le'enaxat Joctán.

Génesis 10:4

Qaq soua llalqa so Javán: Elisa, Tarsis, Quitín, qataq so Rodanín.

Génesis 10:6

Qaq soua llalqa so Cam: Cus, Misrayin, Fut qataq Canaán.

Ezequiel 26:15

Qaq Aỹem Nataxala' shenapega ye Tiro, sheeta': Nam ỹotta'a't shiỹaxauapi maye hueto'ot na loigue aso auaxai, iviloxol qom hua'axaỹa ca l-lamaxa da qouañi, qataq souaxat da hua'aqchigui da lachotaxac cam que'emaxaicpi qataq da nalaataguec na 'am netaigui shiỹaxauapi.

Ezequiel 26:18

Qaq nagui da qouañi nache na ỹotta'a't shiỹaxauapi maye hueto'ot na loigue aso auaxai iviloxol souaxat da lcolanaxa. Qaq nagui da 'auqat, nache ana ỹaqa'ata 'alhuapi aso auaxai, ỹataqta nlaxagui da lcolanaxa.

Daniel 11:18

Qaq ime qome, nache iloquiaxan cam huaqta'a't nỹecpi maye ỹotta'a't naua nañalo, maye hueto'ot na loigue aso auaxai, nache qalota qome ca loxonec que'eca nỹecpi, qalaxaye huo'o qome ca lataxala' ca alleppi cam ỹa'axaneguet qome de'era, nache ỹaneguet da la'agaxa que'eca nta'a maye lma' da sheu'.

Génesis 9:19

Qaq 'esoua soua tres llalqa so Noé, qaq soomaye qataq som llalaqpi, nache chegoqchigui da qaltaq qanayenalec ana 'alhua.

Génesis 10:32

Qaq 'eso som llalaqpi soua llalqa so Noé, ỹataqtac na maiche nhuo' le'ecpi, qataq naua maiche nma'ate. Qaq co'ollaq mashe qaỹoqtegue so auot lta'araic, nache somayepi nlagaxaalec 'enauac ana 'alhua.

Deuteronómio 32:8

Huo'o so na'a'q da Ñim Qaỹoqotcheguemec, icolaxachigui na nhuo' le'ecpi, qataq na ỹotta'a't shiỹaxauapi, qataq ỹauo'oi naua loga'te naua lma'ate na nhuo' le'ecpi, qalaxaye naloqchiichigui ye lcata na llalaqpi so Israel.

Ester 10:1

So nta'a Asuero, ỹauo'o co'ollaxa aso iỹaxanaique, da lsheetenaxanaqte so shiỹaxauapi maye netalec 'enauac so 'alhuapi maye ilotague' somaye, qataq aso ỹaqa'ata 'alhuapi aso auaxai.

Isaías 11:11

Qaq que'eca na'a'q Ñim Nataxala' qaltaq ỹachaxan qome da la'añaxac, nache ñe'eguelaxat cam lca'alaxaicpi nam lalamaxat nhuo' le'ecpi, maye hueta'a ye Asiria, Egipto, Patros, Etiopía, Elam, Sinar, Hamat, qataq ana ỹaqa'ata 'alhuapiolec aso auaxai.