Génesis 10:4 - La'aqtaqa Ñim Lo'onatac 'Enauacna 2013

⁴ Qaq soua llalqa so Javán: Elisa, Tarsis, Quitín, qataq so Rodanín.

Génesis 10:4 Referans Kwoze

Daniel 11:30

Cha'aye ca alleppi maye chegoxogue da nala' lliguiñi, maye netangui aca notaxaquipi maye quiguingui na 'etaxat, iloquiaxan qome ca nalleppi camaye, nache camayepi nlaxagui qome da lcolanaxa nache ỹe'eguelaq. Qaq huaña nache que'eca nta'a maye lma' da sheu', imatalec qome da lalemataic som qui'itta aỹamaxataxac, qalaxaye ỹauotec qome cam saỹalaxaguet som qui'itta aỹamaxataxac.

Isaías 23:12

Qataq 'enapega ye Sidón: «'Am qa'añole maye 'am sa qaiyacnapec, saishet qome da 'avi'eguelaxa da 'auamachiguiñi, na'aictaxa da 'auauotaique da 'avira'a ye Chipre, qalaxaye ñaqaiyeta qaica ca 'anmataxac.»

Isaías 23:1

Da na'aqtac da qaỹa'axata'a dam talec qome ye Tiro. Ña qanỹeñi qami' notaxaquipi ye Tarsis, cha'aye mashe nlaguiñi na nỹecpi qataq yem ñegueta. Qataq chegoqchiguiña ye Chipre da qara'axaỹaxaqui maye qami' nvitalo.

Números 24:24

Cha'aye anac qome aca notaxaquipi nacto'ot na loigue ye Chipre, nache ỹo'ot da nque'eenaxac na Asiria le'ecpi qataq na Éber le'ecpi, cha'aye nataqa'en taỹa'alo da qailaxachiguilo.»

Ezequiel 27:25

Qaq ana notaxaquipi da qanayiguingui na 'etaxat maye chegaqa'a ye Tarsis, qalaq nacalec ana lỹa da 'am ndotegueta na lmenecpi. Qaq nache qoneta'am co'ollaxa aca notaxaqui maye quetangui na laiñi aso auaxai, notaxaqui maye nlaqchigui da nsallaxa.

Ezequiel 27:12

Qaq ỹataqta logosheguem co'ollaxa so 'arsallaxa, nache ye Tarsis 'am nmeetague' co'ollaxa, qaq nmeneguet naxa na 'armenecpi ana alom plata, lcat, estaño, qataq na plomo.

Génesis 10:5

Qaq 'eso som chegoxoguetpi so Jafet, maye nalec co'ollaxa so loigue aso auaxai, qaq somayepi ỹataqtac na maiche lauo' le'ecpi, llalaqpi, na'alhuapi, qataq naua maiche la'aqtaqa.

1 Crónicas 1:7

Qaq soua llalqa so Javán: Elisa, Tarsis, Quitín qataq so Rodanín.

Ezequiel 27:6

so 'arlloctaxanaxatpi qalaq qaỹachegoxotaigui na robles ye Basán, qaq so 'ansoxonaxala' qalaq chegaqaigui na cipreses maye qaỹachegoxota'a ye loigue ye Chipre, qataq qalapaxalec na marfil.

Ezequiel 27:7

Qaq so 'araỹoxonaqtac maye huo'o na llo'oxoraxatpi qalaq chegaqaigui na lino maye chegaqa'a ye Egipto, qaq somaye nache nataqa'en 'ara'anaxanaqte, qaq som 'arpe'l malaxaraic qataq togaxaraic da lo'oxoỹaxac qalaq qaỹachegoxota'a co'ollaxa ye loigue ye Elisa.