Génesis 10:22 - La'aqtaqa Ñim Lo'onatac 'Enauacna 2013

²² Qaq soua llalqa so Sem: Elam, Asur, Arfaxad, Lud, qataq so Aram.

Génesis 10:22 Referans Kwoze

Isaías 66:19

Qaq Aỹem, sauo'o qome ca la'anaxat huaigui namayepi, cam lca'alaxaicpi namayepi qalaq samaxa qome nam ỹotta'a't shiỹaxauapi. Samaxa qome ye Tarsis, Libia qataq ye Lidia, yem 'alhua maye hueta'a na shiỹaxauapi maye ỹaỹaten da do'ogoxona na checnec, qataq ye Tubal, ye Grecia qataq anam qaỹoqta ỹaqauga 'alhuapiole aso auaxai, maye saỹauanego' da hua'aqteguelec Aỹem, qataq saishet da ỹauaachigui co'ollaxa da ỹo'oxoyec, qaq namayepi ỹa'axatem qome da ỹo'oxoyec nam ỹotta'a't shiỹaxauapi.

Hechos 2:9

Ye qomi' huo'o nam chegaqa'a ye 'alhua Partia, qataq ye Media, qataq ye Elam, qataq ye Mesopotamia, qataq ye Judea, qataq ye Capadocia, qataq ye Ponto, qataq ye 'alhua Asia,

Jeremías 25:25

qataq 'enauac na nta'alpi ye 'alhua Zimri, Elam qataq ye Media,

Isaías 22:6

Qaq na Elam le'ecpi mashe ỹacona ana lchecnapi, qataq mashe netangui ana nnaigonapi, qataq netalec na lalo caipi, qaq na lma' ye Quir qalaq ỹacona ana lpaqtaxanaqtepi.

Isaías 21:2

Qaq aỹem Isaías, ỹataqta huo'o da lchec som ỹauanaqchec maye aỹem ỹachaxana Ñim Lo'onatac 'Enauacna, som que'elaqtaxanaxaic deque'elaqtaxan qataq som laqtaxanaxaic delaqtaxan. ¡Ña 'anachaañi 'am Elam! ¡Qataq 'auloqui 'am Medos! Aỹem, nache tachiguiña ñaqa'en da nachoxoc na shiỹaxauapi.

Isaías 11:11

Qaq que'eca na'a'q Ñim Nataxala' qaltaq ỹachaxan qome da la'añaxac, nache ñe'eguelaxat cam lca'alaxaicpi nam lalamaxat nhuo' le'ecpi, maye hueta'a ye Asiria, Egipto, Patros, Etiopía, Elam, Sinar, Hamat, qataq ana ỹaqa'ata 'alhuapiolec aso auaxai.

Da na'aqtaguec so Job 1:17

Qaq ña detaqtac se'eso ỹale, nache nvireuo so lỹa, nache da'aqtaxan, 'eeta': «Tres naua lpa'axaco so anac caldeopi da qomi' iloquiaxa'n, nache ỹauota'a so lainec da nmatchiguiñi so ỹaỹepi qataq decachiỹa aso cameellopi. Qaq nachaỹemta da aỹem qoỹet, nache ñanac da 'am sa'aqtaxanem.»

2 Reyes 15:19

Qaq se'esoua vi'iye da nta'a somaye, nache so Pul, maye nta'a ye Asiria, taỹa da iloquiaxan co'ollaxa yi'iye 'alhua. Nache so Menajén, ỹanem co'ollaxa so Pul, so treinta y tres mil kilos na lcat plata da yaqto' saishet sa qairaxanai' da lo'onataxanaxac da nta'a.

Números 23:7

Qaq huaña nache so Balaam do'onaxaataueeguelo naua la'aqtaqa, 'eeta': So Balac maye lta'a na netaña na Moab. Aỹem ỹachegoqchiguiña aye qasoxonaxapi maye pa'aigue da nala' lliguisheguem ye Aram, da aỹem nauega ne'ena 'alhua. Nache aỹem 'enapega 'eeta': Ña 'auanac qome da yaqto' 'auasaxalec ca qauem 'ara'aqtac so Jacob, qataq 'auasaxalec ca nhuaxanaguec na Israel.

Génesis 9:26

Qaq ime qaltaq 'enapec: «Qaỹo'oxoren qome Ñim Nataxala', maye natamnaxala' ñi Sem, qaq ñi Canaán qalaq choche l-latac qome ñi Sem.

Lucas 3:36

qaq so Sala, nache lta'a so Cainán, qaq so Cainán, nache lta'a so Arfaxad, qaq so Arfaxad, nache lta'a so Sem, qaq so Sem, nache lta'a so Noé som llalec so Lamec,

Génesis 10:21

Qaq so Sem som lqaỹa ỹe so Jafet, nataqa'en somaye huo'o so llalaqpi. Qaq 'enauac so llalaqpi so Éber, nache chegoxoguet so Sem.

Génesis 11:10

Qaq 'ana ana le'enaxat lmalate som chegoxoguetpi so Sem. Qaq co'ollaq mashe dos vi'iye soua huetaiguilo da ỹoxogue so auot lta'araic, co'ollaq so Sem, mashe ivi' soua cien vi'iye da nachaalataxac, nache ñiguiñi so llalec le'enaxat Arfaxad.

Números 24:22

qalaxaye 'am Caín 'aỹa'a ye norec qaq ye Asiria 'am loxonec qome nache 'am ỹauec.»

Ezequiel 32:24

Qaq 'iye ye Elam, qataq 'enauac ye nalleppi coleesop añi nhuachiqui yemayepi. Qaq 'enauac yemayepi da ileuaigui co'ollaxa so alaataxac, yem ỹaqa'a da la'amqaanataxanaxac huañi nache taigui ana 'alhua. Yemayepi ỹo'ot co'ollaxa da lcolanaxa na ñaq nca'altauecpi, qalaxaye nagui qaica ca la'amaqchec ỹalectaigui nam mashe huetangui ana huachiquipi.

Daniel 8:2

Qaq so sootaigui so ỹauanaqchec, nache 'eeta'am ñaqa'en da soota'a ye huaqta'a't nỹecpi ye Susa, maye huaigui ye 'alhua Elam, maye hueto'ot na loigue aso tala Ulay.