Génesis 10:2 - La'aqtaqa Ñim Lo'onatac 'Enauacna 2013

² Qaq soua llalqa so Jafet: Gomer, Magog, Maday, Javán, Tubal, Mesec qataq so Tiras.

Génesis 10:2 Referans Kwoze

Ezequiel 38:2

«'Am shiỹaxaua, 'auamata'ague da pa'aigue ye 'alhua Magog, nache 'aua'axata'a dam 'eetec qome ye Gog, maye lataxala' ye Mesec qataq ye Tubal.

Ezequiel 38:6

qataq nataqa'en 'enauac na alleppi ye Gomer, qataq ye bet-togarmá, qataq yem ỹataqta qaỹoqta maye pa'aigue da sheu', yem qalota nhuo' le'ecpi maye 'artauapi.

Apocalipsis 20:8

Nache nnoxoosheguem da yaqto' ỹatenachet na shiỹaxauapi maye hueta'a ye Gog qataq Magog maye naigui 'enauac na ỹotta'a't shiỹaxauapi ana 'alhua. Nache so pa'aguenataxanaxaic laỹona't na nalleppi ne'ena ỹotta'a't shiỹaxauapi da yaqto' nalat naqa'en; qaq namayepi saishet da qaivi' da qanaloqten, 'eeta'am da 'eetec da saishet da ishet da qanaloqten na lsoche na delec maye hueto'ot na loigue aso auaxai.

Isaías 66:19

Qaq Aỹem, sauo'o qome ca la'anaxat huaigui namayepi, cam lca'alaxaicpi namayepi qalaq samaxa qome nam ỹotta'a't shiỹaxauapi. Samaxa qome ye Tarsis, Libia qataq ye Lidia, yem 'alhua maye hueta'a na shiỹaxauapi maye ỹaỹaten da do'ogoxona na checnec, qataq ye Tubal, ye Grecia qataq anam qaỹoqta ỹaqauga 'alhuapiole aso auaxai, maye saỹauanego' da hua'aqteguelec Aỹem, qataq saishet da ỹauaachigui co'ollaxa da ỹo'oxoyec, qaq namayepi ỹa'axatem qome da ỹo'oxoyec nam ỹotta'a't shiỹaxauapi.

Ezequiel 39:1

Qaq 'am shiỹaxaua, 'auachegoxotchigui da ỹe'enaxat da 'aua'axat da 'eetec qome ye Gog, nache qoneta': Da la'aqtac Ñim Nataxala', 'eeta': 'Am Gog maye 'am 'amaqtaqaic lataxala' ye Mesec qataq ye Tubal, Aỹem 'am ñechoxota da 'am ñepa'aguenaxaua.

Ezequiel 38:15

'auachegoqchiguiña ye 'ana'alhua, yem ỹataqta qaỹoqta maye pa'aigue da sheu', 'annaictague' qome ca ỹataqta 'añaxaicpi qataq qalota alleppi, qataq cam netalec na caipi,

Ezequiel 27:19

Qataq ỹachegotchiguiña naxa ye Uzal da 'am nda'a na lataxa, qataq na no'onatac lcat, qataq na canela, qataq ana coqta maye ama na laita, da yaqto' nmeneguet na 'armenecpi.

Ezequiel 27:7

Qaq so 'araỹoxonaqtac maye huo'o na llo'oxoraxatpi qalaq chegaqaigui na lino maye chegaqa'a ye Egipto, qaq somaye nache nataqa'en 'ara'anaxanaqte, qaq som 'arpe'l malaxaraic qataq togaxaraic da lo'oxoỹaxac qalaq qaỹachegoxota'a co'ollaxa ye loigue ye Elisa.

Génesis 10:21

Qaq so Sem som lqaỹa ỹe so Jafet, nataqa'en somaye huo'o so llalaqpi. Qaq 'enauac so llalaqpi so Éber, nache chegoxoguet so Sem.

Génesis 9:27

Qataq Ñim Lo'onatac 'Enauacna nquigaxattauec qome ñi Jafet, qataq lmayaxaua naqa'en ñi Sem, qaq ñi Canaán qalaq choche nlatac qome.»

Génesis 10:1

Qaq 'ana ana le'enaxat lmalate som chegoxoguetpi soua llalqa so Noé: Sem, Cam qataq so Jafet, maye co'ollaq ime so auot lta'araic, nache soomaye huo'o so llalaqpi.

2 Reyes 17:6

Qaq co'ollaq mashe ivi' soua nueve vi'iye da lo'onataxanaxac so Oseas, nache so nta'a ye Asiria, loxonec co'ollaxa ye Samaria. Huaña nache ỹauec so Israel le'ecpi, ỹauega ye Asiria, nache ỹanalec ye 'alhua le'enaxat Jalaj, qataq ye Jabor, qataq ye tala Gozán, qataq yem huaqta'a't nỹecpi maye lalamaxat so meedopi.

Salmos 120:5

Qaq choxoraicolec aỹem ye choche sachegaqauec da sootaña na Mesec, qataq da sootaigui na npe'lpi na Cedar.

Ezequiel 32:26

Qaq 'iye ye Mesec, qataq ye Tubal, qataq 'enauac ye nalleppi coleesop añi nhuachiqui yemayepi, qaq 'enauac yemayepi ỹaqa'a da la'amqaanataxanaxac maye ileuaigui co'ollaxa so alaataxac, yemayepi ỹo'ot co'ollaxa da lcolanaxa nam ñaq nca'altauecpi.