Génesis 10:19 - La'aqtaqa Ñim Lo'onatac 'Enauacna 2013

¹⁹ Qaq so na'alhua so cananeopi nquictauec, chegoqchiguiña ye Sidón, nache ivitta'a ye 'alhua Gerar qataq ye Gaza, qataq dataigue da pa'aigue ye Sodoma, Gomorra, Adma, qataq ye Zeboyin, nache ivira'a ye Lasa.

Génesis 10:19 Referans Kwoze

Génesis 14:2

Qaq se'esoua nta'al deloctague' co'ollaxa so Bera, maye nta'a ye Sodoma, qataq so Birsa, maye nta'a ye Gomorra, qataq so Sinab maye nta'a ye Adma, qataq so Semeber maye nta'a ye Zeboyin, qataq so nta'a Bela, maye da lỹa le'enaxat Soar.

Oseas 11:8

'Am Efraín, ¿ca sheetectaxa da 'am sheca'ai? 'Am Israel, ¿ca sheetectaxa da 'am salat? ¿Isheto' peta'a da 'am selaxachigui da 'eeta'am so huaqta'a't nỹecpi ye Admá, huo'otaq da 'eeta'am da sheetec co'ollaxa so huaqta'a't nỹecpi ye Seboyin? ¡Da iquiyaqteỹaxac ỹataqta Aỹem iraxanapec, souaxat da ichoxonnataxanaxa da qoneta!

Jeremías 25:20

qataq nam chegaqauec shiỹaxauapi maye hueta'a yemaye, qataq 'enauac na nta'alpi ye 'alhua Us, qataq hueta'a ye na'alhua na Filisteopi: yem Ascalón, Gaza, Ecrón qataq nam no'onañi ye Asdod,

Jueces 16:1

Huo'o so na'a'q nache so Sansón taỹa so huaqta'a't nỹecpi ye Gaza. Huaña, qaq ila'a co'ollaxa aso 'alo quisheguetaxai, nache nqo'oneua'a so lma' da lauañi' asomaye.

Deuteronómio 32:8

Huo'o so na'a'q da Ñim Qaỹoqotcheguemec, icolaxachigui na nhuo' le'ecpi, qataq na ỹotta'a't shiỹaxauapi, qataq ỹauo'oi naua loga'te naua lma'ate na nhuo' le'ecpi, qalaxaye naloqchiichigui ye lcata na llalaqpi so Israel.

Génesis 26:1

Qaq se'eso na'a'q, huo'o so lta'araic nqouaxa, 'enauac se'eso 'alhua, qaq 'eeta'am so nqouaxa som na'a'q co'ollaq ñaq nca'altauec so Abraham. Ỹoqo'oye so Isaac, taỹa ye Gerar, yem netaña so Abimelec, maye nta'a ye Filistea.

Génesis 20:1

Qaq so Abraham ca'ai co'ollaxa ye netaña, nache nqo'ona ye 'alhua le'enaxat Néguev. Qaq nache naña ye huaqta'a't nỹecpi ye Gerar, maye vichiguinguilo yeua Cades qataq Shur.

Génesis 18:20

Qaq huaña nache Ñim Nataxala' da'aqtaxanem somaye, 'eeta': «Ye shiỹaxauapi maye lma' ye Sodoma qataq ye Gomorra, ỹataqta qauem da na'aqtaguec, qataq da lasouaxashet ỹataqta lta'araic.

Hechos 8:26

Qaq co'ollaq ime de'era, nache so lamaxashec piguem le'ec Ñim Qarataxala', somaye 'enapego' so Felipe, 'eeta': –Qoñisheguem, nache 'aigue da taguiñi, qoquegue so nqa'aic maye taalec ye toolec 'alhua chegaqasheguemec ye nỹecpi ye Jerusalén, taỹa'a ye Gaza.

Génesis 10:18

arvadeopi, semareopi, qataq so jamatiitapi. Qaq ime co'ollaxa, nache nlagaxaañi 'enauac so cananeopi.

Génesis 10:20

Qaq 'eso som chegoxoguetpi so Cam, qaq somayepi ỹataqtac na maiche lauo' le'ecpi, llalaqpi, na'alhuapi, qataq naua maiche la'aqtaqa.

Génesis 14:3

Qaq se'esoua cinco nta'al, ỹauaxaỹaxana't co'ollaxa som nalleppi, huaña ye ca'amegue maye le'enaxat Sidín, maye nachaso aso Auaxai Leuaxai.

Josué 19:28

Qaq nache imattalec ye 'alhua ye Abdón, Rejob, Hamón qataq ye Caná, nache ivitta'a so 'amaqtaqaic huaqta'a't nỹecpi ye Sidón.

2 Crónicas 14:13

Qalaxaye so Asa, qataq so nalleppi icaalec co'ollaxa somayepi, nache iviraxatta'a ye Gerar, huaña nache loxonec so Etiopía le'ecpi, nache nmatchiguiñi da ỹalauat, cha'aye Ñim Nataxala' qataq so nalleppi Ñimaye, ỹataqta nmichiguiñi naqa'en. Nache so Judá le'ecpi ỹataqta qalota so ỹacona logoxoshetpi somayepi.

Isaías 23:4

Ñaq 'auauo'o da 'ara'agaxa 'am Sidón, cha'aye ana auaxai detaqa, 'eeta': «Mashe qaica co'ollaxa ca ñiqui'ic, mashe saishet co'ollaxa da seco'o. Qataq mashe qaica ca ỹalaqpi da saqchet, qataq aca ỹalepi da sapagaxaguen.»

Jeremías 47:1

Qaq 'era da la'aqtac Ñim Nataxala' maye ỹanem so na'aqtaxanaxanec Jeremías, da ỹa'axata'a dam 'eetec qome na filisteopi, co'ollaq so faraón saxanaxa da iloquiaxan ye Gaza, 'eeta':

Ezequiel 28:21

«'Am shiỹaxaua, 'auamata'a ye Sidón, nache 'aua'axata'a dam taỹa'a yemaye.

Deuteronómio 2:23

Qataq nachera da 'eetec nataqa'en co'ollaxa so filisteopi maye chegaqa'a co'ollaxa ye Creta da nmatchiguiñi so heveopi, maye nañalo naua lỹa't nma'ate maye lauoreu' ye Gaza, nache nalec yi'iye 'alhuapi.

Jueces 6:4

Nache naxa da ivita ye na'alhua so Israel le'ecpi, nache ỹa'ayiñi na lpe'lpi, nache ilaxachigui 'enauac na lañiguishecpi somayepi, nache ivira'a ye 'alhua ye Gaza, nache ỹataqta qaica ca no'onaxatañi da aloq so Israel le'ecpi, ivira'a aso qaguetapi, nauegaxanaxala'pi huaca qataq so 'ashenapi.

1 Samuel 13:18

qaq so laỹepi qalaq taigue da pa'aỹa'ague ye Bet Jorón, qaq so pa'atec laỹepi qalaq taalec ye toolec 'alhua maye pa'aỹa'ague añi lcomaraxalate maye naña ye Zeboyin.

2 Crónicas 14:12

Qaq huaña, nache Ñim Nataxala', ỹanem so Asa qataq so Judá le'ecpi, da loxonec so Etiopía le'ecpi, nache somayepi datauec co'ollaxa.

Da na'aqtaguec so Job 38:20

¿Peta'a 'aushet da ivira'a 'anqa'en ca pa'atec loga't ana 'alhua, qaq da ime, nache 'añe'eguelaxata ca chegoqchiguiña lma'?

Isaías 23:11

Ñim Nataxala' ỹachaxaasheguem na lhuaq taalec naqa'en aso auaxai, nache iviloxol naqa'en na ỹotta'a't shiỹaxauapi, qataq damaxasoxoolec da qailaxachigui na npaqtaxanaxatpi ye Canaán.