Génesis 10:15 - La'aqtaqa Ñim Lo'onatac 'Enauacna 2013

¹⁵ Qaq so Canaán, nacheso so lta'a so Sidón som hua'auchiguiñi llalec, qataq so Jet.

Génesis 10:15 Referans Kwoze

Éxodo 34:11

Qaq da ỹataqta qaupaquiitelec da qami' sanema ỹa'aqtac, nache Aỹem samaqauec qome ye amorreopi, cananeopi, hitiitapi, ferezeopi, heveopi qataq ye jebuseopi.

1 Crónicas 1:13

Qaq so Canaán, huo'oi co'ollaxa soua dos llalqa, so hua'auñi llalec le'enaxat Sidón, qaq so lỹa llalec le'enaxat Het.

Génesis 23:3

Qaq ime co'ollaxa, nache ca'ai so hueta'a asom lqata Sara, nache nqo'ona da detaxaỹapegue' so hitiitapi maye lma' yi'iye 'alhua, nache 'eeta':

Isaías 23:4

Ñaq 'auauo'o da 'ara'agaxa 'am Sidón, cha'aye ana auaxai detaqa, 'eeta': «Mashe qaica co'ollaxa ca ñiqui'ic, mashe saishet co'ollaxa da seco'o. Qataq mashe qaica ca ỹalaqpi da saqchet, qataq aca ỹalepi da sapagaxaguen.»

2 Samuel 11:3

Nache so David damaxasoxon co'ollaxa da qaichemaxata chaq negue't asa'aso 'alo. Nache qaỹa'aqtaxanem somaye, da asa'aso 'alo le'enaxat Betsabé, maye llale so Elián qataq lhua so Uría som hitiita.

Josué 11:8

qaq Ñim Nataxala' ỹanem so Israel le'ecpi da nauec somayepi, nache iloquiaxaatac qataq icaatalec co'ollaxa somayepi, iviraxata'a ye 'amaqtaqaic huaqta'a't nỹecpi ye Sidón qataq ye Misrefot Mayin maye pa'aỹa'ague da sheu', nache iviraxatta'a ye nalochiguiñi 'alhua ye Mispá, yem pa'aỹa'ague da yo'oxoñi. Nache ỹataqta qaica ca no'onaxatañi da nca'alaxattauec.

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Génesis 49:13

Qaq da Zabulón qalaq neto'ot qome na loigue aso auaxai, cam huaña qome ca llegueta ana notaxaquipi maye quiguingui na 'etaxat. Qaq ca loga't ca lma' qalaq ivira'a qome ye Sidón.

Génesis 24:3

nache 'aỹa'anot ca 'ara'aqtac Ñim Nataxala' maye lo'onatac na piguem qataq ana 'alhua, da yaqto' saishet da 'auashenem ñi ỹalec Isaac, da huaroneguet aca 'alo maye lma' na 'alhua Canaán, maye soota'a nagui,

Jeremías 47:4

Cha'aye ivita ca na'a'q da qailaxachigui na filisteopi, qataq da qaỹacona da ntaunaguec maye ñaqauo'o yem Tiro qataq ye Sidón.» Aja', Ñim Nataxala' ilaxachigui qome na filisteopi qataq nam netalec añi ỹaqa'ata 'alhua maye le'enaxat Creta.

Ezequiel 28:21

«'Am shiỹaxaua, 'auamata'a ye Sidón, nache 'aua'axata'a dam taỹa'a yemaye.

1 Samuel 26:6

Nache so David inat so Ajimélec som hitiita qataq so Abisay som llalec so Seruyá, maye lqaỹa so Joab, 'eeta': ¿Negue't ca lhuotta da aỹem ca'ategue da ñeqo'onaxa ye lanataqa' so Saúl? Nache so Abisay 'enapeco': Aỹem 'am seca'ategue.

2 Samuel 24:6

Qaq co'ollaq ime, nache taỹa ye Galaad qataq ye Cades, yem na'alhua na hitiitapi. Qataq ivitta'a ye Dan, nache ncoleetaua'a ye Sidón.

Ezequiel 27:8

Qaq so 'arlloctaxanaxat lo'opi ỹalleppi qalaq chegaqa'a ye Sidón qataq ye Arvad, qaq so 'aramaicnaxanaxanecpi maye nma'ai' da ỹaỹaten na 'etaxat qalaq somayepi maiche 'arma'ashecpi.