Génesis 10:10 - La'aqtaqa Ñim Lo'onatac 'Enauacna 2013

¹⁰ Qaq so nma'pi maye hua'auchiguiñi da ilotague' co'ollaxa, le'enaxat Babel, Erec, Acad, qataq Calne, maye huaigui ye 'alhua Sinar.

Génesis 10:10 Referans Kwoze

Génesis 11:9

Qaq ỹoqo'oye se'eso huaqta'a't nỹecpi, qoỹanagui da le'enaxat Babel, cha'aye nache huaña co'ollaq Ñim Nataxala' ỹotta'a't naqa'en na la'aqtacpi 'enauac na shiỹaxauapi ana 'alhua, qataq nache chegoqchiguiña co'ollaxa da ilagaxaalec 'enauac ana 'alhua.

Génesis 11:2

Qaq co'ollaq ca'ai yem 'alhua maye pa'aỹa'ague da nala' lliguisheguem, nache ilalec so nalochiguiñi 'alhua, maye huaigui ye 'alhua Sinar. Qaq, nache naña co'ollaxa yemaye.

Miqueas 4:10

Qaq 'am huaqta'a't nỹecpi na Sión, 'ancogañi qome, qataq 'ana'alaxañe, qoneta'am 'aca 'alo da deco'otapigui', cha'aye nache 'am chegaqaigui qome na shiỹaxauapi, da tauga na no'onaxa da yaqto' nalec, nache ivitta'a ye Babilonia. Qalaxaye nache huaña qome yemaye da Ñim Nataxala', isouec na lalamaxat nhuo' le'ecpi, qataq nca'alaxateeguesop da lhuaqỹaxac na npa'aguenaxauapi.

Génesis 14:1

Qaq se'eso na'a'q, so Amrafel nta'a ye Sinar, qaq so Arioc nta'a ye Elasar, qaq so Quedorlaomer nta'a ye Elam, qaq so Tidal nta'a ye Goyín.

Zacarías 5:11

Nache somaye aỹem ỹasateguet 'eeta': «Asomaye qairo'ogue da Babilonia, yem huaña qome da qano'oxoosheguem aca atamnaxaqui, qaq qom ime acamaye, nache asa'aso naloqnaxanaxaqui qoỹanalec aca nca'atoxonaxalate.»

Miqueas 5:6

da yaqto' ỹauota'a ca lainecpi da ilaxachigui ye Asiria maye na'alhua so Nimrod, nache caamaye qomi' nca'alaxateeguesopa nam asiiriopi da ỹa'axasoxoolec nam loga'tpi nam qana'alhua, qataq inoxotaua'a nam qana'alhua.

Amós 6:2

Ña qanqo'oñiỹa qome ye Calne nache qaumichiñi, ime, nache qanqo'oñiỹa qome ye 'amaqtaqaic Hamat, qataq qananaiña ye Gat maye lma' na filisteopi. Qaq ¿peta'a qaupi'itaxañiitega da qanapaquialec da la'amaqchec yi'iyiua 'alhua? ¿Qalqo' ye lcata yi'iyiua 'alhua napacalec ye lcata nam qana'alhuai?

Jeremías 50:21

¡Qauloquiaxañi na hueta'a ye 'alhua Meratayin qataq nam lma' ye Pecod! ¡Qaucañiỹapec qome nache ỹataqta imauec da qanlaxachiiñi! ¡Qaualaqaiguet qome 'enauac da ỹamaxasoxonaxac. Qaq 'era da ỹa'aqtac Aỹem Nataxala'.

Isaías 39:1

Qaq se'eso na'a'q so nta'a Medorac Baladán, som llalec so Baladán, maye nta'a ye Babilonia, la'axaỹaxac co'ollaxa da sa no'on so Ezequías qalaxaye mashe qaltaq no'oita, nache ỹauo'oi soua lamaxa'she da ira'alo so Ezequías aso lere qataq so nme.

Isaías 11:11

Qaq que'eca na'a'q Ñim Nataxala' qaltaq ỹachaxan qome da la'añaxac, nache ñe'eguelaxat cam lca'alaxaicpi nam lalamaxat nhuo' le'ecpi, maye hueta'a ye Asiria, Egipto, Patros, Etiopía, Elam, Sinar, Hamat, qataq ana ỹaqa'ata 'alhuapiolec aso auaxai.

Isaías 10:9

Cha'aye aỹem, nache 'eeta'a't ñaqa'en yem huaqta'a't nỹecpi ye Calno qataq ye carquemis, Amat qataq ye Arpad, ye Samaria qalaq 'eeta'am ye Damasco.

Daniel 1:2

Qaq Ñim Nataxala' ỹanem so Nabucodonosor, da loxonec so Joaquim, qataq da deuotaxanec so qalota nhuenecpi aso atamnaxaqui maye lalamaqte Ñim Lo'onatac 'Enauacna. Nache so Nabucodonosor, ỹauec so lcoñeteguishecpi ỹauega ye Babilonia, qaq se'eso nhuenecpi maye saqaishetapec, qalaq ỹachaigui co'ollaxa aso laỹe' na logoxoshetpi aso atamnaxaqui maye netaigui som natamnaxala'pi somaye,

Génesis 10:9

Qaq so Nimrod, qalaq chegoqchigui co'ollaxa Ñim Nataxala' da ima'aguet da 'ipiaxac. Qaq ỹoqo'oye qoỹenacnaxa da huo'o ñi 'ipiaxaic: «'Eeta'am so Nimrod, maye chegoqchigui Ñim Nataxala', da ima'aguet da 'ipiaxac.»

Jeremías 21:2

«Ña qomi' 'anqouagueque da 'aunat Ñim Nataxala' da qomi' 'aunataxaaleguete, cha'aye ñi Nabucodonosor maye nta'a ye Babilonia, mashe huotaique da qomi' iloquiaxa'n. Shapegueto' da Ñim Nataxala' ỹo'ot ca saqaỹauanapega da yaqto' ỹo'ot da ñi Nabucodonosor qomi' ca'aisalo.» Qaq huaña nache Ñim Nataxala' 'enapega so Jeremías,

Jeremías 50:1

Qaq 'era da la'aqtac Ñim Nataxala' maye ỹanem so Jeremías da ỹa'axata'a da talec qome ye Babilonia, yem lma' so caldeopi, 'eeta':

Ezequiel 27:23

Qataq 'am nmeetague' naxa ye Arán, Cane, Edén, qataq na nmenaxaicpi ye Sabá, Asiria qataq 'enauac ye Media,