Génesis 1:6 - La'aqtaqa Ñim Lo'onatac 'Enauacna 2013

⁶ Huaña nache Ñim Lo'onatac 'Enauacna, 'enapeco': Huo'o ca pa'asheguem na'atchiguiñi npaxatta'aguet na 'etaxat, da yaqto' dos naua lpa'axaco.

Génesis 1:6 Referans Kwoze

Da na'aqtaguec so Job 37:18

¿Peta'a 'autauaatac co'ollaxa Ñim Lo'onatac 'Enauacna, da ỹanasheguem na piguem, qataq da sa deraỹai' 'anqa'en nache 'eeta'am na lcat da lqashelgaxa?

Jeremías 51:15

Ñim nataxala', do'ogoxona da la'añaxac co'ollaq ỹo'ot ana 'alhua, qataq do'ogoxona da laỹaanec co'ollaq ỹa'ayiñi ana 'alhua, qataq do'ogoxona da laỹaanataxanaxac co'ollaq ilagaxaañi na piguem.

Salmos 33:6

Ñim Nataxala' ỹauota'aisalo co'ollaxa naua la'aqtaqa da ỹo'ot na piguem, qataq co'ollaq iquetetec na la'at nache ỹo'ot 'enauac ana huaqaañipi.

Salmos 104:2

'Eeta'am 'anqa'en ca npo' da 'anapogoña na yo'oqchiguiñi. Qataq 'aupiguiisheguem na piguem 'eeta'am ca napoxonaxat.

Salmos 33:9

Cha'aye Ñimaye co'ollaq choche detaqa nache ime naqa'en 'enauacna, qataq co'ollaq choche ỹan da la'aqtac nache ime da nalochiguiñi naqa'en namayepi.

Salmos 148:4

¡'Am piguem maye 'am qaỹoqotcheguemec, 'avio'oxoren qome Ñimaye, qataq 'am 'etaxat maye qouetalec nam piguem!

Zacarías 12:1

Qaq 'era da la'aqtac Ñim Nataxala', da ỹa'axata'a da 'eetec qome nam Israel. Ñim Nataxala' maye ỹo'ot co'ollaxa na piguem, qataq ỹo'ot ana 'alhua, qataq ỹanem da lca'alaxa ca shiỹaxaua, da la'aqtac 'eeta':

Salmos 19:1

Na piguem, namaye ỹa'axattac da llo'oxoyec Ñim Lo'onatac 'Enauacna, qataq qomi' da'aqtaxaatapeguema 'enauac na lo'onatacpi Ñimaye.

Génesis 1:20

Ime, nache Ñim Lo'onatac 'Enauacna 'enapeco': Ñaxatoigui qome na 'etaxat 'enauac na ỹotta'a't 'etaxat le'ec, qataq nataqa'en qome na maỹo maye ishet da huaỹotapeguelec ana 'alhua.

Da na'aqtaguec so Job 26:13

Qaq da iquetetec na la'at nache qui'itta naqa'en na piguem, qataq ỹauota'a na lhuaq da ỹalauat so na'araxanaq maye sa qalhuota'a da qaỹachiguiñi.

Salmos 150:1

¡Qaỹo'oxoren qome Ñim Nataxala'! Qavio'oxoyiñi Ñim Lo'onatac 'Enauacna, da qoviita'a ca npe'l maye lanataqa' Ñimaye, qavio'oxoyiñi Ñimaye 'enauac qami' maye qoviito'ot na piguem.

Da na'aqtaguec so Job 37:11

Ñimaye ỹo'ot na laquitaxa na lo'oc na piguem, qataq chegaqaigui naqa'en namaye na nqashelgaxa,

Eclesiastés 11:3

Da nlaqchigui na lo'oc na piguem, nache na auot huecorelec ana 'alhua. Qaq aca qo'oipaq da hua'axague da sheu', huo'otaq da hua'axague da taguiñi, nache cam huaña da hua'axañi, nacheca cam huetaña.

Génesis 1:14

Nache Ñim Lo'onatac 'Enauacna, 'enapeco': Huo'o aca 'eroiguipi na pa'asheguem na'atchiguiñi, nache ỹaqauga naqa'en na'a'q qataq pe, qataq ỹa'a'n naua laloxoqui' da nqoche'n naua na'axa'te qataq naua vi'iye.

Jeremías 10:10

Ñim Nataxala' nacheñi Ñim 'eesa Atamnaxala', Ñim Lo'onatac 'Enauacna maye nca'altauec. Ñim Nta'a maye chochaq tatec. Da dalemata nache cholaxan ana 'alhua, qaq nam ỹotta'a't shiỹaxauapi sa ỹañoxot da dataỹa'aguet Ñimaye.

2 Pedro 3:5

Qaq ne'ena shiỹaxauapi saishet da taỹapigui lauel da soua qaỹoqteguelo vi'iye da Ñim Lo'onatac 'Enauacna, ỹo'ot co'ollaxa na piguem qataq ana 'alhua. Chegoqchigui so 'oonolec la'aqtac da ỹo'ot aso auaxai qataq na deqaqtelec 'alhua.

Isaías 40:22

Ñim Lo'onatac 'Enauacna huo'o añi nso'onaxaqui netalec na ỹataqta pa'asheguem na piguem, nache da nlotaña na shiỹaxauapi nache 'eeta'am naqa'en ana shiiquioxoipi. Ñimaye da ilagaxaañi na piguem qalaq 'eeta'am naqa'en ca npe'l, qataq da ỹa'ara't nache 'eeta'am naqa'en ca nanataxaqui.

Salmos 19:2

Ye 'oonolec na'a'q, qalaq maiche na'aqtaxaatague' ye lỹa na'a'q, qataq ye pe' qalaq maiche na'aqtaxaatague' ye lỹa pe.