Génesis 1:31 - La'aqtaqa Ñim Lo'onatac 'Enauacna 2013

³¹ Qaq co'ollaq imat Ñimaye 'enauac na lo'onatacpi, nache ila'a da ỹataqta ỹaỹamaqchiguiñi. Qaq nvi' so pe, ime qataq anac so yo'oxoñi, qaq 'era da 'eetec so na'a'q seis.

Génesis 1:31 Referans Kwoze

1 Timoteo 4:4

Cha'aye 'enauac na lo'onatac Ñimaye ỹataqta 'onaxaic. Ỹoqo'oye saishet da ỹaỹamaxañi da semaxasoqtac, nachaqrata da saconaxaguet, qataq sanaqtacot da qana'achec Ñim Lo'onatac 'Enauacna.

Salmos 104:24

Qaq ỹataqta qalota na 'auo'otpi co'ollaxa 'Am Nataxala', qaq 'enauac namayepi 'auauota'a da 'araỹaanec co'ollaq 'auo'ot, ana 'alhua qalaq nlaqtelec nam 'auo'otpi.

Éxodo 20:11

Cha'aye Ñim Nataxala' ivi' soua seis na'axa'te co'ollaq ỹo'ot na piguem, 'alhua, auaxai, qataq 'enauac nam huetalec ana 'alhua. Qaq co'ollaq ivita se'eso na'a'q siete nache nmatec. Qaq ỹoqo'oye se'eso na'a'q maye nmataxaqui iỹotauga da ỹataqta lalamaxat.

Salmos 104:31

Qaq da llo'oxoyec Ñim Nataxala' choche tatec qome, qataq machiguiñi qome Ñim Nataxala' souaxat na lo'onatacpi.

Lamentaciones 3:38

¿Saisheto' peta'a da saq chegoqtot Ñim 'Amaqtaqaic, 'enauac nam no'on qataq nam qauem?

Da na'aqtaguec so Job 38:7

Qataq co'ollaq do'onaxaatagui ana huaqaañipi yo'oxoñi lalaqtepi, qataq ỹalecteguet da ntonaxac na ỹamaxashec piguem le'ecpi?

Génesis 2:2

Qaq co'ollaq ivita so na'a'q siete, nache Ñim Lo'onatac 'Enauacna, imat nam lo'onatacpi nache nmatec.

Génesis 1:23

Qaq nvi' so pe, ime qataq anac so yo'oxoñi, qaq 'era da 'eetec so na'a'q cinco.

Génesis 1:8

nache se'eso pa'asheguem na'atchiguiñi le'enaxat naqa'en «piguem.» Qaq nvi' so pe, ime qataq anac so yo'oxoñi, qaq 'era da 'eetec so na'a'q dos.

Génesis 1:5

nache na yo'oqchiguiñi le'enaxat naqa'en «na'a'q», qaq na napalaxa le'enaxat «pe». Qaq nvi' so pe, ime qataq anac so yo'oxoñi, qaq 'era da 'eetec so la'auaxanec na'a'q.

Génesis 1:19

Qaq nvi' so pe, ime qataq anac so yo'oxoñi, qaq 'era da 'eetec so na'a'q cuatro.

Génesis 1:13

Qaq nvi' so pe, ime qataq anac so yo'oxoñi, qaq 'era da 'eetec so na'a'q tres.

1 Timoteo 4:5

Cha'aye naua la'aqtaqa Ñim Lo'onatac 'Enauacna qataq da qouagaxaunaxac ishet naqa'en da iqui'itaxatta na qanallec.

Éxodo 31:17

Qaq damaye nache 'eetai' qome da la'anaxat na Israel le'ecpi qataq Aỹem. Cha'aye Aỹem Nataxala', so'ot co'ollaxa na piguem qataq ana 'alhua, huaiguilo soua seis na'axa'te, qaq so ivita so na'a'q siete, nache ime da ỹo'onataxanaxac nache ñematec.

Salmos 104:28

Qaq da 'aỹa'anem nache namayepi ỹaconeguet, da 'auauachigui na 'arhuaq lauel, nache namayepi icomatec na ỹataqta no'on nallec,

Salmos 119:68

Cha'aye 'am soxoraic qataq 'auo'ot ca ỹaỹamaqchiguiñi, ỹoqo'oye aỹem 'auapaxagueneque qome naua 'arqataxaco.

Proverbios 16:4

'Enauac na lo'onatacpi Ñim Nataxala', huo'o da maiche lataxac naqa'en, nataqa'en ỹo'ot ca qauemaic da yaqto' taỹa'a ca na'a'q maye huetoigui ca nhuaxanaguecna.

Eclesiastés 3:11

Ñimaye co'ollaq ỹo'ot namayepi, nache 'enauac da 'onaxaic naqa'en, qataq ỹachaigui ye lhuennataxa ca shiỹaxaua da ỹaỹaten nam chochaq tatec, na'aictoxo' da ca shiỹaxaua saivi' da ỹaỹaten nam ỹo'otpi co'ollaxa Ñim Lo'onatac 'Enauacna, qataq cam ñaq taỹa'a da ỹo'ot.

Génesis 2:3

Nache Ñim Lo'onatac 'Enauacna ỹaalec da no'on la'aqtac se'eso na'a'q siete, qataq iỹotauga da yaqto' qaỹo'oxoren Ñimaye, cha'aye se'eso na'a'q huetoigui da nmateeguesop 'enauac na lo'onatacpi.

Deuteronómio 32:4

Ñimaye qomi' npaxattaleguete, na lo'onatacpi qalaq ỹaỹamaqchiguiñi, qataq na ỹo'otpi qalaq nalochiguiñi. Ñim Lo'onatac 'Enauacna ỹataqta 'eesa da lataxac, qataq saishet da ỹo'ot ca sa ỹaỹamaxañi, ¡Ñimaye ỹataqta ỹaỹamaqchiguiñi qataq nalochiguiñi da lataxac!