Génesis 1:3 - La'aqtaqa Ñim Lo'onatac 'Enauacna 2013

³ Nache Ñim Lo'onatac 'Enauacna 'enapeco': ¡Huo'o ca yo'oqchiguiñi! Nache ipacchigui da yo'oqchiguiñi.

Génesis 1:3 Referans Kwoze

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Juan 1:5

Qaq de'era yo'oqchiguiñi, damaye icoỹarelec na napalaxa, qaq na napalaxa saishet da ỹalamat.

Isaías 45:7

Aỹem so'ot co'ollaxa na yo'oqchiguiñi qataq na napalaxa, qataq so'ot dam ỹaỹamaqchiguiñi qataq dam qauem. Aỹem Nataxala' Aỹem maye so'ot 'enauac namayepi.

Isaías 60:19

Qaq huaña nache saishet da 'auen da añi nala' 'am icoỹattalec ye na'a'q, qataq ñi ca'agoxoic da 'am icoỹattalec ye pe, cha'aye Aỹem Nataxala', nachaỹem qome maye chochaq tatec 'arcoỹaraxanaxat, Aỹem maye 'Anatamnaxala', nachaỹem qome 'am secoỹattalec.

1 Juan 1:5

So Jesucristo qomi' ỹapaxagueneque da Ñim Lo'onatac 'Enauacna yo'oqchiguiñi qataq cam hueta'a Ñimaye qalaq qaica ca napalaxa. Qaq 'era dam qara'aqtaxanaxac maye qami' sa'aqtaxanaxama.

Efesios 5:8

Cha'aye da sa qaỹauatton Ñim Lo'onatac 'Enauacna, nache damaye 'eeta'am da qanayeetaigui na napalaxa. Qami' co'ollaxa qoviitaigui na 'eco' napalaxa, cha'aye saishet da qauauattoñi Ñim Lo'onatac 'Enauacna. Qalaxaye nagui qami' mashe qauauattoñi Ñimaye, nache qoviitaigui na yo'oqchiguiñi. Qaq ỹoqo'oye qami' ỹataqta qaupaquiichigui qome da lataxac cam ỹataqta ỹauattoota Ñimaye,

Juan 1:9

Qaq som ỹoqta 'eesa da yo'oqchiguiñi mashe nvira ana 'alhua, nacheso nagui so icoỹarelec 'enauac na shiỹaxauapi.

Juan 3:19

Qaq dam 'eetec da Ñim Lo'onatac 'Enauacna nmit 'enauacna: qaq nache 'eetec da Aỹem ñanaỹa ana 'alhua, qaq Aỹem maye Aỹem lcoỹaraqte na napalaxa. Qalaxaye na shiỹaxauapi ye ỹo'otta'ape naua qauema, nache ỹaỹamaxareeta da netaigui na napalaxa saq 'ena'am da yo'oqchiguiñi.

Salmos 33:6

Ñim Nataxala' ỹauota'aisalo co'ollaxa naua la'aqtaqa da ỹo'ot na piguem, qataq co'ollaq iquetetec na la'at nache ỹo'ot 'enauac ana huaqaañipi.

Salmos 148:5

Qavio'oxoyiñi qome da le'enaxat Ñim Nataxala', cha'aye Ñimaye co'ollaq ỹan da la'aqtac, nache yo'oq 'enauacna,

Salmos 97:11

Na yo'oqchiguiñi qalaq talec ca no'on da lataxac, qataq da namaicỹaxac talec ca ỹaỹamaqchiguiñi da lquiyaqteỹaxac.

Salmos 33:9

Cha'aye Ñimaye co'ollaq choche detaqa nache ime naqa'en 'enauacna, qataq co'ollaq choche ỹan da la'aqtac nache ime da nalochiguiñi naqa'en namayepi.

1 Juan 2:8

Qalaxaye ñaqaiyeta de'era shiyiñi damaye dalaxaic namaxasoxonaxac, qaq qami' mashe qauaỹaañi dam naigui, 'eeta'am da 'eetec So Cristo da ỹaỹaten damaye. Somaye nacheso so ỹataqta 'eesa yo'oqchiguiñi, na le'eraxa qalaq nquictauec, qataq ỹo'ot da nquicta'a't naqa'en na napalaxa.

Efesios 5:14

Qaq ỹoqo'oye huo'o so deraxan co'ollaxa 'eeta': «'Am maye 'auo'ocheta, ña 'anlouec; qoñisheguem, qoca'ai nam leuaxaicpi, cha'aye So Cristo 'am icoỹarelec.»

Salmos 104:2

'Eeta'am 'anqa'en ca npo' da 'anapogoña na yo'oqchiguiñi. Qataq 'aupiguiisheguem na piguem 'eeta'am ca napoxonaxat.

Da na'aqtaguec so Job 38:19

¿Hua'ague ca hueta'a na yo'oqchiguiñi, qataq na napalaxa?

1 Timoteo 6:16

Ñimaye maye choche tatec, qataq huetaigui na ne'eraxa maye saishet da huo'o ca nhuogoua'a. Qaica ca shiỹaxaua ila'a co'ollaxa Ñimaye, qataq qaica ca ỹañoxot da maiche ila'a nagui. Ñimaye maye hueto'ot da qaica ca 'ena'am llo'oxoyec, qataq da la'añaxac maye chochaq tatec. Aja', nache 'eetec de'era.

Salmos 118:27

Ñim Nataxala' nacheñi Ñim Lo'onatac 'Enauacna, Ñimaye qomi' icoỹattaleguete. Qaq ỹoqo'oye qalapoñiỹa't qome, nache qauacheetauo aca qo'oipaq lcouepi, da qaroiua'alo naua lcoue añi nca'atoxonaxalate.

Da na'aqtaguec so Job 36:30

Ñimaye ilagaxaalec na le'eraxa aso auaxai, nache imattalec naqa'en na pa'aguiñi aso asomaye.

Juan 11:43

Qaq co'ollaq ime da nasaxauec de'era, nache deỹaxan, 'eeta': –¡Lázaro, 'ampa'auec!

Mateo 8:3

Nache So Jesús ipoteua'a somaye, nache 'eeta': –¡Aja', seshet! ¡Nagui 'am no'oita! Nache co'ollaq choche nasaxauec de'era la'aqtac, nache som nchega na lo'oc, somaye ỹataqta no'oita.

Génesis 2:4

Qaq 'era da na'aqtaguec co'ollaq Ñim Lo'onatac 'Enauacna, ỹo'ot na piguem qataq ana 'alhua. Qaq Ñim Nataxala' co'ollaq ỹo'ottac na piguem qataq ana 'alhua,