Génesis 1:29 - La'aqtaqa Ñim Lo'onatac 'Enauacna 2013

²⁹ Ime, nache Ñim Lo'onatac 'Enauacna, 'enapeco': «Hua', nagui qami' sanema 'enauac ana huouepi maye huo'o ana ala maye ñaxattalec ana 'alhua, qataq ana qo'oipaqpi maye huo'o ana ala. Qaq 'enauac anamaye qollequiitac.

Génesis 1:29 Referans Kwoze

Génesis 9:3

Qaq ishet qome da qolliqui 'enauac na shiguiỹacpi, qataq ana nañiguishe huoue maye qanallec. Aỹem qami' sanema.

Salmos 24:1

Ñim Nataxala' lalamaqte 'enauac ana 'alhua, qataq 'enauac nam huetalec anamaye, qataq nam netalecpi anamaye.

Hechos 17:28

Cha'aye Ñim Lo'onatac 'Enauacna nacheñi Ñim huo'omshe ñeca'alaqtauec, qataq seraqtapigui', qataq ñachaataqtac. Qaq damaye nataqa'en nache la'aqtac som ỹaanaxanaxaicpi da qoñiita, 'eeta': «Qomi' maiche qomi' llalaqpi Ñim Lo'onatac 'Enauacna.»

Hechos 14:17

Qalaxaye ñaqaiyeta Ñimaye ỹataqta qomi' nachaxaatalo, da qomi' ỹo'oteque da ỹaỹamaqchiguiñi, da qomi' namaxalo na auot, qataq 'onaxaic naqa'en na qorañiguishec, qataq sa qoue naqa'en na qonoq, da yaqto' samaqchiguiñi.

Salmos 147:9

Ñimaye ỹanem da lquia'axac na shiguiỹacpi, qataq na llalaqpi na teguesanpi naxa da iỹaxanaique ca aloq.

Salmos 136:25

Ñim ỹanem da lquia'axac 'enauac nam huo'o da lca'alaxa, cha'aye da lauotaxanaqtaic chochaq tatec.

Mateo 6:11

Ñaq qomi' 'aỹa'anema na na'a'q cam sacheguenaq maye seuenaqtac.

Da na'aqtaguec so Job 36:31

Qaq 'era da 'eetec da iquia'axan na ỹotta'a't shiỹaxauapi qataq ỹanem na aloq da choche huañi naqa'en.

Génesis 2:16

nache ỹanem da la'aqtac, 'eeta': «'Am ishet da qollec ana ala 'enauac ana qo'oipaqpi maye huaigui na nanaxanaqa',

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

Oseas 2:8

Qalaxaye acamaye saishet da ỹauattooteguet da nachaỹem da saata'am na trigo, lataxa qataq na aceite, qataq da nachaỹem da nquicapeguec ñaqa'en na plata qataq na oro, maye do'onataxana da ỹo'ot na saq 'en natamnaxala'pi.

Isaías 33:16

qaq nacheca qome ca qaica ca ndaqtaique, qataq lle'eguenaqa' qome cam lo'oxonaxat na coma', qataq nache 'eetai' qome da huo'o ca aloq qataq saqoue ca laquip 'etaxat.

Salmos 146:7

Ñimaye ỹo'otec da no'on lataxac cam qaica ca nyacnataguec, qataq ỹanem da lquia'axac cam huo'o na lqouaxa. Ñim Nataxala', isouec na ncoñeteguishecpi,

Salmos 115:16

Ñim Nataxala' lalamaxat na piguem, qalaxaye ana 'alhua ỹanem na shiỹaxauapi.

Salmos 111:5

Ñimaye iquia'axan ca huo'o naq 'enec naqa'en Ñimaye, cha'aye saishet da icoua'ai da naỹamaxataxac co'ollaxa.

1 Timoteo 4:3

Ne'ena shiỹaxauapi sa ỹashen da naronaxac, qataq huo'o na nallecpi na sa ỹashen da qanallec, maye Ñim Lo'onatac 'Enauacna ỹo'ot co'ollaxa namayepi da yaqto' na 'amqaanataxanaxaicpi qataq na ỹauatton da 'eesa lataxac, ishet da chec qalaq ỹaatac da na'achecỹaxac.

Génesis 6:21

Qataq nataqa'en 'alaỹona't qome 'enauac na ỹotta'a't nallecpi, nache 'auaỹamaxat, yaqto' 'am qataq cam shiguiỹacpi huo'o ca aloq.»