Génesis 1:28 - La'aqtaqa Ñim Lo'onatac 'Enauacna 2013

²⁸ Ime, qaq ỹanema da no'on la'aqtac, 'eeta': «Ỹataqta qalota qome ca qaỹa'alquipi, qanlaxacheetelec ana 'alhua qataq qauloỹeegue, nataqa'en qauloỹeegue na nỹaq qataq na maỹo qataq 'enauac na shiguiỹacpi maye hualectapigui'.»

Génesis 1:28 Referans Kwoze

Génesis 9:1

Qaq Ñim Lo'onatac 'Enauacna, ỹanema de'era no'on la'aqtac so Noé qataq soua llalqa, 'eeta': «Ỹataqta qalota qome ca qaỹa'alqui, nache qanlaxachiitelec ana 'alhua.

Génesis 9:7

Qalaxaye qami', saqalota qome ca qaỹa'alquipi nache nlaqtelec qanqa'eñi ana 'alhua camayepi.»

Levítico 26:9

Qaq Aỹem nache ỹataqta qami' saỹamaxareete' da qami' selota'alo, qataq nquictauec qome ñaqa'en da qoñiita yaqto' qami' qalota, qataq nache 'eetai' ñaqa'en da ñaỹamaxataxac da qoñiita.

Génesis 1:22

Nache ỹanem da no'on la'aqtac na shiguiỹacpi maye lo'onatac, 'eeta': Ỹataqta qalota qome na qaỹa'alqui qataq qanlaxachiichigui ana auaxai, qataq ỹataqta qalota qome na maỹo ana 'alhua.

Isaías 45:18

Ñim lo'onatac na piguem, Ñim Atamnaxala' qataq Nataxala'. Ñim ỹo'ot co'ollaxa ana 'alhua qataq ỹo'ot da lataxac, qataq ỹo'ot da sareraỹai' anamaye, ñim ỹo'ot co'ollaxa qalaxaye saishet da huotaique da qui'ittelec, nacherata da huo'o cam netalec anamaye, 'eeta': «Aỹem nachaỹem Nataxala', qaica ca lỹa.

Génesis 17:20

Qaq nataqa'en mashe 'am sa'aqtega da 'auquicteguelec ñi Ismael, qaq ñimaye nataqa'en saalec qome da ichoxonnataxanaxa, qaq so'ot qome da qalota ca llalaqpi, qataq nquictauec qome cam chegoxoguetpi. Qaq ñi Ismael, nacheñi qome ñi lta'a caua doce nataxala'ate maye 'amaqtaqaiqa, qataq so'ot da nache chegoqchigui qome ñimaye ca qalota shiỹaxauapi.

Génesis 8:17

'Anqatec nataqa'en, 'enauac na shiguiỹacpi maye 'anqotta'ai': maỹopi, qataq na shiguiỹacpi nlopi, qataq nam hualectapigui'pi, yaqto' talec 'enauac ana 'alhua, qataq da yaqto' huo'o ca qalota llalaqpi, nache nlaxattelec anamaye.»

Salmos 107:38

Ñimaye ỹanem da lchoxonnataxanaxa nache nquictauec namayepi, qataq nquictauec naqa'en ye lcata na na'atetpi.

1 Crónicas 4:10

Qaq so Jabés nachoxonnot co'ollaxa Ñim Natamnaxala' na Israel le'ecpi, 'eeta': «Ñaq aỹem 'auchoxoren, qataq aỹem 'aỹa'anem ca qalochiguiñi 'alhua, aỹem 'autauan qataq aỹem 'ausoueeguesop na qauemsat, yaqto' saishet da nache queta da ñeque'eenaxac.» Qaq Ñim Lo'onatac 'Enauacna ỹanem som iỹaxanaique co'ollaxa somaye.

Génesis 26:24

Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»

Génesis 17:16

Añimaye saalec qome da ichoxonnataxanaxa, qaq chegoqchigui qome añimaye da 'am sanem ca 'aỹa'alec. Aja', Aỹem saalec qome da ichoxonnataxanaxa. Qaq añimaye, nache late'e qome cam qalota ỹotta'a't shiỹaxauapi, qaq ca chegoxoguetpi nacheca qome cam chegaqaigui ca lta'alpi nam nhuo' le'ecpi.»

Génesis 49:25

¡Sanot da ña'achec Ñim Natamnaxala' na 'arta'a, Ñim 'am itauan qome, Ñim Qaica ca Ỹaqalanapec, maye 'am ỹaalec qome da lchoxonnataxanaxa! ¡Ñim 'am ỹanem qome da 'achecỹaxac maye chegoqo'ot na qaỹoqotcheguemec piguem! ¡dam 'achecỹaxac maye chegaqangui aso qaỹoqchiguingui auaxai! ¡dam 'achecỹaxac da nco'oxoc qataq da qaillepec aca nate'e!

1 Crónicas 26:5

Amiel, Isacar, qataq so Peultay, cha'aye Ñim Lo'onatac 'Enauacna, ỹanem da lchoxonnataxanaxa so Obed Edom da qalota naqa'en so llalaqpi.

Génesis 33:5

Qaq ime co'ollaxa, nache so Esaú ỹamataigui so 'alpi, qataq so ñaqpiolec, nache denataxan, 'eeta': «Qaq ne'enapi ¿negue'tna?» Nache so Jacob 'enapeco': «Qomye nachena na llalaqpi nam 'aramaxashec maye Ñim Lo'onatac 'Enauacna ỹanem namaye.»

Génesis 24:60

Nache qoỹaalec so no'on na'aqtac aso Rebeca, maye 'eeta': «'Am qarqaỹole, ¡nache'am qome, da 'am late'e ca ỹataqta qalota shiỹaxauapi! ¡Cam 'am chegoxoguetpi qalaq loxonec qome cam huaqta'a't nỹecpi maye lalamaxat ca npa'aguenaxauapi!»

Salmos 69:34

Qaq ỹo'oxoren qome Ñimaye na piguem, 'alhua, auaxai, qataq 'enauac na huo'o da lca'alaxa maye netaleguete naamaye.

Da na'aqtaguec so Job 42:12

Nache Ñim Lo'onatac 'Enauacna ỹanem da nqouagaxa so Job, soua pa'atrec vi'iye, napacalec naqa'en so hua'autec lsallaxa. Ỹoqo'oye somaye ivi' catorce mil aso lalo qaguetapi, seis mil aso cameellopi, qataq mil so lauegaxanaxala'pi huaca, mil aso 'ashenapi.

1 Timoteo 4:3

Ne'ena shiỹaxauapi sa ỹashen da naronaxac, qataq huo'o na nallecpi na sa ỹashen da qanallec, maye Ñim Lo'onatac 'Enauacna ỹo'ot co'ollaxa namayepi da yaqto' na 'amqaanataxanaxaicpi qataq na ỹauatton da 'eesa lataxac, ishet da chec qalaq ỹaatac da na'achecỹaxac.

Génesis 5:2

ỹo'ot so ỹale qataq aso 'alo, nache ỹanema so no'on la'aqtac. Qaq se'eso na'a'q, co'ollaq ime da ỹo'o't soomaye, nache Ñimaye ỹanagui da le'enaxat shiỹaxau'.

Salmos 8:6

qataq 'aỹa'anem da huo'o naq 'enec da ilo'ogue nam 'aro'onatacpi co'ollaxa, qataq 'aỹa'anem da imata da ilo'ogue 'enauac namayepi.

Génesis 6:1

Qaq so shiỹaxauapi co'ollaq mashe naleguete naua 'aleu' ana 'alhua, qataq mashe huo'o so llalpi 'alpi,

Da na'aqtaguec so Job 39:11

¿Peta'a ishet da 'aupe'etalec camaye, cha'aye ỹataqta 'añaxaic qataq 'aua'aqta'a da yaqto' ỹo'ot ca qapa'atta 'aro'onatac?

Salmos 8:7

Qaguetapi, nauegaxanaxala'pi huaca, shiguiỹacpi maye huauec,

Salmos 115:16

Ñim Nataxala' lalamaxat na piguem, qalaxaye ana 'alhua ỹanem na shiỹaxauapi.