Génesis 1:27 - La'aqtaqa Ñim Lo'onatac 'Enauacna 2013

²⁷ Nache Ñim Lo'onatac 'Enauacna ỹo'ot so shiỹaxaua, ỹe'enaxatchigui da maiche lataxac Ñimaye, ỹo'o't soua ỹale qataq aso 'alo.

Génesis 1:27 Referans Kwoze

Mateo 19:4

Nache So Jesús 'enapeco': –¿Saisheto' peta'a da qautaxaỹaxañi' naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna? Anamaye nanettalec co'ollaq cheta'ague da do'onataxan Ñimaye, nache ỹo'ot so ỹale qataq aso 'alo da yaqto' nmayaxau'.

Efesios 2:10

Cha'aye Ñim Lo'onatac 'Enauacna qomi' lo'onataqa, qataq qomi' nañaxateua'alo naqa'en So Cristo Jesús, cha'aye nshetaique da so'otaq ca ỹaỹamaqchiguiñi. Qaq damaye nale'eno' da lapaqtapiguiñi co'ollaxa da ỹauotaique qoyecỹaxac.

Marcos 10:6

Qalaxaye dam ỹoqta chegoqchiguiña co'ollaxa, Ñim Lo'onatac 'Enauacna ỹo'ot so ỹale qataq aso 'alo da yaqto' nmayaxau'.

Salmos 139:14

Ỹoqo'oye 'am sho'oxoreetac cha'aye lta'araic da ỹa'aalaxa, cha'aye huo'o da llo'oxoyec 'enauac na 'auo'otpi. Qaq damaye ỹataqta saỹateeta.

Isaías 43:7

'enauac nam ỹachetac dam ỹe'enaxat, nam ỹo'onatac co'ollaxa qataq so'ot da lataxac, da yaqto' ỹo'ot da ỹo'oxoyec.»

Colosenses 1:15

So Cristo nacheso som Llalec Ñim Lo'onatac 'Enauacna, Somaye nache 'eetai' da huo'o co'ollaxa saxanaqca 'enauacna. Somaye nactaigui da lataxac Ñim Lo'onatac 'Enauacna maye saishet da qaila'a.

Malaquías 2:15

Qaq ¿Saisheto' peta'a da ỹo'ot Ñim Nataxala' dam 'oonolec no'ocỹaxac qataq dam saq cha'a nca'alaxa? Qaq ¿ta'ainco' da 'oonolec? Cha'aye Ñimaye nmittaique da 'enauac nam nhuo' le'ecpi ỹataqta ñañanot Ñimaye. Qaq ỹoqo'oye qanchelỹa'a qome da maiche qarca'alaqai, qataq saishet da qoquiỹa'ai anam qarhuaipi co'ollaq ñaq qami' nsoxoppi.

Génesis 2:18

Qaq ime nache Ñim Lo'onatac 'Enauacna maye Nataxala' 'enapeco': «Sa ỹaỹamaxañi da 'oonolec da shiỹaxaua. Aỹem so'ot qome ca ntaunaxaua.»

Colosenses 1:26

de'era la'aqtac maye saishet co'ollaq da huo'o ca ỹaỹaanaxanaxanec som shiỹaxauapi soua hua'au' vi'iye. Qalaxaye nagui Ñimaye ỹaỹaanaxanaxanec nam lalamaxatpi.

Colosenses 3:10

Qataq nagui mashe dalaxaic da qoviitaigui qarataxaqui. Ỹataqta 'eesa da qami' shiỹaxau' dalaxaiqa, qanquiquiita'aguet da qoñiỹa'am Ñim Lo'onatac 'Enauacna maye maiche qami' lo'onataqa qataq nquictauec da ỹataqta qauauattoñiita Ñimaye.

Génesis 9:6

Da huo'otaq huo'o ca ỹalauat ca lỹa shiỹaxaua, nache ca lỹa shiỹaxaua ỹalauat qome camaye, cha'aye co'ollaq qaỹo'ot so shiỹaxaua, nache 'eeta'am qanqa'en da lataxac Ñim Lo'onatac 'Enauacna.

Deuteronómio 4:32

Qaq ỹoqo'oye qanmichi' qome soua hua'au' vi'iye co'ollaq saxanaxa da qami' huo'oi, chegoqchiguiña co'ollaq Ñim Lo'onatac 'Enauacna ỹo'ot so shiỹaxaua da ỹanalec ana 'alhua. Qataq qauchemaxachiỹalo naua loga'te na piguem, da huo'o ca qaỹa'aqtapeguelec, huo'otaq da qaỹauaachigui ca qaỹo'ot lta'araic da 'eeta'am de'era.

Eclesiastés 7:29

Qaq nachaqrata da selalec da Ñim Lo'onatac 'Enauacna, ỹo'ot co'ollaxa da nalochiguiñi da lataxac so shiỹaxaua, qalaxaye maicheso da nmitaique da na'axat dam nachaalataxac.

Génesis 2:7

Qaq huaña nache Ñim Nataxala', ỹo'ot so shiỹaxaua ỹachegoxotaigui na 'alhua. Ime, nache iquichichiguilo naua nmic lauaco, qataq ỹanem da lca'alaxa. Nache so shiỹaxaua huo'o da lca'alaxa.

Jueces 21:22

Qaq da huo'otaq anac ca lta'alpi qataq ca lqaỹañecpi da qomi' icogaxana'ape souaxat que'eca qa'ampi, nache qomi' shenaqapega qome da qami' ichoxore'n, cha'aye qomi' saishet da sanataxa acam laỹepi 'alpi da yaqto' qaica ca ichiỹauga namayepi. Namayepi ỹo'ot de'era cha'aye co'ollaq seloquiaqtague' so lma' ye Jabés, nache saishet da sachoxoñi so 'alpi da yaqto' imauec da huaroneguet ñaqa'enaq namayepi. Nache saishet da huo'o ca qarasouaxashichi, cha'aye saishet da nache qami' da qa'añiiuec anamayepi.

Jeremías 29:6

Qataq qauaroñi yaqto' huo'o ca qaỹa'alquipi ỹalleppi qataq 'alpi, qataq camayepi huaron qome da yaqto' huo'o ca llalaqpi. Qanquiquiitauec qome da qoviita'a yemaye, qaq saishet qome da qanquiquiitañi.