Génesis 1:26 - La'aqtaqa Ñim Lo'onatac 'Enauacna 2013

²⁶ Ime, nache Ñimaye 'enapeco': Nagui so'otaq ca shiỹaxaua, 'eeta'ama qomi'. Qataq huo'o da 'enec da ilo'ogue na nỹaq, maỹo, shiguiỹacpi, nlopi qataq na huauecpi, qataq nam hualectapigui'pi.

Génesis 1:26 Referans Kwoze

Colosenses 3:10

Qataq nagui mashe dalaxaic da qoviitaigui qarataxaqui. Ỹataqta 'eesa da qami' shiỹaxau' dalaxaiqa, qanquiquiita'aguet da qoñiỹa'am Ñim Lo'onatac 'Enauacna maye maiche qami' lo'onataqa qataq nquictauec da ỹataqta qauauattoñiita Ñimaye.

Génesis 3:22

Qataq 'enapeco': «Nagui dam shiỹaxaua, damaye 'eeta'ama qomi', da ỹaỹaten da no'on qataq da qauem. Qaq saiueno'o' da nataqa'en nqat ana ala ara qo'oipaq maye chegaqaigui da nca'alaxa, cha'aye da chec nache chochaq tatec da lca'alaxa.»

Génesis 5:1

Qaq 'ana, ana nere maye nanettalec na le'enaxatpi so llalaqpi so Adán. Co'ollaq Ñim Lo'onatac 'Enauacna ỹo'ot so shiỹaxaua, nache ỹe'enaxatchigui da maiche lataxac Ñimaye:

Salmos 100:3

Qauauattoñiita da Ñim Nataxala' nacheñi Ñim Lo'onatac 'Enauacna, Ñimaye qomi' lo'onataqa qataq qomi' lalamaqa'ate, qomi' maye nhuo' le'ecpi, qomi' lalamaxatpi Ñimaye, shenaqta'am aca lalo qaguetapi da hueta'a ca lquia'axanataxanaqa' Ñimaye.

Isaías 64:8

Qalaxaye 'am Nataxala', nache 'am maye 'Am qarta'a, qomi' qalaq shenaqta'am ca nshaxa, qaq 'Am qalaq nache 'Am maye 'auo'ot da qarataxac, qaq 'enauac da shenaqta, qomi' lo'onataqa naua 'arhuaxaye.

Colosenses 1:15

So Cristo nacheso som Llalec Ñim Lo'onatac 'Enauacna, Somaye nache 'eetai' da huo'o co'ollaxa saxanaqca 'enauacna. Somaye nactaigui da lataxac Ñim Lo'onatac 'Enauacna maye saishet da qaila'a.

Santiago 3:9

Ñi qarachaxat nataqa'en ishet da chegoqchigui da ñasaxasoxouec ca no'on qara'aqtac huo'otaq ca qauem qara'aqtac. Qataq nacheñi nataqa'en ñim ishet da chegoqchigui da sho'oxorenaq Ñim Lo'onatac 'Enauacna maye Nta'a, qataq nataqa'en ishet da chegoqchigui da sesheunaq ca shenaqta'am shiỹaxaua maye lo'onatac Ñimaye maye 'eeta'am da lataxac. Ỹaqaỹa't, ¡de'era saishet da ỹaỹamaxañi da nache 'eetec!

2 Corintios 4:4

Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.

1 Corintios 11:7

Ca ỹale saishet da iuen da ỹapotalec na lqaic, cha'aye co'ollaq qaỹo'ot, nache huac da 'eeta'am da lataxac Ñim Lo'onatac 'Enauacna qataq ỹaatañi da la'amaqchec Ñimaye. Qalaxaye aca 'alo ỹaatañi da llo'oxoyec ca ỹale.

Génesis 9:6

Da huo'otaq huo'o ca ỹalauat ca lỹa shiỹaxaua, nache ca lỹa shiỹaxaua ỹalauat qome camaye, cha'aye co'ollaq qaỹo'ot so shiỹaxaua, nache 'eeta'am qanqa'en da lataxac Ñim Lo'onatac 'Enauacna.

Eclesiastés 7:29

Qaq nachaqrata da selalec da Ñim Lo'onatac 'Enauacna, ỹo'ot co'ollaxa da nalochiguiñi da lataxac so shiỹaxaua, qalaxaye maicheso da nmitaique da na'axat dam nachaalataxac.

Hechos 17:26

Ñimaye ỹachegoxotchigui co'ollaxa so 'oonolec ỹale da ỹo'ot 'enauac na ỹotta'a't shiỹaxauapi, da yaqto' namayepi naleguete naua 'aleu'. Nache ỹauo'oi naua laloqo'ote namayepi, qataq ỹa'a'n naua lma'ate,

Juan 14:23

Nache So Jesús 'enapeco': –Ca Aỹem ỹauotec, camaye nataqa'en ỹalaxaguet cam shenapec, nache Ñim Lo'onatac 'Enauacna maye Ita'a ỹauotec camaye. Nache Ñimaye qataq Aỹem ñanaguenaq da souaqta'aguet camaye.

1 Juan 5:7

Tres naua hueto'oto na piguem maye ỹa'axa't de'era: [Ñi Qarta'a qataq som le'enaxat Na'aqtac qataq so Saqcha'a Na'añaxac Qui'itta, qaq ne'enaua tres 'eeta'am da 'oonolec.

Santiago 3:7

Seshetaq da so'oxoỹaqchetaq nam ỹotta'a't shiguiỹacpi maye qauemaicpi qataq na maỹopi qataq nam shiguiỹac maye hualectapigui' qataq nam huetangui aso auaxai.

Isaías 6:8

Ime, nache sa'axaỹa da lavilỹaxac Ñim Nataxala', 'eeta': «¿Negue't qome ca ishet da samaq? Qataq ¿negue't qome ca ishet da qara'aqtaxanaxanec?» Nache aỹem sasat sheeta': «Aỹem soota'a ne'ena, qaq aỹem 'auamaq qome.»

Salmos 149:2

Qami' Israel le'ecpi, qantoñeetapeguec qome Ñim qami' lo'onataqa, qami' Sión lashe', qantoñiitapeguec qome Ñim Qarta'ai.

Génesis 11:7

Qaq no'on da senotaxauec, nache ỹotta'a't ñaqa'enaq na la'aqtacpi, yaqto' ñi 'oonolec saishet hua'axaiguet ca lỹa.»

Jeremías 27:6

Qaq ỹoqo'oye Aỹem sanem 'enauac ne'ena 'alhua da ilo'ogue ñim ỹamaxashec Nabucodonosor, maye nta'a ye Babilonia, qaq ivira'a da ilo'ogue ñaqa'en ñimaye na huauec shiguiỹacpi.

Da na'aqtaguec so Job 35:10

Qalaxaye qaica ca denataxaataique ca neta'ague Ñim Lo'onatac 'Enauacna maye qomi' lo'onataqa, maye qomi' ỹanema da qara'añaxac ye pe,

Juan 5:17

Qalaxaye So Jesús 'enapegalo soomaye, 'eeta': –Ñi Ita'a, saishet da ỹaxaañi da lo'onataxanaxac, qaq nache 'eetec nataqa'en Aỹem.

Hechos 17:20

Cha'aye dam 'aua'axattac, damaye ỹataqta yeualaqa'a, qaq sauoqtaique da saỹaanaq ca llec 'enauac damaye.

Da na'aqtaguec so Job 5:23

Na coma'pi qalaq saishet qome da na'aqchet ca 'ano'onaxa qataq ca shiguiỹacpi 'enauac da 'anhuoteete'.

Génesis 2:19

Nache Ñim Nataxala' ỹachegoxotaigui na 'alhua da ỹo'ot 'enauac na shiguiỹacpi, qataq 'enauac na maỹopi, nache ỹauegueua'a so shiỹaxaua da yaqto' somaye ỹo'ot na le'enaxatpi. Qaq na le'enaxatpi na shiguiỹacpi maye se'eso shiỹaxaua ỹanagui, qaq nachena na le'enaxatpi co'ollaxa.

Isaías 45:18

Ñim lo'onatac na piguem, Ñim Atamnaxala' qataq Nataxala'. Ñim ỹo'ot co'ollaxa ana 'alhua qataq ỹo'ot da lataxac, qataq ỹo'ot da sareraỹai' anamaye, ñim ỹo'ot co'ollaxa qalaxaye saishet da huotaique da qui'ittelec, nacherata da huo'o cam netalec anamaye, 'eeta': «Aỹem nachaỹem Nataxala', qaica ca lỹa.

Da na'aqtaguec so Job 39:11

¿Peta'a ishet da 'aupe'etalec camaye, cha'aye ỹataqta 'añaxaic qataq 'aua'aqta'a da yaqto' ỹo'ot ca qapa'atta 'aro'onatac?

Cantares 1:11

¡Samaxasoxoolec qome da qaỹo'o't caua 'arshete oro, maye qalapaxalec na lcat plata!