Génesis 1:24 - La'aqtaqa Ñim Lo'onatac 'Enauacna 2013

²⁴ Nache Ñim Lo'onatac 'Enauacna, 'enapeco': Ñaxaalec qome ana 'alhua 'enauac na ỹotta'a't shiguiỹacpi: Nlopi qataq na huauecpi, qataq nam ỹotta'a't hualectapigui'pi. Qaq 'era da 'eetec.

Génesis 1:24 Referans Kwoze

Da na'aqtaguec so Job 40:15

Ñaq 'aula'a qome ñi shiguiỹac lta'araic maye le'enaxat Behemot, ñim ỹo'onatac maye ỹalamaxat 'eeta'am da qoneta, ñimaye chectac na 'auaqpi 'eeta'am ca nauegaxanaxala' huaca,

Génesis 6:20

Qaq 'arỹateuo qome da 'aunoxonoigui aca'aca notaxaqui, caua dosta'ape na ỹotta'a't shiguiỹacpi maye netalec ana 'alhua: Nam maỹopi qataq na shiguiỹacpi maye nlopi, qataq nam hualectapigui', da yaqto' nache queta da nca'altauec.

Génesis 8:19

Qaq nataqa'en huenotec 'enauac so shiguiỹacpi nlopi, qataq so huauecpi, qataq som hualectapigui'pi, qataq so huaỹotacpi.

Salmos 148:10

Na shiguiỹacpi huauec qataq na ishet da nlo, na maỹopi, qataq na hualectapigui'pi.

Da na'aqtaguec so Job 39:5

¿Negue't ca ỹami' da yaqto' huesochiguiñi na 'ashena maye huauec? ¿Negue't ca isouec da yaqto' huesotañi namaye da queuotapigui'?

Génesis 7:14

Qataq nache lỹatreuo soomaye, 'enauac so ỹotta'a't shiguiỹacpi maye huauec, qataq so shiguiỹacpi nlopi, qataq 'enauac som hualectapigui'pi, qataq 'enauac so maỹopi.

Salmos 104:23

Qaq na shiỹaxauapi qalaq inoxonec da do'onataxan, nache ivitta'a ye pe da ỹo'ottac na lo'onatac.

Salmos 104:18

Qaq ana qaỹoqotcheguemec qasoxonaxapi, qalaq netalec ana quetaq no'onaxa lashe, qaq ana coma'pi qalaq nache nqañoxotaxaqui ana soxonapi.

Da na'aqtaguec so Job 39:19

¿Qalqo' nache 'am peta'a da 'aỹa'anem da la'añaxac na caaỹo, qataq 'auo'ot peta'a na logoraic lana'q laue da yaqto' llo'oxoraxat?

Da na'aqtaguec so Job 39:9

Qaq ¿peta'a 'aupi'itaxano' da ishet da 'auauegaxaalec ca huaca no'onaxa le'ec, huo'otaq da ishet da netaigui aca 'arelo shiguiỹac laỹe' ye pe?

Da na'aqtaguec so Job 39:1

«¿Peta'a 'auaỹaten ca laloqo' da deco'o ana nauenec qasoxonaxa lashe? ¿Peta'a 'auauaachigui da deco'o ana chegaxango?

Génesis 1:23

Qaq nvi' so pe, ime qataq anac so yo'oxoñi, qaq 'era da 'eetec so na'a'q cinco.

Génesis 2:19

Nache Ñim Nataxala' ỹachegoxotaigui na 'alhua da ỹo'ot 'enauac na shiguiỹacpi, qataq 'enauac na maỹopi, nache ỹauegueua'a so shiỹaxaua da yaqto' somaye ỹo'ot na le'enaxatpi. Qaq na le'enaxatpi na shiguiỹacpi maye se'eso shiỹaxaua ỹanagui, qaq nachena na le'enaxatpi co'ollaxa.