Génesis 1:22 - La'aqtaqa Ñim Lo'onatac 'Enauacna 2013

²² Nache ỹanem da no'on la'aqtac na shiguiỹacpi maye lo'onatac, 'eeta': Ỹataqta qalota qome na qaỹa'alqui qataq qanlaxachiichigui ana auaxai, qataq ỹataqta qalota qome na maỹo ana 'alhua.

Génesis 1:22 Referans Kwoze

Génesis 8:17

'Anqatec nataqa'en, 'enauac na shiguiỹacpi maye 'anqotta'ai': maỹopi, qataq na shiguiỹacpi nlopi, qataq nam hualectapigui'pi, yaqto' talec 'enauac ana 'alhua, qataq da yaqto' huo'o ca qalota llalaqpi, nache nlaxattelec anamaye.»

Salmos 107:38

Ñimaye ỹanem da lchoxonnataxanaxa nache nquictauec namayepi, qataq nquictauec naqa'en ye lcata na na'atetpi.

Da na'aqtaguec so Job 40:15

Ñaq 'aula'a qome ñi shiguiỹac lta'araic maye le'enaxat Behemot, ñim ỹo'onatac maye ỹalamaxat 'eeta'am da qoneta, ñimaye chectac na 'auaqpi 'eeta'am ca nauegaxanaxala' huaca,

Génesis 1:28

Ime, qaq ỹanema da no'on la'aqtac, 'eeta': «Ỹataqta qalota qome ca qaỹa'alquipi, qanlaxacheetelec ana 'alhua qataq qauloỹeegue, nataqa'en qauloỹeegue na nỹaq qataq na maỹo qataq 'enauac na shiguiỹacpi maye hualectapigui'.»

Da na'aqtaguec so Job 42:12

Nache Ñim Lo'onatac 'Enauacna ỹanem da nqouagaxa so Job, soua pa'atrec vi'iye, napacalec naqa'en so hua'autec lsallaxa. Ỹoqo'oye somaye ivi' catorce mil aso lalo qaguetapi, seis mil aso cameellopi, qataq mil so lauegaxanaxala'pi huaca, mil aso 'ashenapi.

Génesis 9:1

Qaq Ñim Lo'onatac 'Enauacna, ỹanema de'era no'on la'aqtac so Noé qataq soua llalqa, 'eeta': «Ỹataqta qalota qome ca qaỹa'alqui, nache qanlaxachiitelec ana 'alhua.

Proverbios 10:22

Da lchoxonnataxanaxa Ñim Nataxala' ỹo'ot da nsallaxa, damaye saishet da ỹo'ot ca naquicoxo.

Salmos 128:3

Aca lhua da hueta'a ca lma' qalaq 'eeta'am aca uva da nlaqchigui ana ala, ca llalaqpi da coleesop ca lquia'axala' qalaq 'eeta'am aca nañiguishe olivo.

Salmos 107:31

Qaq ỹoqo'oye qaỹa'añiỹot da qana'achecỹaxaqui Ñim Nataxala' souaxat da lauotaxanaqtaic, qataq da llo'oxoyec da lqouagaxanaqtaic maye ỹo'otec na shiỹaxauapi.

Levítico 26:9

Qaq Aỹem nache ỹataqta qami' saỹamaxareete' da qami' selota'alo, qataq nquictauec qome ñaqa'en da qoñiita yaqto' qami' qalota, qataq nache 'eetai' ñaqa'en da ñaỹamaxataxac da qoñiita.

Génesis 35:11

nache 'enapega 'eeta': «Aỹem nachaỹem So'otapecna maye Qaica ca Seqalanapec, qaq ỹataqta qalota qome ca 'aỹa'alaqpi qataq ca 'am chegoxoguetpi. Qaq nache 'am chegoqchigui qome ca ỹotta'a't shiỹaxauapi, qataq ca qalota nhuo' le'ecpi, qataq cam 'am chegoxoguetpi huo'o qome ca nta'alpi.

Génesis 30:30

Cha'aye saq 'amaqtaq na 'ana'atetpi co'ollaq saxanaxa da ñevi', qalaxaye nagui namayepi nquiguec, cha'aye so ñevi', nache Ñim Nataxala' ỹauo'o da 'anchoxonnataguec, qalaxaye ¿chaq laguio', qaq so'onataxaalec na maiche ỹalamaxat ỹalaqpi?»

Génesis 30:27

Qalaxaye so Labán, 'enapeco': «Ñaq aỹem 'arqouaguec da nache qoueta'a ne'ena. Cha'aye aỹem saỹaten, chegoqchigui da iloxoc, da Ñim Nataxala' ỹauo'o da ñechoxonnataguec souaxat 'am.

Génesis 1:21

Nache Ñim Lo'onatac 'Enauacna ỹo'ot na lta'araic nỹaqpi, 'enauac na ỹotta'a't shiguiỹacpi maye lañaxataxaqui qataq huetangui na 'etaxat, qataq 'enauac na ỹotta'a't maỹopi. Nache Ñim Lo'onatac 'Enauacna ila'a da ỹaỹamaqchiguiñi.

Génesis 1:23

Qaq nvi' so pe, ime qataq anac so yo'oxoñi, qaq 'era da 'eetec so na'a'q cinco.