Génesis 1:21 - La'aqtaqa Ñim Lo'onatac 'Enauacna 2013

²¹ Nache Ñim Lo'onatac 'Enauacna ỹo'ot na lta'araic nỹaqpi, 'enauac na ỹotta'a't shiguiỹacpi maye lañaxataxaqui qataq huetangui na 'etaxat, qataq 'enauac na ỹotta'a't maỹopi. Nache Ñim Lo'onatac 'Enauacna ila'a da ỹaỹamaqchiguiñi.

Génesis 1:21 Referans Kwoze

Génesis 1:25

Nache Ñimaye ỹo'ot 'enauac ne'ena shiguiỹacpi, nlopi qataq na huauecpi, qataq nam ỹotta'a't hualectapigui'pi. Nache Ñim Lo'onatac 'Enauacna ila'a da ỹaỹamaqchiguiñi.

Génesis 8:19

Qaq nataqa'en huenotec 'enauac so shiguiỹacpi nlopi, qataq so huauecpi, qataq som hualectapigui'pi, qataq so huaỹotacpi.

Génesis 8:17

'Anqatec nataqa'en, 'enauac na shiguiỹacpi maye 'anqotta'ai': maỹopi, qataq na shiguiỹacpi nlopi, qataq nam hualectapigui'pi, yaqto' talec 'enauac ana 'alhua, qataq da yaqto' huo'o ca qalota llalaqpi, nache nlaxattelec anamaye.»

Éxodo 8:3

Nache so tala ỹataqta demalle ñaqa'en qome aca miỹo. Ime, qaq chegoqchiguingui qome somaye aca miỹo da taigui ñi 'arma' lta'araic qataq yem 'aro'ochaqa' qataq nam lma'pi na 'artauapi qataq 'enauac nam 'arhuo' le'ecpi qataq ana nqatelaxanaxaquipi qataq ye ndaqnaxanaqa' da qaỹo'ot ana nauole 'ayiiña.

Éxodo 1:7

qalaxaye so Israel le'ecpi huo'o da lco'oxoc qataq mashe qalota na llalaqpi, nache nquictauec ye lcata ivitta'a da ỹataqta 'añaxaicpi. Nache yi'iye 'alhua ỹataqta nlaqtelec somayepi co'ollaxa.

Génesis 9:7

Qalaxaye qami', saqalota qome ca qaỹa'alquipi nache nlaqtelec qanqa'eñi ana 'alhua camayepi.»

Génesis 7:14

Qataq nache lỹatreuo soomaye, 'enauac so ỹotta'a't shiguiỹacpi maye huauec, qataq so shiguiỹacpi nlopi, qataq 'enauac som hualectapigui'pi, qataq 'enauac so maỹopi.

Génesis 6:20

Qaq 'arỹateuo qome da 'aunoxonoigui aca'aca notaxaqui, caua dosta'ape na ỹotta'a't shiguiỹacpi maye netalec ana 'alhua: Nam maỹopi qataq na shiguiỹacpi maye nlopi, qataq nam hualectapigui', da yaqto' nache queta da nca'altauec.

Da na'aqtaguec so Job 26:5

«Na leuaxaicpi maye huetangui ana auaxai maye qaỹoqchiguingui, namayepi ỹataqta iviloxolaqchet da lcolanaxa na pa'aguiñi na 'etaxat.

Da na'aqtaguec so Job 7:12

¿Peta'a aỹemo' auaxai, huo'otaq shiguiỹac lta'araic maye le'ec na 'etaxat, da yaqto' aỹem qanauaatalec 'anqa'en?

Génesis 1:31

Qaq co'ollaq imat Ñimaye 'enauac na lo'onatacpi, nache ila'a da ỹataqta ỹaỹamaqchiguiñi. Qaq nvi' so pe, ime qataq anac so yo'oxoñi, qaq 'era da 'eetec so na'a'q seis.

Génesis 1:18

qaq ỹo'o't yaqto' ilo'ogue na'a'q qataq pe, da yaqto' na yo'oqchiguiñi iỹoteeguesop na napalaxa. Nache Ñim Lo'onatac 'Enauacna ila'a da ỹaỹamaqchiguiñi.

Mateo 12:40

Cha'aye de'era 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nỹaq, qaq nachera qome da 'eetec nataqa'en Aỹem Shiỹaxaua Llalec da ivi' caua tres na'axa'te qataq tres pe' da sootaigui ana 'alhua.

Jonás 1:17

Qalaxaye Ñim Nataxala', mashe ỹaqataxaatai' co'ollaxa aso nỹaq late'e da yaqto' iuoxonañi naqa'en so Jonás. Nache so Jonás ivi' soua tres na'axa'te qataq soua tres pe' da huetaigui na lauel asomaye.

Ezequiel 32:2

«'Auo'on de'era no'onec maye lataxaua da huo'o ca ileu, da 'auo'onaxaalec ñi faraón ñim nta'a ye Egipto, qoneta': 'Am qoneta'am ca llon da 'aualectaigui na ỹotta'at shiỹaxauapi, qoneta'am ca shiguiỹac lta'araic 'etaxat le'ec: 'anapaloqnaxaateguesheguem da qouetangui so 'aralamaxat tala naua 'arapia'ate qalaq imalaxat na 'etaxat qataq deqaqa naqa'en na talapi.

Jonás 2:10

Huaña nache Ñim Nataxala', 'enapega aso nỹaq late'e, nache asomaye anolec so Jonás, huaña naqa'en so loigue aso auaxai.

Génesis 1:20

Ime, nache Ñim Lo'onatac 'Enauacna 'enapeco': Ñaxatoigui qome na 'etaxat 'enauac na ỹotta'a't 'etaxat le'ec, qataq nataqa'en qome na maỹo maye ishet da huaỹotapeguelec ana 'alhua.

Génesis 1:22

Nache ỹanem da no'on la'aqtac na shiguiỹacpi maye lo'onatac, 'eeta': Ỹataqta qalota qome na qaỹa'alqui qataq qanlaxachiichigui ana auaxai, qataq ỹataqta qalota qome na maỹo ana 'alhua.

Génesis 9:2

Qaq 'enauac na shiguiỹacpi, maye huetalec ana 'alhua ỹataqta huo'o qome da lcolanaxa da qoñiita. Qataq 'enauac na huaỹotac, qataq na huetalec ana 'alhua, qataq na 'etaxat le'ec, 'enauac da qami' sanema da qauloỹeegue qome.

Salmos 148:7

Qavio'oxoyiñi qome Ñim Nataxala', qami' maye qoviitalec ana 'alhua, qami' lta'araicpi shiguiỹacpi maye qoviitangui ana auaxai, qataq 'am qaỹoqchiguingui auaxai.

Génesis 2:19

Nache Ñim Nataxala' ỹachegoxotaigui na 'alhua da ỹo'ot 'enauac na shiguiỹacpi, qataq 'enauac na maỹopi, nache ỹauegueua'a so shiỹaxaua da yaqto' somaye ỹo'ot na le'enaxatpi. Qaq na le'enaxatpi na shiguiỹacpi maye se'eso shiỹaxaua ỹanagui, qaq nachena na le'enaxatpi co'ollaxa.

Da na'aqtaguec so Job 12:7

'Aunat qome na shiguiỹacpi yaqto' 'am ỹapaxaguen, huo'otaq na maỹopi, yaqto' 'am da'aqtaxanem.