Génesis 1:20 - La'aqtaqa Ñim Lo'onatac 'Enauacna 2013

²⁰ Ime, nache Ñim Lo'onatac 'Enauacna 'enapeco': Ñaxatoigui qome na 'etaxat 'enauac na ỹotta'a't 'etaxat le'ec, qataq nataqa'en qome na maỹo maye ishet da huaỹotapeguelec ana 'alhua.

Génesis 1:20 Referans Kwoze

Génesis 2:19

Nache Ñim Nataxala' ỹachegoxotaigui na 'alhua da ỹo'ot 'enauac na shiguiỹacpi, qataq 'enauac na maỹopi, nache ỹauegueua'a so shiỹaxaua da yaqto' somaye ỹo'ot na le'enaxatpi. Qaq na le'enaxatpi na shiguiỹacpi maye se'eso shiỹaxaua ỹanagui, qaq nachena na le'enaxatpi co'ollaxa.

1 Reyes 4:33

Nataqa'en ỹa'axattac ana qo'oipaqpi, chegoqtot naqa'en ana cedro maye naña ye Líbano, nache ivitta'a ana hisopo maye ñaxaalec so npaqtaxanaxat coma'. Nataqa'en ivira'a da ỹa'axattac na shiguiỹacpi, maỹopi, qataq nam hualectapigui'pi, qataq na nỹaqpi.

Salmos 148:10

Na shiguiỹacpi huauec qataq na ishet da nlo, na maỹopi, qataq na hualectapigui'pi.

Génesis 1:30

Qaq na shiguiỹacpi, qataq na hualectapigui'pi, qataq na maỹopi, qalaq 'enauac namayepi da sanem na 'auaqpi da chectac.» Qaq 'era da 'eetec.

Génesis 8:17

'Anqatec nataqa'en, 'enauac na shiguiỹacpi maye 'anqotta'ai': maỹopi, qataq na shiguiỹacpi nlopi, qataq nam hualectapigui'pi, yaqto' talec 'enauac ana 'alhua, qataq da yaqto' huo'o ca qalota llalaqpi, nache nlaxattelec anamaye.»

Génesis 1:22

Nache ỹanem da no'on la'aqtac na shiguiỹacpi maye lo'onatac, 'eeta': Ỹataqta qalota qome na qaỹa'alqui qataq qanlaxachiichigui ana auaxai, qataq ỹataqta qalota qome na maỹo ana 'alhua.

Génesis 1:14

Nache Ñim Lo'onatac 'Enauacna, 'enapeco': Huo'o aca 'eroiguipi na pa'asheguem na'atchiguiñi, nache ỹaqauga naqa'en na'a'q qataq pe, qataq ỹa'a'n naua laloxoqui' da nqoche'n naua na'axa'te qataq naua vi'iye.

Génesis 1:7

Nache Ñim Lo'onatac 'Enauacna ỹo'ot so pa'asheguem na'atchiguiñi maye iỹoracache na 'etaxat, nache huo'o na pa'atasheguem 'etaxat qataq huo'o na npa'atañi,

Hechos 17:25

Qataq saishet da iuen ca ltaunaxanaxac ca choche shiỹaxaua. Cha'aye Ñimaye nacheñi Ñim chegoqo'ot 'enauac da qarca'alaxa, qataq naua qara'a'che, qataq 'enauac nam ishet da iuen ca shiỹaxaua.

Eclesiastés 2:21

cha'aye huo'o na do'ogoxona da naỹaanec, qataq da nauattonaxanaxac, qataq nam nauane'pi dam lo'onataxanaxac, da yaqto' talec 'enauac cam sa do'onataxan co'ollaxa. ¡Qaq damaye nataqa'en ỹataqta qaica ca naigui, qataq ỹataqta saỹaỹamaxañi!

Génesis 1:19

Qaq nvi' so pe, ime qataq anac so yo'oxoñi, qaq 'era da 'eetec so na'a'q cuatro.

Génesis 1:21

Nache Ñim Lo'onatac 'Enauacna ỹo'ot na lta'araic nỹaqpi, 'enauac na ỹotta'a't shiguiỹacpi maye lañaxataxaqui qataq huetangui na 'etaxat, qataq 'enauac na ỹotta'a't maỹopi. Nache Ñim Lo'onatac 'Enauacna ila'a da ỹaỹamaqchiguiñi.

Génesis 7:21

Qaq 'era da 'eetec co'ollaxa, da ileu 'enauac so shiỹaxauapi maye netalec ana 'alhua, qataq so maỹopi, shiguiỹacpi nlopi, qataq so shiguiỹacpi maye huauec, qataq so hualectapigui'pi.

Levítico 11:42

Nache 'enauac na hualectapigui', saishet da qollequi, na ỹaualgaxaata ana da'am huo'otaq na cuatro naua lapia'ate, huo'otaq na qalota na lapia'pi, cha'aye saishet da qui'itta.

Levítico 11:43

Qaq ỹoqo'oye, saishet qome da qami' na'aqche't ne'ena shiguiỹacpiolec, cha'aye saishet da qui'itta.

Da na'aqtaguec so Job 12:9

Cha'aye negue't namayepi ca saỹaỹaten de'era, cha'aye Ñim Lo'onatac 'Enauacna, nacheñi Ñim lo'onatac namayepi.