Génesis 1:2 - La'aqtaqa Ñim Lo'onatac 'Enauacna 2013

² Qaq ana 'alhua saxanaqca co'ollaxa ca laỹamqa', nda'a't da auaxai maye ỹataqta qaỹoqchiguingui qataq napalñi, qaq so Saqcha'a La'añaxac Ñim Lo'onatac 'Enauacna coleetapeguelec na 'etaxat.

Génesis 1:2 Referans Kwoze

Jeremías 4:23

Aỹem samatalec ana 'alhua, nache qaica ca laỹamaqa' qataq toolec. Qataq samato'ot na piguem, nache ỹataqta napalñi.

Salmos 104:30

Qalaxaye da 'anamaxa naua 'ara'a'che maye ỹo'ot da nca'alaxa nache qaltaq nca'alec, qaq 'era da qonetec da 'anaralaxat da lataxac ana 'alhua.

Isaías 45:18

Ñim lo'onatac na piguem, Ñim Atamnaxala' qataq Nataxala'. Ñim ỹo'ot co'ollaxa ana 'alhua qataq ỹo'ot da lataxac, qataq ỹo'ot da sareraỹai' anamaye, ñim ỹo'ot co'ollaxa qalaxaye saishet da huotaique da qui'ittelec, nacherata da huo'o cam netalec anamaye, 'eeta': «Aỹem nachaỹem Nataxala', qaica ca lỹa.

Salmos 33:6

Ñim Nataxala' ỹauota'aisalo co'ollaxa naua la'aqtaqa da ỹo'ot na piguem, qataq co'ollaq iquetetec na la'at nache ỹo'ot 'enauac ana huaqaañipi.

Da na'aqtaguec so Job 26:7

Ñim Lo'onatac 'Enauacna ỹanalec na piguem na pa'asheguem maye qui'ittelec, qataq ana 'alhua qaica da huo'o ca na'attalec naqa'en.

Da na'aqtaguec so Job 26:14

Qaq de'era, 'eeta'am da laỹolec 'enauac na lo'onatacpi, qaq de'era sa'axasoqchigui nagui, damaye 'eeta'am da l-lamaxa ana qo'oipaq lauepi. ¿Qalaxaye negue'tom ca ishet da ỹaỹateeteguet da ivita da dellimigui naqa'en da la'añaxac Ñimaye?»

Nahúm 2:10

Nache ye Nínive, qui'ita'ac, nlachiguiñi qataq toolec qanqa'en, qataq ñi'i da lquiyaqteỹaxac, iviloxo'l naua l-llecte, qaica ca la'añaxac, qataq napagaqtec da lasheguiỹaxac.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Deuteronómio 32:11

'Eeta'am ca huole da huaỹoteguelec ca lpata'c, ỹayeeta'a da huaỹoi' caua llalqa, ime nache ipegueere'c naua laua't, da yaqto' ỹacheleguete da ỹache' caamaye.

Da na'aqtaguec so Job 38:9

Qataq co'ollaq sanem na lo'oc da 'eco' lapoto ñaqa'en anamaye, qataq llepataxangui na lta'araic napalaxa.

Salmos 104:6

Aso auaxai qalaq 'eeta'am ca npo' da ỹapolec 'anqa'en ana 'alhua, na 'etaxat qalaq ỹapotalec ana qasoxonaxapi.

Salmos 136:6

Ñim ilagaxaañi co'ollaxa na 'alhua da lapaxalec na 'etaxat, cha'aye da lauotaxanaqtaic chochaq tatec.

Salmos 148:7

Qavio'oxoyiñi qome Ñim Nataxala', qami' maye qoviitalec ana 'alhua, qami' lta'araicpi shiguiỹacpi maye qoviitangui ana auaxai, qataq 'am qaỹoqchiguingui auaxai.

Proverbios 8:24

Aỹem nañiguiñi naqa'en co'ollaq saxanaxa da huo'oi naua late'el auaxai, co'ollaq saxanaxa da yo'oq na talapi qataq na mpaxaatasheguem 'etaxat.

Isaías 31:5

Qataq 'eeta'am ca maỹo da npaxattalec ca lpata'c nache huaỹoteguelec camaye, qaq nache 'eetec Ñim Nataxala' maye Qaica ca Ỹaqalanapec qom anac da npaxaalec ye Jerusalén, npaxaalec, iueelec, ntela'a qataq nca'alaxatec.»

Da na'aqtaguec so Job 41:32

Nache no'onañi ana lmallaxai na 'etaxat, qataq ỹapagaq na lcochaxa, chañi 'eeta'am ana napagaxai.