Génesis 1:17 - La'aqtaqa Ñim Lo'onatac 'Enauacna 2013

¹⁷ Nache Ñimaye ỹano'oto soua ncoỹaraxanaqte na piguem, da icoỹarelec naqa'en ana 'alhua,

Génesis 1:17 Referans Kwoze

Salmos 8:3

Qaq naxa da semeteetac na piguem maye 'aro'onatac, qataq so ca'agoxoic qataq ana huaqaañipi maye 'aỹa'ano'ot co'ollaxa na piguem,

Salmos 8:1

'Am Nataxala', maye 'am qarta'a, da 'are'enaxat ỹataqta imattalec 'enauac ana 'alhua, da 'ayo'oxoyec qalaq npa'axanañi na ỹataqta qaỹoqotcheguemec piguem.

Da na'aqtaguec so Job 38:12

Qataq 'am, ¿peta'a huo'o ca huaña co'ollaxa da 'auamaq na yo'oxoñi, qataq da 'auachaxana ca lma' na che'egueera,

Hechos 13:47

Cha'aye nachera da qomi' ỹamaxaleguete Ñim Lo'onatac 'Enauacna, 'eeta': 'Am sanagui da 'am lcoỹaraqte na ỹotta'a't shiỹaxauapi, yaqto' 'am 'aua'axat da nca'alaxa, choche ivitta'a ca ỹataqta pa'atec ana 'alhua.

Génesis 9:13

Aỹem, sanaigui so lo'oc na piguem so qomoxonalo, qaq nacheso qome so la'anaxat da ñaỹamaxataxac, da naỹamaxate' 'enauac na huetalec ana 'alhua,

Jeremías 33:20

«Aỹem Nataxala', shenapec: Ỹataqta saishet qome da saipaigui da ñaỹamaxataxac maye so'otec co'ollaxa ye na'a'q qataq ye pe, qaq ỹoqo'oye, ye na'a'q qataq ye pe, saishet da saipaigui yem laloxoqui.

Jeremías 33:25

Qaq Aỹem Nataxala', shenapec: Aỹem maye so'ot so ñaỹamaxataxac co'ollaq ñaỹamaxate' ye na'a'q qataq ye pe, qataq llapaxañi nam lataxacpi da llecỹaxac na piguem qataq na 'alhua,