Génesis 1:14 - La'aqtaqa Ñim Lo'onatac 'Enauacna 2013

¹⁴ Nache Ñim Lo'onatac 'Enauacna, 'enapeco': Huo'o aca 'eroiguipi na pa'asheguem na'atchiguiñi, nache ỹaqauga naqa'en na'a'q qataq pe, qataq ỹa'a'n naua laloxoqui' da nqoche'n naua na'axa'te qataq naua vi'iye.

Génesis 1:14 Referans Kwoze

Deuteronómio 4:19

Cha'aye sa iuena'a da qauamachiỹo'ot na piguem, nache qauloỹa'a añi nala', ca'agoxoic, huaqaañi, qataq ana laỹepi maye neto'ot na piguem, nache ishet da qauauochiỹa'ac da qanatamñiỹot. Cha'aye Ñim Nataxala' ỹo'ot co'ollaxa anamaye da yaqto' icoỹarelec 'enauac na ỹotta'a't shiỹaxauapi maye netalec ana 'alhua.

Jeremías 31:35

Ñim Nataxala' maye ỹo'ot añi nala' da yaqto' icoỹarelec ye na'a'q ñi ca'agoxoic qataq ana huaqaañipi da yaqto' icoỹarelec ye pe, qataq ỹo'ot da aso auaxai deratac, qataq dauaxan ana lapaxa, Ñim le'enaxat Nataxala' maye Qaica ca Ỹaqalanapec, 'eeta':

Salmos 148:3

¡'Am nala', qataq 'am ca'agoxoic, qavio'oxoyiñi qome Ñimaye! ¡Qami' huaqaañipi maye qami' 'ettaiguipi, qavio'oxoyiñi qome Ñimaye!

Salmos 148:6

Ñimaye ỹa'ayiñi 'enauac namayepi qaq nache sa deraỹai' naqa'en, qataq lapaxañi da lqataxac maye saishet da qanaralaxat.

Amós 5:8

Qanmichiỹaique qome ñim lo'onata 'enauac ana huaqaañipi, ñim nañigui naqa'en na yo'oxoñi nam pe, qataq nañigui naqa'en na pe nam yo'oxoñi, qataq iỹaxana na 'etaxat maye huetangui aso auaxai nache icorelec ana 'alhua. ¡Qaq Ñimaye le'enaxat, Nataxala'!

Joel 3:15

Qaq huaña nache añi nala' qataq ñi ca'agoxoic, 'o'm qome, qaq anam huaqaañipi qaica qome ca le'eraxa.

Jeremías 10:2

Ñim Nataxala', 'eeta': «Saishet qome da qoquiigue da lataxac na laỹepi ỹotta'a't shiỹaxauapi qataq saishet qome da qami' icolanaqche't nam na'anecpi na piguem da qoñiita'am da lataxac ne'ena ỹotta'a't shiỹaxauapi.

Salmos 81:3

Qataq qauashiiyigui ana peenaq lcoue da ivita da dalaxaic so ca'agoxoic, qataq da ivita da nlaqchigui so ca'agoxoic, maye huetoigui naxa da so'otaq da qarquia'axac.

Génesis 8:22

Qom ñaqauo'o ana 'alhua, nache saishet qome da saqca ca nanaxanaxac, qataq ca nqataxanaxac; qataq huo'oi qome naua nta'api qataq naua latomaxaye, qataq huo'o qome ca no'omaxa qataq napaxaỹaxa, qataq na'axa'te qataq pe'.»

Isaías 40:26

Ña qauamachiỹo'ot na piguem, nache qaumichiñi: ¿Negue't cam ỹo'ot co'ollaxa 'enauac namaye? Cam naloqchiiñi añi 'oonole ana qalota huaqaañipi, qataq ỹauo'o na le'enaxat añi 'oonole anamayepi. Qaq ỹataqta lta'araic da la'añaxac nache saishet da huo'o aca deqaptauec anamayepi.

Mateo 24:29

So Jesús queto'ot da da'aqtaxaatac, 'eeta': –Qom inoxonec que'eca que'eenaxac: «Nache añi nala' 'om qataq ñi ca'agoxoic saishet da 'eroigui, qataq naañi ana huaqaañipi, qataq ivira'a da cholaxan na na'añaxacpi maye hueto'ot na pa'asheguem.»

Amós 8:9

Qaq que'eca na'a'q, 'enapec Ñim Nataxala', aỹem, so'ot qome da pal na le'eraxa añi nala' da na'a'q laiñi, nache que'eca na'a'q laiñi qalaq ỹataqta napalñi ñaqa'en ana 'alhua.

Joel 2:10

Nache da nvi' namayepi nache cholaxan ana 'alhua, qataq cholaxan na piguem, qataq 'om añi nala' qataq ñi ca'agoxoic, qataq ana huaqaañipi qaica ca le'eraxa.

Jeremías 33:20

«Aỹem Nataxala', shenapec: Ỹataqta saishet qome da saipaigui da ñaỹamaxataxac maye so'otec co'ollaxa ye na'a'q qataq ye pe, qaq ỹoqo'oye, ye na'a'q qataq ye pe, saishet da saipaigui yem laloxoqui.

Apocalipsis 6:12

Qaq se'eso Qagueta Llalec can qaltaq ivita da nqat aso seis soua na'anaxanaqtel, qaq samata'a, nache huo'o so lta'araic qalagoxoñi ana 'alhua. Qaq añi nala' qalaq 'om, qaq ñi ca'agoxoic qalaq ỹataqta 'eeta'am na ntago'q da ltogaxa.

Mateo 2:2

Nache soomaye denataxaata'ape, 'eeta': –¿Hua'ague ca hueta'ague ca nogotolec maye cheta'ague da ñiguiñi qataq taỹa'a da lta'a na judiopi? Cha'aye de'era nala' lliguisheguem maye sepa'aqta'ague, qomi' ñeloqta'a aso la'anaqte huaqaañi. Qaq ỹoqo'oye ñanaguenaq da yaqto' sho'oxorenaq camaye.

Ezequiel 46:1

«Aỹem Nataxala', shenapec: Ñi lasom maye pa'aỹa'ague da nala' lliguisheguem ye qasoxoc maye pa'aỹauo, ñimaye iuen da napotagui qome ivittre'c caua seis na'axa'te maye no'onataxanaxaqui', qaq nachaqyeta ye na'a'q mataxaqui, qataq ye dalaxaic ca'agoxoic maye ishet da qaỹauatoigui.

Jeremías 33:25

Qaq Aỹem Nataxala', shenapec: Aỹem maye so'ot so ñaỹamaxataxac co'ollaq ñaỹamaxate' ye na'a'q qataq ye pe, qataq llapaxañi nam lataxacpi da llecỹaxac na piguem qataq na 'alhua,

Da na'aqtaguec so Job 25:5

Ye Ñimaye da ilota'a ñi ca'agoxoic qalaq saq 'amaqtaq na le'eraxa, qataq da ilota'a ana huaqaañipi qalaq 'omalec na le'eraxa,

Génesis 9:13

Aỹem, sanaigui so lo'oc na piguem so qomoxonalo, qaq nacheso qome so la'anaxat da ñaỹamaxataxac, da naỹamaxate' 'enauac na huetalec ana 'alhua,

Apocalipsis 8:12

Qaq so pa'atec soua cuatro namaxa'she piguem lashe' co'ollaq ỹashiiyigui aso lasheere, nache 'om na laỹe añi nala' qataq ñi ca'agoxoic qataq na huaqaañipi qaileguemaxat, nache saishet da 'eroigui. Qaq ỹoqo'oye huo'o na huaña na yo'oqchiguiñi, qaq ñi ca'agoxoic qataq ana huaqaañipi saishet da 'eroigui ye pe.

Lucas 23:45

cha'aye añi nala' qalaq ỹataqta qaica ca le'eraxa, qaq som lapoxonaxat hualoxolaỹi maye pa'auo aso no'onaxanaxaqui late'erai qalaq colaqchiguingui na laiñi.

Marcos 13:24

Qaq qom mashe inoxoore'c que'ecaua na'axa'te maye que'eenaxaqui', nache 'om qome añi nala', qataq qaica ca le'eraxa ñi ca'agoxoic.

Ezequiel 46:6

Qaq da ivita ca dalaxaic ca'agoxoic, nache ỹaneuo da lachetaqtaxanaxat ca 'oonolec huaca llalec, qataq caua seis qagueta llalqa, qataq ca 'oonolec qagueta lhuaraic, qaq caamaye 'enauaque qome da qaica ca lque'emaxa.

Salmos 119:91

Qataq 'enauac nam huo'o, saishet da deraỹai', cha'aye nachera da 'aramaxasoxonaxac co'ollaxa, qaq 'enauac namayepi 'am do'onataxaatacot.

Da na'aqtaguec so Job 25:3

Qaq na nalleppi Ñimaye qalaq qaica ca ishet da naloqten, na le'eraxa icoỹarelec 'enauacna.

Da na'aqtaguec so Job 3:9

¡'Onaxaictoxo' co'ollaxa da se'eso nte'eta da saishet da 'eroigui ana yo'oxoñi lashe huaqaañipi, qataq saishettaxa da nviyi' na yo'oxoñi maye qaỹa'axatta'aguet, qataq saishet da qailogui na la'auaxanec le'eraxa aso nala' da mashe yo'oxoñi!

Apocalipsis 9:2

Qaq co'ollaq asomaye da ỹauatoigui so lasom so ñegueuo maye taỹaña ca ncoñetaxanaqa', nache chegoqchiguingui se'eso auac so 'eeta'am na lmala'q ana late'erai nqatelaxanaxaqui, qaq se'eso lmala'q, nache napalñi naqa'en, cha'aye ỹapolec añi nala'.

Génesis 1:13

Qaq nvi' so pe, ime qataq anac so yo'oxoñi, qaq 'era da 'eetec so na'a'q tres.

Génesis 1:15

Qaq 'eroigui anamayepi na pa'asheguem maye na'atchiguiñi da yaqto' icoỹarelec ana 'alhua. Qaq 'era da 'eetec.

Salmos 150:1

¡Qaỹo'oxoren qome Ñim Nataxala'! Qavio'oxoyiñi Ñim Lo'onatac 'Enauacna, da qoviita'a ca npe'l maye lanataqa' Ñimaye, qavio'oxoyiñi Ñimaye 'enauac qami' maye qoviito'ot na piguem.