Génesis 1:1 - La'aqtaqa Ñim Lo'onatac 'Enauacna 2013

¹ Ñim Lo'onatac 'Enauacna, co'ollaq cheta'ague da ỹo'otna, nache ỹo'ot na piguem qataq ana 'alhua.

Génesis 1:1 Referans Kwoze

Hebreos 11:3

Qaq qomi' sa'amaqtenaq da Ñim Lo'onatac 'Enauacna da ỹo'ot 'enauacna chegoqchigui so 'oonolec la'aqtac. Qaq ỹoqo'oye nam seloqta'a nagui, namayepi chegoqchigui som saqcha'a co'ollaxa.

Isaías 45:18

Ñim lo'onatac na piguem, Ñim Atamnaxala' qataq Nataxala'. Ñim ỹo'ot co'ollaxa ana 'alhua qataq ỹo'ot da lataxac, qataq ỹo'ot da sareraỹai' anamaye, ñim ỹo'ot co'ollaxa qalaxaye saishet da huotaique da qui'ittelec, nacherata da huo'o cam netalec anamaye, 'eeta': «Aỹem nachaỹem Nataxala', qaica ca lỹa.

Apocalipsis 4:11

«'Am Qarataxala' maye 'Aro'onatac 'Enauacna; 'am maye 'aiguet da 'am qaỹo'oxoren, qataq da 'am qaiỹaxana qalaq huo'o da 'ayo'oxoyec, qataq ỹo'ot da na'aalaxa da 'ara'añaxac. Cha'aye 'am 'aro'onatac 'enauac nam huo'o; qaq qana'achec cha'aye maiche 'am chegoqchigui namayepi.»

Hebreos 1:10

Nataqa'en 'eeta': «'Am Nataxala', so hua'auchiguiñi 'am 'auo'ot ana 'alhua, nache nataqa'en 'auo'ot na piguem,

Isaías 42:5

Ñim Lo'onatac 'Enauacna maye Nataxala' ñim lo'onatac na piguem qataq ilagaxaañi, qataq lo'onata ana 'alhua qataq nam ñaxattalec anamaye, qataq ỹami' da nachaalataxac qataq da lca'alaxa nam shiỹaxauapi maye netalec ana 'alhua, 'enapega so lamaxashec, 'eeta':

Éxodo 20:11

Cha'aye Ñim Nataxala' ivi' soua seis na'axa'te co'ollaq ỹo'ot na piguem, 'alhua, auaxai, qataq 'enauac nam huetalec ana 'alhua. Qaq co'ollaq ivita se'eso na'a'q siete nache nmatec. Qaq ỹoqo'oye se'eso na'a'q maye nmataxaqui iỹotauga da ỹataqta lalamaxat.

Da na'aqtaguec so Job 38:4

¿Hua'ague ca qoueta'ague co'ollaq llapaqtapiguiñi ana 'alhua? ¡Qataq ñaq aỹem 'aua'aqtaxanem da ỹoqta 'eesa da huo'o na 'auaỹaten!

Hechos 17:24

Ñim Lo'onatac 'Enauacna maye lo'onata ana 'alhua qataq 'enauac nam huetalecna. Ñimaye nacheñi Ñim lalamaxat na piguem qataq ana 'alhua. Ñimaye saishet da netaigui ca atamnaxaqui maye choche lo'onatac cam choche shiỹaxaua.

2 Pedro 3:5

Qaq ne'ena shiỹaxauapi saishet da taỹapigui lauel da soua qaỹoqteguelo vi'iye da Ñim Lo'onatac 'Enauacna, ỹo'ot co'ollaxa na piguem qataq ana 'alhua. Chegoqchigui so 'oonolec la'aqtac da ỹo'ot aso auaxai qataq na deqaqtelec 'alhua.

Nehemías 9:6

Qaq huaña, nache 'enauac somayepi natamen, 'eeta': 'Am, maye nache 'amta Nataxala'. 'Am, maye 'aro'onatac na piguem qataq nam ỹataqta pa'asheguem na piguem, qataq 'enauac ana huaqaañipi. Nataqa'en 'aro'onata ana 'alhua, qataq 'enauac na huetalecpi anamaye, qataq aso auaxai qataq 'enauac na huetangui asomaye. 'Am maye 'aỹa'anem da lca'alaxa na 'aro'onatacpi, qaq ỹoqo'oye ana huaqaañipi maye neto'ot na piguem 'am ỹo'oxoreetac.

Isaías 44:24

Qaq 'era da la'aqtac Ñim Nataxala' maye 'arca'alaxaqui, Ñim 'am ỹo'ot co'ollaq saxanaxa da 'auañiguiñi: «Aỹem nachaỹem Nataxala' maye so'ot co'ollaxa 'enauac nam huo'o. Aỹem selagaxaañi co'ollaxa na piguem qataq so'ot ana 'alhua, qalaq saishet co'ollaxa da seuen da huo'o ca aỹem itauan.

Jeremías 32:17

«'Am nataxala' 'auota'a co'ollaxa da lta'araic 'ara'añaxac, da 'auo'ot na piguem qataq ana 'alhua. 'Am qaica ca 'auqalanapec.

Jeremías 51:15

Ñim nataxala', do'ogoxona da la'añaxac co'ollaq ỹo'ot ana 'alhua, qataq do'ogoxona da laỹaanec co'ollaq ỹa'ayiñi ana 'alhua, qataq do'ogoxona da laỹaanataxanaxac co'ollaq ilagaxaañi na piguem.

Salmos 33:9

Cha'aye Ñimaye co'ollaq choche detaqa nache ime naqa'en 'enauacna, qataq co'ollaq choche ỹan da la'aqtac nache ime da nalochiguiñi naqa'en namayepi.

Proverbios 3:19

Ñim Nataxala' do'onataxana co'ollaxa da laỹaanec da ỹo'ot ana 'alhua, qataq do'onataxana da lauattonaxanaxac co'ollaq ỹo'ot na piguem.

Apocalipsis 14:7

Somaye ỹataqta na'axannec da la'aqtac, 'eeta': «Ỹataqta huo'o naq 'enec qanqa'eñi Ñim Lo'onatac 'Enauacna, qataq qavio'oxoyiñi; cha'aye mashe ivita ye laloqo' da Ñimaye nmit na shiỹaxauapi ana 'alhua. Qavio'oxoyiñi Ñim lo'onatac na piguem qataq ana 'alhua, qataq aso auaxai, qataq anam npaxaatasheguem na le'ec 'etaxat.»

Salmos 115:15

Qami' ỹanema qome da lchoxonnataxanaxa, Ñim Nataxala' maye lo'onatac na piguem qataq ana 'alhua.

Hechos 14:15

–¡Qami' ỹalleppi! ¿Ta'ainco' ye nache qoñiitec de'era? Qomi' nache qami' shenaqta'ama, choche qomi' shiỹaxau'. Qalaxaye nachera da huo'omshe ñanaguenaq da qami' shenaqapegalo da qaỹa'axañiiuec na chochena qaica ca naigui, nache qoquiigue Ñim Lo'onatac 'Enauacna maye nca'altauec, qataq lo'onatac na piguem, 'alhua, auaxai qataq 'enauac na huetalecna.

Salmos 136:5

Ñimaye do'ogoxona co'ollaxa da laỹaanec da ỹo'ot na piguem, cha'aye da lauotaxanaqtaic chochaq tatec.

Jeremías 10:12

Ñim Nataxala', irolec da la'añaxac co'ollaq ỹo'ot ana 'alhua, qataq irolec da laỹaanec co'ollaq ỹaỹamaxaañi ana 'alhua, qataq irolec da laỹaanec co'ollaq ilagaxaañi na piguem.

1 Corintios 8:6

qalaxaye qomi' saỹaanaq da 'oonolec Ñim Lo'onatac 'Enauacna qataq Qarta'a. Qaq chegoqchigui Ñimaye 'enauac nam huetalecna, qataq qomi' ỹo'o't da qomi' lalamaqa'ate. Qataq 'oonolec So Qarataxala', le'enaxat Jesucristo. Ñim Lo'onatac 'Enauacna ỹachegoxotchigui Somaye 'enauac nam huetalecna, qataq da lqouagaxanaqtaic nachera da huo'omshe qomi' huo'oi nagui.

Salmos 8:3

Qaq naxa da semeteetac na piguem maye 'aro'onatac, qataq so ca'agoxoic qataq ana huaqaañipi maye 'aỹa'ano'ot co'ollaxa na piguem,

Salmos 102:25

Cha'aye 'aua'ayiñi ana 'alhua co'ollaq cheta'ague da 'auo'ot 'enauacna, qataq nache 'am co'ollaxa da 'auo'ot na piguem.

Hebreos 3:4

'Enauac nam nỹecpi huo'o cam ỹataqta chegoqchigui da ỹo'ot, qalaxaye Ñim Lo'onatac 'Enauacna, nacheñi Ñim ỹo'ot 'enauac nam huo'o.

Salmos 124:8

Da qantaunaguec chegoqo'ot Ñim Nataxala', maye lo'onatac na piguem qataq ana 'alhua.

Hebreos 1:2

Qalaxaye nagui ne'enaua pa'atre'c na'axa'te, Ñim Lo'onatac 'Enauacna qomi' ỹanema da la'aqtaxanaxac ỹachegoxotchigui So Llalec. Qaq Ñimaye ỹachegoxotchigui co'ollaxa So Llalec da ỹo'ot 'enauacna, qataq nacheso so ipataxalec da ilo'ogue 'enauac na huetalecna.

Proverbios 16:4

'Enauac na lo'onatacpi Ñim Nataxala', huo'o da maiche lataxac naqa'en, nataqa'en ỹo'ot ca qauemaic da yaqto' taỹa'a ca na'a'q maye huetoigui ca nhuaxanaguecna.

Salmos 33:6

Ñim Nataxala' ỹauota'aisalo co'ollaxa naua la'aqtaqa da ỹo'ot na piguem, qataq co'ollaq iquetetec na la'at nache ỹo'ot 'enauac ana huaqaañipi.

Salmos 121:2

Qomye ca ñetaunaguec chegoqo'ot qome Ñim Nataxala', maye lo'onatac na piguem qataq ana 'alhua.

Zacarías 12:1

Qaq 'era da la'aqtac Ñim Nataxala', da ỹa'axata'a da 'eetec qome nam Israel. Ñim Nataxala' maye ỹo'ot co'ollaxa na piguem, qataq ỹo'ot ana 'alhua, qataq ỹanem da lca'alaxa ca shiỹaxaua, da la'aqtac 'eeta':

Isaías 40:28

¿Peta'a sa qauaỹachiñi? qataq ¿peta'a saishet da qaua'aqaiỹapeguelec? Ñim Nataxala', Ñim Atamnaxala' maye chochaq tatec, Ñim ỹo'ot co'ollaxa 'enauac ana 'alhua, Ñimaye saishet da nqui'itec, qataq saishet da nasamñi qataq naua laỹaanataxanaxaco qaica ca ivi'.

Salmos 104:24

Qaq ỹataqta qalota na 'auo'otpi co'ollaxa 'Am Nataxala', qaq 'enauac namayepi 'auauota'a da 'araỹaanec co'ollaq 'auo'ot, ana 'alhua qalaq nlaqtelec nam 'auo'otpi.

Salmos 96:5

'Enauac na natamnaxala'pi na ỹotta'a't shiỹaxauapi qaica ca naigui, qalaxaye Ñim Nataxala', ỹo'ot co'ollaxa na piguem.

Apocalipsis 10:6

Nache ỹan da la'aqtac chegoqchigui da la'añaxac naqa'en Ñim Lo'onatac 'Enauacna da ipacchigui da ỹa'axat nache 'eeta': Ñim Lo'onatac 'Enauacna mashe saishet da huo'o ca iuatta'a. Qom ỹashiiyigui ara lasheere dam 'oonolec daua siete namaxa'she piguem lashe', nache Ñim Lo'onatac 'Enauacna ỹo'ot nam lapaqtañipi maye saishet da qaỹaỹaten. Qataq ỹo'ot 'enauac nam ỹa'axattac co'ollaxa som la'aqtaxanaxanecpi. Qaq se'eso namaxashec piguem le'ec ỹan da la'aqtac chegoqchigui da la'añaxac Ñim Lo'onatac 'Enauacna maye nache 'eetai' da nca'altauec qataq lo'onatac 'enauacna.

Romanos 11:36

Ỹataqta 'eesa da Ñim Lo'onatac 'Enauacna, ỹo'ot imauec nam qaila'a qataq nam saqcha'a, qaq 'enauac na huo'o, nache chegoqchigui Ñimaye qataq lalamaxat. Qaq ỹoqo'oye, ¡chochaq tatec qome da qayo'oxonnataxanaxa Ñim Lo'onatac 'Enauacna! Aja', nache 'eetec.

Hechos 4:24

Nache somayepi co'ollaq hua'axaỹa de'era, nache 'enauac da nqouagaxaunot Ñim Lo'onatac 'Enauacna, 'eeta': –'Am Qarataxala', 'am maye nache 'am 'aro'onatac na piguem, qataq ana 'alhua, qataq aso auaxai, qataq 'enauac nam huetalecna.

Salmos 90:2

Co'ollaq saxanaxa da huo'o ana qasoxonaxapi, qataq saxanaxa da yo'oq ana 'alhua qataq 'enauac na huetalec, chegoqchiguiña co'ollaq la'atchiguiñi 'enauacna, qataq ivitta'a ca pa'atec na'a'q, da nache 'amta da 'Am Atamnaxala'.

Isaías 51:16

Naua ỹa'aqtaqa qalaq sanaiguilo na 'ap, qataq 'am ỹapotalec ñaqa'en na lpaqal na ihuaq, Aỹem selagaxaañi co'ollaxa na piguem, qataq so'ot ana 'alhua, qataq shenapega ye Sión sheeta': ‹'Am maiche 'am ỹalamaxat.›»

Isaías 37:16

«'Am Nataxala' maye Qaica ca 'Auqalanapec, maye 'Am Natamnaxala' na Israel le'ecpi, qataq añi 'anso'onaxaqui netanguilo ñeua ne'enaqtaqa le'enaxat querubines. Qataq nachaq 'amta da 'am natamnaxala', 'enauac nam nta'alpi ana 'alhua. 'Am maye 'auo'ot co'ollaxa na piguem qataq ana 'alhua.

Salmos 146:6

Ñim ỹo'ot co'ollaxa na piguem, 'alhua, qataq aso auaxai, qataq 'enauac nam huetalec namayepi. Ñimaye saishet da nquigaxa't naua la'aqtaqa.

Salmos 134:3

Qaq chegoqchiguiña qome ye Sión, da qami' namaxalo da lchoxonnataxanaxa Ñim Nataxala' maye lo'onatac na piguem qataq ana 'alhua.

Apocalipsis 22:13

Qaq Aỹem maye Nachaỹem la'auaxanec, qataq Aỹem loga't, Nachaỹem maye sa'auchiguiñi qataq sepa'atec.»

1 Juan 1:1

Sauoqo'o ana qorere da qami' samaxasaxalo, da qami' sa'aqtaxanaxama som sauanaqchigui qataq sa'axasoqchigui, som Na'aqtac maye chegaqaigui da nca'alaxa som nale'ena co'ollaxa da huo'o, co'ollaq saxanaxa da ỹo'ot ana 'alhua Ñim Lo'onatac 'Enauacna. So'otaq damaye yaqto' ishet da nalochiguiñi da qantonaxac, qataq da yaqto' nache 'eetai' da qomi' qana'ayeetaua'alo, 'eeta'ama qomi' da qolaqto'ot da ña'araqtaua'a Ñim Lo'onatac 'Enauacna maye Nta'a qataq So Llalec Jesucristo. Se'eso Na'aqtac maye chegaqaigui da nca'alaxa nacheso So Jesucristo, qataq nacheso so ỹan da 'eesa nca'alaxa. Qaq de'era nca'alaxa damaye chochaq tatec. Somaye nache 'eetai' da hueta'aguet Ñim Lo'onatac 'Enauacna maye Lta'a, qalaxaye qomi' naỹalo. Qaq qomi' maye qomi' lapaxaguenataqa sa'axasoqchiguilo naua la'aqtaqa qataq ỹataqta ñeloqta'ai' qataq seviraqa'a da ishet da sepotaxaua'a.

Marcos 13:19

cha'aye na shiỹaxauapi ỹataqta lta'araic da nque'eenaxac que'eca na'a'q. Chegoqchiguiña co'ollaq Ñim Lo'onatac 'Enauacna ỹo'ot ana 'alhua, choche ivitta'a nagui da na shiỹaxauapi sa nauane' da huo'o ca lta'araic nque'eenaxac da 'ena'am de'era. Qataq de'era que'eenaxac saishet da qaltaq ỹe'eguelaxalec qome.

Isaías 40:26

Ña qauamachiỹo'ot na piguem, nache qaumichiñi: ¿Negue't cam ỹo'ot co'ollaxa 'enauac namaye? Cam naloqchiiñi añi 'oonole ana qalota huaqaañipi, qataq ỹauo'o na le'enaxat añi 'oonole anamayepi. Qaq ỹataqta lta'araic da la'añaxac nache saishet da huo'o aca deqaptauec anamayepi.

Salmos 104:30

Qalaxaye da 'anamaxa naua 'ara'a'che maye ỹo'ot da nca'alaxa nache qaltaq nca'alec, qaq 'era da qonetec da 'anaralaxat da lataxac ana 'alhua.

1 Crónicas 16:26

Cha'aye nam natamnaxala'pi nam laỹepi shiỹaxauapi, qaica ca 'enec, qaq Ñim Nataxala' qalaq nacheñi ñim ỹo'ot na piguem.

Apocalipsis 21:6

Ime qaq aỹem 'enapega, 'eeta': «¡Mashe sogote da ime! Aỹem maye Nachaỹem la'atchiguiñi qataq sepa'atec. Qaq cam ilem na laquip, nache Aỹem sanem ca 'etaxat maye npaxaatasheguem qataq chegaqaigui da nca'alaxa chochaq tatec. Qaq camaye qaca aca lasheue.

Efesios 3:9

Nataqa'en aỹem ipataxalec da sa'axatem 'enauac na shiỹaxauapi da 'eetec da Ñimaye ipaqueelec dam 'eetapeguec. Ñim Lo'onatac 'Enauacna, nache 'eetai' de'era 'eetapeguec, qalaxaye qaỹoqteguelo soua vi'iye da saishet da ỹachaxan.

Isaías 51:13

¿Qaq 'aucoua'ai peta'a qome Ñim Nataxala', Ñim 'am lo'onatac, Ñim ilagaxaañi co'ollaxa na piguem qataq ỹo'ot ana 'alhua? ¿Qaq peta'a nache tatec qome da 'aviloxoltai' souaxat da nnogoxonaxac nam 'am sairen, maye 'am iyaqtalec da 'am ilaxachigui? Qalaxaye ¿ca hueta'ague que'eca nnogoxonaxac?

Isaías 65:17

«Ña qauloichigui da, Aỹem so'ot qome ca dalaxaic piguem, qataq aca dalaxai 'alhua. Nache som hua'au co'ollaxa qalaq qaicoua'ai qome, nache qaica qome ca qaltaq iuennatega somaye.

Apocalipsis 3:14

'Auauo'o nataqa'en aca 'ere, ime nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Laodicea. Qoneta': ¡Aỹem maye ỹe'enaxat da 'Eesa! Qaq ỹe'enaxat de'era, cha'aye sapaxaguenataxaateguec da 'eesa na'aqtaguec Ñim Lo'onatac 'Enauacna, qaq saishet da satenataxaatac. Qataq chegoqchigui Aỹem da Ñim Lo'onatacna ỹo'ot 'enauacna. Ñaq 'ana'axaỹaxana dam 'am sa'axatem:

Da na'aqtaguec so Job 26:13

Qaq da iquetetec na la'at nache qui'itta naqa'en na piguem, qataq ỹauota'a na lhuaq da ỹalauat so na'araxanaq maye sa qalhuota'a da qaỹachiguiñi.

Eclesiastés 12:1

Qaq 'auennata'a Ñim 'am Lo'onatac nagui da ñaq 'am nsoqolec, qataq nagui da ñaq saxanaxa da nvildeuo caua na'axa'te maye huo'o da lqalai'c, qataq caua vi'iye maye huaiguilo qome da qonapec, «ỹataqta qaica ca ỹamaicỹaxac naua vi'iye maye sootaiguilo.»

Mateo 11:25

Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.

Éxodo 31:18

Nache Ñim Nataxala' co'ollaq ime, da detaqtague' so Moisés hualec aso qasoxonaxa Sinaí, nache ỹanema soua dos coma'ye maye nanettaleguete soua lqataxaco, maye maiche ỹelyiñi Ñimaye ỹauota'a ana llaxaata.»

Da na'aqtaguec so Job 9:8

Ñimaye ndote' co'ollaxa da ỹo'ot na piguem, qataq vi'iiguet naqa'en ana lapaxa ana auaxai.

Isaías 40:21

¿Qaq peta'a sa qauaỹachiñi damaye? ¿Peta'a saishet da qaua'aqaiỹapeguelec co'ollaxa damaye? ¿Peta'a sa qami' qaỹa'aqtaxanema dam chegoqchiguiña damaye? ¿Peta'a sa qauaỹachiñi damaye co'ollaq cheta'ague da qaỹo'ot ana 'alhua?

2 Reyes 19:15

Nache so Ezequías nqouagaxaunot Ñim Nataxala', 'eeta': «'Am Nataxala', maye Natamnaxala' na Israel le'ecpi, maye aca 'anso'onaxaqui netanguilo soua querubines, qataq nache 'amta da 'Am Atamnaxala' maye 'aulotalec 'enauac nam ỹotta'a't maye huetalec ana 'alhua, 'am 'aro'onatac co'ollaxa na piguem, qataq ana 'alhua.

2 Crónicas 2:11

Nache so Jirán maye nta'a ye Tiro, ỹamaxa aso lere so Salomón maye huetalec da la'aqtac, 'eeta': «Ñim Nataxala', 'am ỹanem co'ollaxa da 'am lta'a na Israel le'ecpi, cha'aye Ñimaye ỹauotec ne'ena lalamaxat nhuo' le'ecpi.»

Salmos 8:4

nache aỹem sheeta': «¿Negue'to' ca naigui ca shiỹaxaua da 'auennatega? ¿Qataq cam shiỹaxaua llalec da sa 'aucoua'ai?»