Gálatas 6:8 - La'aqtaqa Ñim Lo'onatac 'Enauacna 2013

⁸ Da qolaqtague' nam qauem qarqopitaxanaqtaic, nache da qarleuaxa chochaq tatec; qalaxaye da salaxasoxoguet So Saqcha'a Na'añaxac, nache qomi' taỹoto da nca'alaxa chochaq tatec.

Nuevo Testamento Toba Sur

⁸ Ca shiÿaxaua da nqopita da ÿaañi cam 'eetapeguec da lapachiyaxac, nachi camayi nqat ca naigui nleuaxa de'eda lapachiyaxac mayi ÿaañi. Qalaxayi da huo'otaq ÿaañi cam ÿaÿamaxadeeta so Espíritu, nachi so Espíritu ÿanem camayi da nqat ca achaalataxac mayi qaica ca loga't.

Nuevo Testamento Toba Sombrero Negro

⁸ Qom qolaqatalo'te daa'me ja 'noe'n lamaico da'me qanejiyaĝauayaĝac, qama'le nale'en qadeleu. Qalaĝaja qom joqochaĝa ñe'me Dios Lepaqal, qama'le jaconaĝaguet da'me nec'alaĝa 'me qaya'te loiquiaqa'.

Gálatas 6:8 Referans Kwoze

Romanos 8:13

Cha'aye da qami' qoquiitague' de'era qarqopitaxanaqtaiqui, nache ishet da qarellivi qome. Qalaxaye da chegoqchigui qanqa'eñi So Saqcha'a Na'añaxac Qui'itta da nache tachiguiña qanqa'eñi de'era qauem qarqopitaxanaqtaiqui, nache qami' taỹoto ca nca'alaxa maye chochaq tatec.

Santiago 3:18

Qaq nam nmitta'a da lactapiguiñi naqa'en na laỹepi, nache Ñim Lo'onatac 'Enauacna ỹami' da nsheetenaguec, qalaxaye nachera da nlagaxayec qataq da 'eesa lataxac.

2 Pedro 2:19

Qataq ỹachaxanapecot da huesochiguiñi namayepi da ỹo'ot ca maiche 'eetapeguec, qalaxaye namayepi saishet da ỹañoxot da ỹaxaañi da ỹo'ottac na qauem. ¡Qaq nachena ne'ena qauempi na iviraxata'a da ilaxachigui namayepi! Cha'aye ca saishet da ỹaxaañi da ỹo'ottac na lasouaxashetpi, nache camaye ivira'a da l-latac da ñe'etaxaloxo.

Da na'aqtaguec so Job 4:8

Nam ỹauanaqchecpi aỹem ỹapaxaguenec, da na ỹo'ottacpi na qauemsat qataq na saỹaỹamaxañipi, nache namayepi ỹaconeguet ca naigui nam ỹo'ottacpi.

Oseas 10:13

Qalaxaye qami' qaỹa'añiiñi da qauem, nache qami' taleguete da sa ỹaỹamaxañi lataxac, qataq qolliquiitac na chegaqaigui da natenataxanaxac. Qaq cha'aye qaupi'iitega anam naigonapi maye alaataxaquipi, qataq nam qalota alleppi alaataxaicpi,

Gálatas 6:7

Qami' saishet qome da qaupicheetega da ishet da qauatenachichi Ñim Lo'onatac 'Enauacna. Cha'aye ñi 'oonolec nqat ca alaỹaxac ca maiche ỹaañi.

Proverbios 22:8

Ca ỹaañi ca qauem qalaq maiche nqat ca chegaqaigui camaye, nache Ñim Nataxala' irolec ca maiche lhuaxanaxanaxat da nlaxaañi camaye.

Apocalipsis 22:11

'Aua'aqta'a ca 'etaxaloxoic da queto'ot da ỹo'ottac ca qauem; qaq ca nshepaxan da ntoonaxac, nache queto'ot da ỹo'ottac nam lataxacpi maye nshepaxan. Qaq cam ỹo'ottac cam ỹaỹamaqchiguiñi, nache 'aua'aqta'a da queto'ot da ỹo'ottac, qaq cam ỹanot da nachaalataxac Ñim Lo'onatac 'Enauacna, nache 'aua'aqta'a da ỹataqta nañanot Ñimaye.» Nache So Jesús 'enapeco':

Juan 4:36

Qaq cam deqataxaatac, camaye ỹaconeguet ca nsheetenaguec. Qaq nam ala na nañiguishec maye nqattac namaye naigui ca nca'alaxa maye chochaq tatec. Yaqto' cam danaxaatac qataq cam deqataxaatac ishet da 'eeta'a't da ntootapigui'salo.

Judas 1:21

Qataq ima'ape naua na'axa'te da qanaquichiỹa'a da lauotaxanaqtaic Ñim Lo'onatac 'Enauacna, qataq qauacheeta'a que'eca na'a'q da So Qarataxala' Jesucristo, qomi' ỹanema ca qanachaalataxac chochaq tatec, cha'aye Somaye nataqa'en qomi' lauotaqa'ate.

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Romanos 6:13

Qami' mashe qarellivi co'ollaxa qarỹaichiguiñi' da ñe'etaxaloxo, qalaxaye nagui qaltaq qarca'alliiuec. Qaq ỹoqo'oye saishet da qanashiñiiguet da ñe'etaxaloxo da qami' ỹo'onataxanaxaneque na qauem. Nachaqrata da qanañañiỹot Ñim Lo'onatac 'Enauacna qataq qauo'oche cam ỹo'ot da ntonaxac Ñimaye.

Jeremías 12:13

Namayepi ỹaañi na trigo, qalaxaye da deqataxan nache nqat ana ỹaxat; 'enauac da lo'onatacpi da qaica ca naigui. Da lqataxanaxac qalaq qaica ca naigui, souaxat dam 'ettaigui ỹayeloxo.»

Eclesiastés 11:6

Qaq 'aỹa'aañi aca ala aca 'añiguishe ye nte'eta qataq ye avit, cha'aye sa 'auaỹate'n caamaye negue't acam ỹoqta no'on da lañaxataxac, huo'otaq aso hua'auchiguiñi, huo'otaq aca nca'ataxanauo, huo'otaq 'enauaque caamaye da no'on da lañaxataxa'c.

Mateo 19:29

Nache 'enauac nam no'onaxatchigui na lma'pi, huo'otaq ca lqaỹañecpi ỹalleppi qataq 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na na'alhuapi, souaxat Aỹem, nache camaye ivi' qome ca cien nam qoỹami'pi. Nataqa'en qoỹami' dam nca'alaxa maye chochaq tatec.

Oseas 8:7

Qaq cha'aye namayepi ỹaañi co'ollaxa na la'at, nache lqateguishec qome ca la'at lta'araic, nache ca lanaxanaqa' qaica ca ñaxaalec, qataq qaica ca lqateguishec trigo maye chegaqaigui na 'ayiiña, qaq da huo'o ca lqateguishec, nache chec qome nam chegaqauecpi.

Tito 3:7

Damaye ỹataqta saishet sa saxaguet, qalaxaye Ñimaye ỹachegoxotchigui da lqouagaxanaqtaic da qomi' ỹaconegueta, qataq qomi' ỹanema da yaqto' saconaxaguet da 'itchiguiñi achaalataxac chochaq tatec maye seuataqta'aguet.

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Lucas 18:30

qaq camaye ỹapactec qalota qome ca taỹot nagui ne'enaua souaqtaiguilo na'axa'te, nataqa'en cam nca'alaxa maye qaica ca loga't maye ñaq natauo.

Isaías 32:20

Qalaxaye qami' qauamaichiguiñi qome, cha'aye na qa'anaxanaqa'aipi qaicottalec qome na qalota 'etaxat, qataq saqoue qome na 'auaqpi maye aloq nam qareloi 'ashenapi qataq nam qarauegaxanala'ai huacapi.

2 Pedro 2:12

Ne'ena ỹalleppi ỹataqta qaica ca ỹaỹaanapec, qataq 'enauac nam ỹo'otpi saishet da ỹoqta ỹaỹateeta, ncotateguelec ca sa ỹaỹaten, qataq 'eeta'am na shiguiỹacpi da ñiguiñi da yaqto' taỹa'a da qaỹaconeua'a da qaỹalauat.

1 Timoteo 1:16

Qalaxaye ñaqaiyeta Ñim Lo'onatac 'Enauacna aỹem ichoxoren, cha'aye Ñimaye nshetaique da aỹem la'auaxanec da do'onataxana naqa'en So Jesucristo da ỹachaxana na shiỹaxauapi da lhualaxavic lta'araic. Cha'aye ỹauotaique da aỹem naloqnaxanaxat, yaqto' ca shiỹaxaua ishet da ỹa'amaqten So Jesús, qataq ỹaconeguet da nca'alaxa maye choche tatec.

Proverbios 11:18

Ca qauemaic ỹaconeguet ca nsheetenaguec maye saq'en, qaq ca ỹaỹamaqchiguiñi ca lo'onataxanaxac camaye ỹoqta 'eesa ca nsheetenaguec.

Mateo 25:46

Ne'ena shiỹaxauapi maye qauemaicpi ỹaconeguet ca nhuaxanaguec maye saishet da huo'o ca loga't, qalaxaye nam ỹalaxaguet Ñim Lo'onatac 'Enauacna, ỹaconeguet ca nca'alaxa maye chochaq tatec.

Romanos 6:23

Cha'aye cam nachaqrata da ỹo'ottac da ñe'etaxaloxo, nache camaye ỹaconeguet ca nhuaxanaguec, qaq damaye nachera da nleuaxa. Qalaxaye Ñim Lo'onatac 'Enauacna qomi' ỹanema da qanme da nca'alaxa maye chochaq tatec chegoqchigui So Cristo Jesús maye Qarataxala'.

Romanos 8:6

Cha'aye da seuennaqtega 'enauac nam qauem maye 'eetapeguec da qarapachiỹaxac, nache ỹataqta qaỹoqtalo qome qomi' Ñim Lo'onatac 'Enauacna. Qaq da nda'a't da seuennaqtega cam 'eetapeguec So Saqcha'a Na'añaxac Qui'itta, nache qomi' taỹoto ca qarca'alaxa chochaq tatec qataq ca nlagaxayec.

Romanos 8:11

Ñim Lo'onatac 'Enauacna nca'alaxateeguesop da l-leuaxa So Jesús, qaq Ñimaye nataqa'en nca'alaxatec da qaro'ocỹaxaqui maye mashe ileu, da yaqto' ỹe'eguelaxalec da nca'alec, da So Saqcha'a La'añaxac Ñim Lo'onatac 'Enauacna qami' hueta'agueta. 'Era dam ỹo'ot Ñim Lo'onatac 'Enauacna ỹachegoxotchigui So Saqcha'a La'añaxac maye qami' hueta'agueta.

1 Corintios 15:42

Qaq nache 'eetec nataqa'en qom qanca'alaxatec na leuaxaicpi.