Gálatas 6:7 - La'aqtaqa Ñim Lo'onatac 'Enauacna 2013

⁷ Qami' saishet qome da qaupicheetega da ishet da qauatenachichi Ñim Lo'onatac 'Enauacna. Cha'aye ñi 'oonolec nqat ca alaỹaxac ca maiche ỹaañi.

Nuevo Testamento Toba Sur

⁷ Qami' sa ishit qome da qanatenachiitapeguela't, cha'ayi qaica ca ishit da ÿi'inai' ñi Dios. Cha'ayi cam ÿaañi ca shiÿaxaua, qaq nachica cam nqat ca alaÿaxac.

Nuevo Testamento Toba Sombrero Negro

⁷ Ena'te anoqoviñela't: qaya'te yaqanatet ta'le yoqovin ñe'me Dios, onolqa'tape gaa'me daqataĝa'n yaconalo gaa'me jala ga'me jo'ne joote yaadiñi.

Gálatas 6:7 Referans Kwoze

2 Corintios 9:6

Qaq qantooñita'ac de'era na'aqtac, 'eeta': Ca saq 'amaqtaq ca ỹan, qaq nataqa'en saq 'amaqtaq ca ỹaconeguet; qaq ca lta'araic ca ỹan, qaq nataqa'en lta'araic ca ỹaconeguet.

Oseas 10:12

Qaq aỹem shenapega namayepi sheeta': qauo'oche qome da nalochiguiñi lataxac, yaqto' qauacoñiiguet da alaỹaxac da nauotaxanaqtaic. Qataq qauqataxañiỹai' ca qana'alhuai, yaqto' qaỹa'añiiñi ca dalaxaic qa'añiguishequi, cha'aye mashe ivita ye laloqo' da qanmitaique Ñim Nataxala', nache ivitta'a qom anac Ñimaye da qami' taleguete naqa'en ca 'onaxaic auot da qami' nca'alaxatrec.

Da na'aqtaguec so Job 4:8

Nam ỹauanaqchecpi aỹem ỹapaxaguenec, da na ỹo'ottacpi na qauemsat qataq na saỹaỹamaxañipi, nache namayepi ỹaconeguet ca naigui nam ỹo'ottacpi.

1 Corintios 15:33

Saishet qome da maiche qanatenacheetapeguela't. Cha'aye 'eesa naxa da na'aqtac maye 'eeta': «Ca qauemaic shiỹaxaua na'aqchet ca no'on lataxac ca lỹa.»

Proverbios 11:18

Ca qauemaic ỹaconeguet ca nsheetenaguec maye saq'en, qaq ca ỹaỹamaqchiguiñi ca lo'onataxanaxac camaye ỹoqta 'eesa ca nsheetenaguec.

Proverbios 1:31

Qalaxaye maiche qanque'etaxañiigui qome ca naigui da qauem qano'onataxaqui. Qataq qami' nlaqchiguilo qome ca qauem qarhuennataqai.

Efesios 5:6

Qataq saishet qome da huo'o ca qami' ỹatenache't da qami' iroleguete naua napaxaguenataxanaxaco maye qaica ca naiguilo. Cha'aye ne'enaua sa ỹaỹamaxaayiñi, nachenaua naua chegoqchiguilo dam qaica ca 'ena'am da lchec layeloxo Ñim Lo'onatac 'Enauacna da ỹauo'o da nhuaxanaguec nam saishet da ỹalaq.

Oseas 8:7

Qaq cha'aye namayepi ỹaañi co'ollaxa na la'at, nache lqateguishec qome ca la'at lta'araic, nache ca lanaxanaqa' qaica ca ñaxaalec, qataq qaica ca lqateguishec trigo maye chegaqaigui na 'ayiiña, qaq da huo'o ca lqateguishec, nache chec qome nam chegaqauecpi.

1 Corintios 6:9

¿Qami' sa qauaỹaañiỹo' da ca ỹo'ot ca sa ỹaỹamaxañi, nache camaye saishet da inoxoneua'a da lo'onataxanaxac Ñim Lo'onatac 'Enauacna? Saishet qome da qami' qaỹatenache't. Cha'aye saishet qome da inoxoneua'a da lo'onataxanaxac Ñim Lo'onatac 'Enauacna nam quetaigui da lquisheguetaxac, qataq na natameetacot na ỹaqa'api maye saq 'en qataq choche ne'enaqtacpi, qataq na lauatapiguiñi' aca sa lhua, qataq na huetapeeguet ca 'eeta'am lỹa ỹale, qataq na cachaxaicpi, qataq na mataxalaicpi, qataq na taxaicpi, qataq ca na'aqtaqa lo'o', qataq na nquigaxatapeguec aca lasheue ca lmenec.

Proverbios 6:14

da lhuennataxa qalaq huetaigui da ñe'etaxaloxo, qataq nache lhuennataxa da ỹo'ot na qauemsat qataq da loquiaxac.

Da na'aqtaguec so Job 15:31

Qaq ỹoqo'oye saishet qome da 'aua'amaqten ca natenataxanaxac, cha'aye qoquetaua'a qome da 'am qaỹatenachetta.

Lucas 16:25

Qalaxaye so Abraham ỹasategueto' somaye, 'eeta': «'Am ỹalec, 'auennate co'ollaq ña qanca'alliitauec, qaq 'am 'auaỹamaqchiguiñi, qaq ñi Lázaro qalaq qauem da llecỹaxac. Qaq ñimaye nagui hueta'a ne'ena qalaq huo'o da lamaicỹaxac, qaq 'am qalaq 'anmeneguet da huo'o da 'anque'eenaxac.

Santiago 1:22

¡Qaualaqaiguet da la'aqtaxanaxac Ñim Lo'onatac 'Enauacna! Cha'aye da choche qana'axaỹaxañeetega, qalaxaye saishet da qaualaqaiguet, nache maiche qanatenacheetapeguela't, nache qoñiita'am ca nalleta'ai' aca tannaxai. Da camaye da jec, qaq da qaỹata'ague, nache icoua'ai da lataxac.

1 Juan 3:7

Qami' ỹalqolqa, ¡qaica qome ca qami' ỹatenache't! 'Enauac nam ỹalaxaguet Ñim Lo'onatac 'Enauacna, nache ỹataqta no'on shiỹaxaua, 'eeta'am So Cristo Jesús.

Abdías 1:3

Qaq dam 'ana'amqaanaxac, ỹataqta 'am ỹatenachet. 'Am maye qonetaigui nam lpoxoỹaxapi ana coma'pi, qataq qonetasheguema nam qaỹoqotcheguemapi, ỹoqo'oye 'aupi'itaxaatega da qaica ca ishet da 'am iqalagoxotec.

Gálatas 6:3

Cha'aye da huo'o ca ipi'itaxaatega da 'amaqtaqaic, qamaq nache qoỹena'am, nache camaye maiche natenachettapeguela't.

Santiago 1:26

Da huo'o ca ipi'itaxaatega da ỹataqta qui'itta, qalaxaye saishet da ilo'oguelo naua la'aqtaqa, nache camaye maiche natenachettapeguela't, qataq da la'amqaanataxanaxac ỹataqta qaica ca naigui.

1 Corintios 3:18

Saishet qome da maiche qanatenacheetapeguela't da huo'o ca 'eetega da ỹaanaxanaxaic qataq ỹaỹaten na qalota lataxacpi maye huetalecna, nachaqrata da qavi'eguelaqaỹa da qaica ca qauaỹachiñi, yaqto' 'eesa da qami' ỹaanaxanaxaiqa.

1 Juan 1:8

Qaq da shenaqtega da qaica ca qarasouaxashet, nache qomi' maiche ñatenachetaqtapeguela't, cha'aye saishet da 'eesa dam ñasaxasoxouec.

Lucas 21:8

Nache So Jesús 'enapeco': –Maxatchaxa qome, yaqto' qaica ca qami' ỹatenache't. Cha'aye qalota qome na anac da anactaigui da ỹe'enaxat, nache 'eeta': «Aỹem maye Nachaỹem Lca'aguishec Ñim Lo'onatac 'Enauacna», huo'otaq 'eeta': «Nagui mashe ivita ye naloqnec.» Qalaxaye saishet qome da qauqochiỹa.

Judas 1:18

Soomaye qami' ỹapaxagueeta'ape qataq qami' da'aqtaxaateguema co'ollaxa da que'ecaua pa'atre'c na'axa'te, nache huo'o na shiỹaxauapi 'enaxanaxaicpi maye nañaneguet da quetague' nam maiche 'eetapeguecpi maye qauem.

Proverbios 6:19

qataq ca saq'en ca ỹa'axat, qataq tenataxanaxaic, qataq deloguiỹa't naqa'en ca nqaỹañecpi.

2 Ts 2:3

Saishet da qanashiñiiuo da huo'o ca qami' ỹatenache't. Cha'aye que'eca na'a'q saishet da ivita da saxanaxa da nachaxan na ipa'agueetacpi Ñim Lo'onatac 'Enauacna qataq da nchoxot da dataỹa'aguet Ñimaye qataq da huetoigui da nachaañi que'eca ỹale qauemaic cam taỹa'a da qailaxachigui.

Jeremías 37:9

Aỹem Nataxala' qami' seqatalo: Saishet qome da qaulamaxachiỹauec da qoñeetega so caldeopi mashe ỹoqta ca'ai ne'ena, cha'aye saishet da nache 'eetec de'era.

Oseas 10:13

Qalaxaye qami' qaỹa'añiiñi da qauem, nache qami' taleguete da sa ỹaỹamaxañi lataxac, qataq qolliquiitac na chegaqaigui da natenataxanaxac. Qaq cha'aye qaupi'iitega anam naigonapi maye alaataxaquipi, qataq nam qalota alleppi alaataxaicpi,

Ezequiel 14:5

Qalaxaye Aỹem sepoteua'a qome ana lquiyaqtepi 'enauac na Israel le'ecpi maye Aỹem ca'ai co'ollaxa, souaxat na lqolacpi.