Gálatas 6:3 - La'aqtaqa Ñim Lo'onatac 'Enauacna 2013

³ Cha'aye da huo'o ca ipi'itaxaatega da 'amaqtaqaic, qamaq nache qoỹena'am, nache camaye maiche natenachettapeguela't.

Nuevo Testamento Toba Sur

³ Cha'ayi ca ipi'itaxaatega da 'amaqtaqaic, qamaq qaica ca naigui, qaq camayi 'eeta'am da maichi natenachittapeguela't.

Nuevo Testamento Toba Sombrero Negro

³ Qom 'uo ga'me nepetapela't p'ajaye, qom ja naq'aeta, qama'le ch'e noqovila't.

Gálatas 6:3 Referans Kwoze

Proverbios 26:12

Qataq ỹactec da ishet da qanaquita'a ca nauattoola't da qaica ca ỹaỹaanapec, qaq saq 'ena'am ca qaica ca ỹaỹaanapec maye 'eetega huo'o na ỹaỹaten.

1 Corintios 3:18

Saishet qome da maiche qanatenacheetapeguela't da huo'o ca 'eetega da ỹaanaxanaxaic qataq ỹaỹaten na qalota lataxacpi maye huetalecna, nachaqrata da qavi'eguelaqaỹa da qaica ca qauaỹachiñi, yaqto' 'eesa da qami' ỹaanaxanaxaiqa.

1 Corintios 8:2

Da huo'o ca ipi'itaxaatega da qalota na ỹaỹaten, camaye ỹoqta 'eesa da qaica ca ỹaỹaten.

Romanos 12:3

Qaq Ñim Lo'onatac 'Enauacna ỹachegoxotchigui da lqouagaxanaqtaic da aỹem ỹanagui da lamaxashec Ñimaye, qaq ỹoqo'oye qami' shenapegalo da saishet qome da qauapagaqñiiteguec da qoñiitega qami' no'o'n. Nachaqrata da maiche qanloila't, maicheye cam nalotaua'a cam ỹami' Ñim Lo'onatac 'Enauacna ñi 'oonolec da qoñiita maye qoquiitague' So Cristo.

2 Corintios 3:5

Qalaxaye qomi' qaica ca maiche qaralamaxat qaraỹaanataxanaxac da maiche so'otaxac da shenaqta; Ñim Lo'onatac 'Enauacna maye nacheñi, Ñim qomi' ỹanema da qaraỹaanec da huo'o ca so'otaq.

1 Corintios 13:2

Da qaica ca isoxoyec, nache qaica ca naigui da sa'axattac da la'aqtaxanaxac Ñim Lo'onatac 'Enauacna qataq da sheetega da saỹaten nam saqcha'a lapaxañipi Ñimaye. Nataqa'en qaica ca naigui da ipi'iỹaxac Ñim Lo'onatac 'Enauacna, na'aictaxa da ishet da nqochenaxat aca qaỹoqotcheguemec 'alhua.

1 Juan 1:8

Qaq da shenaqtega da qaica ca qarasouaxashet, nache qomi' maiche ñatenachetaqtapeguela't, cha'aye saishet da 'eesa dam ñasaxasoxouec.

Romanos 12:16

Qataq saishet da huo'o ca ỹoqtapegueuga da qoñiita. Qataq saishet da qami' ño'oxonnaxaiqa. Nachaqrata da qoñiita'am na shiỹaxauapi maye qaica ca la'amaqchec. Qataq saishet da qaupi'itaxañiitega da qanapacỹalec na laỹepi shiỹaxauapi da qoñiitega qami' ỹaanaxanaxaiqa.

Lucas 18:11

Nache se'eso fariseo nachattañi co'ollaq nqouagaxaueetac, 'eeta': ‹'Am maye 'Aro'onatac 'Enauacna, 'am sanot da ña'achec, cha'aye aỹem saishet da shena'am ca camachaqca shiỹaxaua, maye cachaxaic, qauemaic, qataq lauatapiguiñi' aca sa lhua. Qataq saishet da sheeta'am de'era ỹacootapeeguet ana nsheetenaqte ca nta'a.

Santiago 1:22

¡Qaualaqaiguet da la'aqtaxanaxac Ñim Lo'onatac 'Enauacna! Cha'aye da choche qana'axaỹaxañeetega, qalaxaye saishet da qaualaqaiguet, nache maiche qanatenacheetapeguela't, nache qoñiita'am ca nalleta'ai' aca tannaxai. Da camaye da jec, qaq da qaỹata'ague, nache icoua'ai da lataxac.

Proverbios 25:14

Qataq ca huo'o ca ỹachaxanapec da ỹan, qalaxaye saỹauana da huo'o ca ỹan, camaye 'eeta'am da naueguelec na piguem qataq da anac na la'at qalaxaye qaica ca auot.

Santiago 1:26

Da huo'o ca ipi'itaxaatega da ỹataqta qui'itta, qalaxaye saishet da ilo'oguelo naua la'aqtaqa, nache camaye maiche natenachettapeguela't, qataq da la'amqaanataxanaxac ỹataqta qaica ca naigui.

2 Timoteo 3:13

Qalaxaye na qauemaicpi qataq na tenataxanaxaicpi taỹañicra, nquicta'aguet 'enauac na sa ỹaỹamaxañisat. Namayepi datenataxaatac, qalaxaye nache 'ena'am natenatac.

2 Corintios 12:11

Aỹem saỹaten da maiche ño'oxoreetapeguela't, nache damaye ỹa'axat da qaica ca saỹaanapec, qalaxaye qami' aỹem qauamaqỹalec da so'ot damaye. Qamaq qami'ctaxa maye qavio'oxoyiñiitac aỹem, cha'aye sela'a da saishet da aỹem napacalec nam qoquiitague'pi maye 'eetega da nataỹaña nam Jesús lamaxashecpi, na'aictaxa da aỹem qaica ca shenec.

Gálatas 2:6

Qaq se'esoua maye na 'amqaanataxanaxaicpi ỹataqta ỹauattoote' da nataxala'ate, soomaye saishet da huo'o ca dalaxaic da iqotteereuo de'era na'aqtaxanaxac maye sa'axattac. Qataq saq shectega da ỹoqta 'eesa da nataxala'pi huo'otaq saishet, cha'aye Ñim Lo'onatac 'Enauacna saishet da ilotagui ca yo'oqchigui lataxac ca shiỹaxaua.

Hechos 5:36

Cha'aye qami' qauennache da huo'o so na'a'q co'ollaxa da nachaañi so Teudas, nache 'enapec da huo'o naq 'enec, nache ivi' cuatrocientos so ỹalleppi maye quegue somaye. Qalaxaye somaye co'ollaxa qaỹalauat, nache 'enauac som quetague'pi somaye nlagaxattac. Huaña, nache imeuo da lo'onataxanaxac.

Gálatas 2:9

Qaq ỹoqo'oye so Santiago, Pedro, qataq so Juan maye nataxala'ate qataq 'amaqtaqaiqa, soomaye ỹauattoote' da nacheñi Ñim Lo'onatac 'Enauacna Ñim aỹem tatelec naqa'en de'era no'onataxanaxac. Qaq ỹoqo'oye ñaỹamaxannaqchigui da so Bernabé qataq aỹem sa'aqtaxanaxam da no'on na'axaỹaxac nam saishet da judiopi, qaq soomaye da'aqtaxanem nam maiche lalamaxat lauo' le'ecpi. Ime, nache ñequinaxato, qaq de'era qanquinaxac naigui da soomaye ỹataqta ỹaỹamaxareete' de'era.