Gálatas 6:2 - La'aqtaqa Ñim Lo'onatac 'Enauacna 2013

² Da qaviyeeguet ca lqalaic, nache ñi 'oonolec iuen da itauan ca lỹa. 'Era da lataxac da qaỹalaxaguet na lqataxacpi So Cristo.

Nuevo Testamento Toba Sur

² Ñi 'oonolec da qoñiita itauan qome ca lÿa da nachishiguem ca lli'ac, qaq yaqto' ishit da qaupaquiichigui da l'aqtac so Cristo.

Nuevo Testamento Toba Sombrero Negro

² Qom 'uo ga'me auaqalañitac qama'le anecochiyapega't, qa'a nach'eda naq'aeta da'me 'loyaĝac da'me qodique'teguelo da'me lamaĝajoĝonaĝac ñe'me Cristo.

Gálatas 6:2 Referans Kwoze

Romanos 15:1

Qomi' maye ỹoqta saỹaanaqta da 'eetapeguec Ñim Lo'onatac 'Enauacna, saishet da nda'a't da seuennaqtega cam 'onaxaic maye maiche qomi' taleguete. Nachaqrata da qomi' setauanaq nam saxanaxa da da'añi da lpi'iỹaxac.

1 Ts 5:14

Nataqa'en qami' qarqaỹa't, qami' seqataxalo da ỹataqta qoñiỹapega nam huotaique da saishet da do'onataxan. Qaua'añaqchichi na sa da'angui ye lauel, qataq qautauañi na ñaq saxanaxa da yo'oqta ỹa'amaqten So Qarataxala', qataq qanhualaxauñi' 'enauac na shiỹaxauapi.

Juan 13:34

Qaq nagui qami' sanema da dalaxaic namaxasoxonaxac, 'eeta': Ñi 'oonolec da qoñiita ỹataqta ỹauotec ca lỹa. 'Eeta'am da sheetec da ỹataqta qami' sauoteque, qaq nachera qome da qoñiitec da ñi 'oonolec da qoñiita ỹataqta ỹauotec ca lỹa.

1 Juan 4:21

Qaq So Jesucristo qomi' ỹanema de'era lamaxasoxonaxac, 'eeta': «¡Qauauochec Ñim Lo'onatac 'Enauacna, qataq ñi 'oonolec ỹauotec ca lqaỹa!»

Santiago 2:8

Da qami' qaualaqaiguet da namaxasoxonaxac maye napacalec na laỹepi maye qomi' ỹanema Ñim Lo'onatac 'Enauacna, nache ỹataqta 'onaxaic de'era qauo'oche. De'era namaxasoxonaxac 'eeta': «Qauennachiỹa'a da ñi 'oonolec iuen da ỹauotec ca lỹa, 'eeta'am da lauotaxanaqtaic da maiche nachaalataxac.»

Juan 15:12

Qaq dam ỹamaxasoxonaxac maye qami' sanema 'eeta': Ñi 'oonolec da qoñiita ỹataqta ỹauotec ca lỹa, 'eeta'am da 'eetec da ỹataqta qami' sauoteque.

Éxodo 23:5

Saishet da sa 'atauan ca 'am nquiỹatega, da huo'otaq 'auauaachigui ca lalo 'ashena da ipataxañi ca lla'ac. Qalaq 'am 'atauan qome camaye, da yaqto' nqateeguesop ca lla'ac maye ipataxañi ca lalo.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Mateo 8:17

Qaq 'eetec de'era, yaqto' ỹataqta ipacchigui dam ỹachaxanapec co'ollaxa Ñim Lo'onatac 'Enauacna maye ỹa'axat so la'aqtaxanaxanec le'enaxat Isaías co'ollaq, 'eeta': «Camaye nataren 'enauac na qaralolaxasat, qataq qomi' nca'alaxateeguesopa na qanque'eenaxaguesat.»

Gálatas 6:5

Cha'aye ñi 'oonolec maiche ilo'ogue da lataxac da datato'ot Ñim Lo'onatac 'Enauacna.

1 Corintios 9:21

Qaq naxa da sootaigui na saishet da quetague' na namaxasoxonaxacpi maye chegoqo'ot so Moisés, nache se'enaxat da lataxac namayepi, yaqto' ishet da setauan da ỹa'amaqten So Cristo. Qaq damaye, saishet da naigui da sa salaxaguet na lamaxasoxonaxacpi Ñim Lo'onatac 'Enauacna. Nachaqrata da salaxaguet namayepi, cha'aye aỹem shectague' da lataxac So Cristo.

Romanos 8:2

Qaq nagui da mashe ña'araqtaua'a Somaye, nache So Saqcha'a Na'añaxac Qui'itta, qomi' ilotegueto qataq qomi' ỹanema da qarca'alaxa qataq qomi' isoueeguesopa da ñe'etaxaloxo qataq da nleuaxa.

Lucas 11:46

Nache So Jesús 'enapeco': –¡Ỹataqta qauem da qa'aita'ague nataqa'en qami'! Cha'aye qauauo'oi na namaxasoxonaxacpi maye ỹataqta huo'o da lqalaic da qaipaqueelec, qalaxaye saishet da cara'acolec da qauauo'oi ca qana'añaxataxaqui da qaupaquiitelec namayepi.

Isaías 58:6

'A'i, saishet. Dam qouaqchetaxac maye saỹamaxareeta, 'eeta': Qaisouec nam lcoñetaxat lcat cam qaica ca ỹasouaxat, qataq qaisogui ana ncoñetapi maye nlletañi cam nauegaxanaxaqui, qataq qaisouec nam qaipataqta'a'tpi, qataq imeuo qanqa'en 'enauac nam qaica ca iren,

Deuteronómio 1:12

Cha'aye da aỹem 'oonolec, nache saishet da ñalo'oguet da saỹamaxaañi 'enauac na qanpe'enaxaqui qataq na qancotaxaqui.

Santiago 1:25

Qalaxaye da qami' qauqochiỹa da la'aqtac Ñim Lo'onatac 'Enauacna qataq nache 'eetai' da qaualaqaiguet, nache huo'o da qarlagaxayiqui 'enauac nam qauo'oche. Cha'aye da la'aqtac Ñim Lo'onatac 'Enauacna ỹataqta nalochiguiñi qataq qami' isoueeguesopa da ñe'etaxaloxo.

Santiago 2:12

Qaq que'eca na'a'q qom qanmitna, nache Ñim Lo'onatac 'Enauacna qomi' nmi't, ipagaqchiichigui dam lamaxasoxonaxac maye qomi' isoueeguesopa na qarasouaxashetpi. Qaq ỹoqo'oye iuen da ỹataqta ñetelaqañi da huo'o ca so'otaq qataq da huo'o ca ñasaxasoxouec qara'aqtac.

2 Pedro 2:21

Cha'aye ỹaỹamaqchiguiñictaxa namayepi da saishet co'ollaxa da ỹaỹaten da lataxac da achaalataxac maye ỹaỹamaxareeta Ñim Lo'onatac 'Enauacna. Qalaxaye nagui ye ỹaỹaten, nache da ỹaxaañi da ỹalaxaguet Ñim Lo'onatac 'Enauacna, nache namayepi ỹactec da ỹo'ot sa ỹaỹamaxañi, saq 'ena'am so hua'auchiguiñi.

2 Pedro 3:2

Qauennachiỹa'a da la'aqtaxanaxac som la'aqtaxanaxanecpi Ñim Lo'onatac 'Enauacna maye qomi' ỹanema soua qaỹoqteguelo vi'iye. Qataq saishet da qaucoviỹa'aisalo naua lamaxasoxonaxaco So Qarataxala' qataq Qarca'alaxaqui Jesucristo maye qami' ỹapaxagueneque soua lamaxa'she.

1 Crónicas 19:12

nache 'enapego' 'eeta': «Da huo'otaq napacalec da ỹa'añaxac na siiriopi, nache 'auanac qome da aỹem 'autauan, qaq da huo'otaq napacalec da 'ara'añaxac na amoniitapi, nache aỹem, 'am setauan qome.