Gálatas 6:16 - La'aqtaqa Ñim Lo'onatac 'Enauacna 2013

¹⁶ Qaq Ñim Lo'onatac 'Enauacna ỹami' qome da nlagaxayec nam lataxac de'era, qataq ỹachaxana da lchoxonnataxanaxa nam lalamaxatpi Ñimaye.

Nuevo Testamento Toba Sur

¹⁶ Qaq 'enauac qome nam quetegue de'eda ñiquiaxac, qataq 'enauac nam lalamaxatpi ñi Dios, namayipi ÿaconguet qome da nlagaxayic qataq da nchoxonnataxanaxa.

Nuevo Testamento Toba Sombrero Negro

¹⁶ 'Noota qom Dios yanema ga'me 'lemaĝac jogaa'me jo'ne naq'aeta da'me uetedaue, nataq'aen yaloĝonalo da'me lichoĝodenataĝanaĝac gaa'me Dios lec'oqo'tolqa.

Gálatas 6:16 Referans Kwoze

Gálatas 3:29

Cha'aye da mashe qana'ayeetaua'a So Cristo, qaq nataqa'en qami' lalamaqa'ate llalqa so Abraham, qaq nataqa'en qauacoñiiguet qome cam ỹachaxanapec co'olloxocheye Ñim Lo'onatac 'Enauacna.

Filipenses 3:3

Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

Romanos 4:12

Qalaxaye so Abraham nataqa'en lta'a nam huo'o na na'anaxat na lo'oc, qataq huo'o da lpi'iỹaxac Ñim Lo'onatac 'Enauacna. Qaq de'era ỹachaxan da namayepi quetague' da lataxac so Abraham co'ollaq saxanaxa da qaỹauo'o ca na'anaxat na lo'oc.

Oseas 1:10

Qalaxaye ñaqaiyeta ne'ena Israel le'ecpi ỹataqta qalota qome, nache 'eeta'am na coma' lsoche maye auaxai le'ec, nache qaica ca ishet da naloqten ca tachiguiña qataq ye lcata namayepi. Qaq qom qoỹeeta': «Qami' saishet da qami' ỹalamaxatpi», qalaxaye Ñim Lo'onatac 'Enauacna qami' 'enapegalo, 'eeta': «Qami', nache qami' llalaqpi Ñim Lo'onatac 'Enauacna maye nca'altauec.»

Juan 1:47

Nache So Jesús co'ollaq ila'aguet so Natanael da naỹaua'a, nache 'enapega, 'eeta': –'Ena na ỹoqta 'eesa da Israel le'ec, namaye saishet da tenataxanaxaic.

Isaías 45:25

Qaq chegoqchigui Aỹem da 'enauac na nhuo' Israel le'ecpi, da dauegaxan qome, nache huo'o qome da na'amqaanaxac souaxat Aỹem.›»

Salmos 73:1

Ñim Lo'onatac 'Enauacna, ỹataqta soxoraic, ichoxoren na Israel le'ecpi, nam qui'itte' naua lquiyaqte.

Filipenses 3:16

Qaq de'era ỹataqta ỹaỹamaqchiguiñi, qataq iuen da nachera qome da qarataxac.

Gálatas 5:25

Cha'aye da So Saqcha'a Na'añaxac da mashe naralaxat da qarataxac, nache iuen da ỹataqta salaxasoxoguet.

Gálatas 5:16

Qaq ỹoqo'oye qami' shenapegalo: Qaualaqaiguet So Saqcha'a La'añaxac Ñim Lo'onatac 'Enauacna, yaqto' saishet da qauyaqỹa'a da qauo'oche ca qauem.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Juan 14:27

Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet.

1 Crónicas 12:18

Qaq huaña nache so Amasay, maye lataxala' so treinta ỹalleppi, talec som Saqcha'a Na'añaxac, nache ỹataqta nlamaxaren 'eeta': «¡'Am souaqta'aguet 'am David, maye 'am llalec so Yesé! ¡Qaq da nlagaxayec 'am huetalec qome! ¡Qataq nam 'am itauaatacpi, cha'aye Ñim Lo'onatac 'Enauacna 'am itauaatac!»

Filipenses 4:7

Yaqto' Ñim Lo'onatac 'Enauacna qami' ỹanema da l-lagaxayec, qaq de'era nlagaxayec damaye sa ivi' da ỹaỹaten na shiỹaxauapi maye huetalec ana 'alhua, qaq damaye npaxattalec da lquiyaqteỹaxac, qataq da lhuennataxac nam mashe lalamaxatpi So Cristo Jesús.

Romanos 1:7

Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi Ñimaye. Qaq aỹem seỹaxanot Ñim Lo'onatac 'Enauacna maye Qarta'a qataq So Qarataxala' Jesucristo da qami' ỹachaxanalo da lsoxoyec qataq qami' ỹanema da l-lagaxayec.

Efesios 6:23

Ỹataqta huo'o da iyaxa da Ñim Lo'onatac 'Enauacna maye Qarta'a, qataq So Qarataxala' Jesucristo qami' ỹanema da nlagaxayec qataq da nsoxoyec qataq da npi'iỹaxac nataqa'en 'enauac nam laỹepi 'amqaanataxanaxaicpi.

1 Pedro 1:3

Ỹataqta sho'oxorenaq Ñim Lo'onatac 'Enauacna maye Lta'a So Qarataxala' Jesucristo, cha'aye chegoqchigui co'ollaq nca'aleeguesop da nleuaxa Somaye da Ñimaye naralaxat imauec da qanachaalataxac. Na'aictaxa da saishet da saxaguet da Ñim Lo'onatac 'Enauacna qomi' ỹauoteque, qalaxaye chegoqchigui da lta'araic lsoxoyec Ñimaye, nache naralaxat da qarataxac qataq qomi' ỹanema da 'itchiguiñi qarca'alaxa,

Judas 1:2

Huo'o da iyaxa da Ñim Lo'onatac 'Enauacna qami' ỹo'oteque da lta'araic lauotaxanaqtaic qataq da lta'araic naqa'en da qarlagaxayiqui qataq da qarsoxoyiqui.