Gálatas 6:12 - La'aqtaqa Ñim Lo'onatac 'Enauacna 2013

¹² Nam shiỹaxauapi maye qami' ỹamaqtaleguete da qauo'oche ca qana'anaxache, namayepi choche huotaique da qaỹamateguet. Cha'aye saishet da ỹaỹamaxaren da sa qaiyacnapec souaxat da ỹa'axattac da 'eetec co'ollaq So Cristo da qaiuaxaneguet so npe'enaxaqui.

Nuevo Testamento Toba Sur

¹² Nam shiÿaxauapi mayi qami' ÿileeta'pe da yaqto' qami' ishit da qaÿauo'o ca qan'anaxachi, namayipi 'eetec de'eda, cha'ayi chochi nshitaique da qaica ca da naq'en na shiÿaxauapi, da yaqto' sa ishit da qaicanapec souaxat so Cristo co'ollaq qaiuaxanguet so npe'enaxaqui.

Nuevo Testamento Toba Sombrero Negro

¹² Gaa'me jo'ne ami yepagaqatetapeque da'me auacoñiyeguet ga'me 'nanaĝajet jo'ne qoyichaĝaye ga'me lapat lae, jogaa'me ch'e naquitetedapega da'me qaedi jiyaĝadipi yiyamaĝade'n. Ja jetaque qoyecaa'tape jogaa'me jouaĝat ta'le 'yaĝatetedac da'me 'laqataĝanaĝac jo'ne 'yaĝatetac jaga'me nesodoso ñe'me Cristo.

Gálatas 6:12 Referans Kwoze

Gálatas 5:11

Qami' ỹaqaỹa't, da aỹemctaxa da sa'axatec da 'enauac, iuen da qaỹauo'o ca na'anaxat da qaro'ocỹaxaqui, nache nam aỹem ipa'agueetacpi ỹaxaañictaxa da aỹem icaatac, nache de'era na'aqtaguec da l-leuaxa So Cristo co'ollaq qaiuaxaneguet so npe'enaxaqui, saishettaxa da inogoqchet namayepi.

Colosenses 2:23

Qaq namayepi saishet da qanqoleguete' da ishet da qaiuen, cha'aye dapaxaguenataxanec da lataxac da na'amqaanataxanaxac, qataq da sa na'amaqten ca shiỹaxaua, qataq da nala'aguet da nllañi da lqopitaxanaqtaic. Qalaxaye namayepi saishet da huo'o ca ltaunaxanaxac da qaỹataỹa'aguet nam qauem lqopitaxanaqtaic da qarapachiỹaxac.

2 Corintios 11:13

Cha'aye namayepi saq 'en da namaxashecpi, qataq datenataxaatac, choche ỹe'enaxat da lataxac nam ỹataqta 'eesa da lamaxashecpi So Cristo.

Hechos 15:1

Qaq se'esoua na'axa'te, nache huo'oi soua nvilye' ỹale't, chegoqra'ague da Judea da nvilda ye Antioquía. Nache soomaye ỹapaxagueetrapeguec na 'amqaanataxanaxaicpi da ca nshetaique da qanca'alaxatec, qalaq camaye iuen da qaỹauo'o ca na'anaxashet na lo'oc, cha'aye damaye, nache lamaxasoxonaxac so Moisés.

Gálatas 2:3

Qaq somayepi saishet da huo'o ca ỹamaqtalec da ỹauo'o ca na'anaxat na lo'oc, ivira'a so Tito maye saishet da judío le'ec.

Lucas 16:15

Nache So Jesús 'enapeco': «Qami' maye nacheqami' choche qanachaxañiitega 'enauac na shiỹaxauapi da qami' no'o'n, qalaxaye Ñim Lo'onatac 'Enauacna ỹauatto'n naua qarquiyaqchilli'. Cha'aye cam ỹamata'ac nam shiỹaxauapi da 'eetega 'amaqtaqaic, qaq nacheca cam ỹataqta ỹaỹemec Ñim Lo'onatac 'Enauacna.

Filipenses 3:18

Qaq mashe qalota da qami' sa'aqtaxaateguema naxa, qalaxaye nagui qaltaq ñeỹeetalec da she'eguelaxalec da qami' sa'aqtaxanema, cha'aye ỹataqta qalota nam dataỹa'aguet da na'aqtaguec da l-leuaxa So Cristo, co'ollaq qaiuaxaneguet so npe'enaxaqui.

Filipenses 2:4

Qataq saishet qome da huo'o ca ỹa'auaxaañi da nmitaique ca maiche laỹamaxa. Nachaqcata cam nataqa'en ishet da ỹaỹamaxaañi ca lỹa.

Filipenses 1:15

Qaq 'eesa da huo'o na ỹa'axattac So Cristo, cha'aye ỹa'axattac da no'on na'axaỹaxac, cha'aye 'eesa da huotaique da detaunaxan, qataq ỹataqta ỹauotec So Cristo qataq ỹaỹaten da Ñim Lo'onatac 'Enauacna aỹem ỹanagui da ỹo'onataxanaxac da seloclec da no'on na'axaỹaxac. Qalaxaye huo'o na laỹepi da choche aỹem nallettague', souaxat da aỹem nquiỹa.

Gálatas 6:13

Cha'aye namayepi huo'o na na'anaxat na lo'oc, qalaxaye saishet da ỹalaxaguet na namaxasoxonaxacpi maye chegoqo'ot so Moisés. Nachaqrata da namayepi huo'o da lyaxa da qaỹo'ot ca qana'anaxache da yaqto' namayepi qami' na'amaqteetaleguete da qami' ỹañoxo't da qaỹauo'o ca qana'anaxache.

Gálatas 2:14

¡Qaq de'era nataxac, damaye ỹataqta dataỹa'aguet da 'eesa na'aqtaxanaxac maye no'on na'axaỹaxac! Qaq ỹoqo'oye setaxaỹapegue' so Pedro, ỹauaachigui ñaqa'en na 'amqaanataxanaxaicpi maye lma' ye Antioquía, nache sheetega somaye, sheeta': «'Am, maye 'am judío le'ec, da 'arataxac ỹataqta 'ena'am da saishet da 'am judío le'ec. Qalaq ¿ta'ainco' qone' da 'auamaxalec nam saishet da judiopi da ỹe'enaxat da lataxac na judiopi?»

2 Corintios 10:12

Cha'aye aỹem saishet da sauotaique da sheeta'am nam detaqtacpi da maiche ño'oxoreetapeguela't. Cha'aye da huo'o ca maiche naloqnaxaatapeguela't, nache camaye qaica ca laỹaanataxanaxac.

Hechos 15:5

Qalaxaye huo'oi soua ỹalectrauo na fariseopi maye nataqa'en ỹa'amaqteetrac So Jesús, soomaye nachaayiñi, nache 'ena'apo': –Nam 'amqaanataxanaxaicpi maye saishet da judiopi, namayepi iuen da shenaqapega da ỹalaxalec na namaxasoxonaxacpi maye chegoqo'ot so Moisés qataq ỹauo'o ca na'anaxashet na lo'oc.

Juan 7:18

Ca shiỹaxaua da huo'otaq maiche nallegoxottela't ca ltaxaỹaxac, camaye 'eetec de'era, cha'aye nshetaique da na shiỹaxauapi ỹo'oxoren. Qalaxaye Aỹem ñeshetaique da Ñim Lo'onatac 'Enauacna maye Aỹem namaq, nacheñi Ñim talec cam llo'oxoyec maye maiche lalamaxat; qaq ỹoqo'oye Aỹem nache 'eetai' da sa'axattac ca 'eesa.

Lucas 20:47

Namayepi decachigui na nma' ana pa'aipi, ime, nache ỹo'ot da nqouagaxaunaxac ỹataqta logoraic naqa'en yaqto' na qalota shiỹaxauapi ipi'itaxana da no'on shiỹaxauapi. Qalaxaye Ñim Lo'onatac 'Enauacna ỹauo'o da nhuaxanaguec ỹataqta ỹactec, saq 'ena'am na laỹepi shiỹaxauapi.

Mateo 23:5

Qaq ỹo'ot 'enauac ne'ena namayepi, cha'aye nshetaique da na shiỹaxauapi huo'o da la'aalaxa. Ỹoqo'oye ỹauo'o natai' lereguishecpiolec ỹachegoxotaigui ana nere maye huetalec na la'aqtacpi Ñim Lo'onatac 'Enauacna, ime nache ỹauo'o aso laỹe' lo'ocole qataq ỹauo'o so lquet, nache ishet da ỹaxachigui na lqaic da ỹaatelec na latap huo'otaq na lhuaq. Nache nquigaxattauec ye lcata asa'aso laỹe' qataq ỹo'ot na lasoviaxanatac naua loga'te naua alogo da yaqto' na shiỹaxauapi ipettega da ỹataqta ỹalaxaguet Ñim Lo'onatac 'Enauacna.

Mateo 6:16

Qaq da ivita da qanqouaqchichi, qalaq saishet qome da yo'oqta da daquico da qarasheguiỹaxaqui, da qoñiita'am nam shiỹaxauapi maye choche nachaxaatac. Namayepi 'eetec de'era, cha'aye huotaique da qaỹaỹaten da nqouaqchettac. Qaq Aỹem qami' shenapegalo da namayepi sogote huo'o da nsheetenaguec.

Mateo 6:2

Da huo'o ca 'oonolec da qoñiita da itauan na choxoraqpi, nache saishet da ỹa'axatteua'alo ana paxaguenaxaquipi qataq naua ndaqa'ate maye sa ỹe'emaxat da nlectecot na shiỹaxauapi; cha'aye damaye nataqa'en ỹo'ottac nam saq ỹataxalec da lataxac, maye huotaique da na shiỹaxauapi ỹo'oxoreetac. Qaq Aỹem ỹataqta 'eesa dam shenapec da nachaqrata nsheetenaguec maye ỹaconeguet namayepi.

Mateo 6:5

Qaq da ivita da qanqouagaxauñi, qalaq saishet qome da qoñiita'am nam saq ỹataxalec da lataxac. Namayepi choche lqopitaxat da qaimeteetac da nqouagaxaueetac. Ỹoqo'oye nachattañi da nqouagaxauen da huaigui ana napaxaguenaxaquipi na judiopi, qataq na ndaqa'pi maye sa ỹe'emaxat da nlectecot na shiỹaxauapi. Qaq Aỹem 'eesa de'era qami' sa'axatema da namayepi qaica ca lỹa nsheetenaguec.

Mateo 5:10

Ñim Lo'onatac 'Enauacna ỹaalec da nqouagaxa nam qaica ca nyacnataguec souaxat da ỹo'ottac da ỹaỹamaqchiguiñi, qataq namayepi huetaigui da lo'onataxanaxac Ñimaye.

Mateo 23:27

¡Ỹataqta qauem da qa'aita'ague qami'! Cha'aye qaue'enaxache ca shiỹaxaua no'on da lataxac qataq ỹo'oxoraic, qalaxaye ỹoqta 'eesa da qami' tenataxanaxaiqa qataq qami' qauemaiqa. Qoñiita'am aca huachiqui maye qaỹa'ameeta na pa'auec qataq da qailota'a qalaq ỹataqta qui'itta, qalaxaye nam pa'auo ỹataqta nlaqchigui na npi'inecpi qataq ỹataqta qauem.