Gálatas 6:1 - La'aqtaqa Ñim Lo'onatac 'Enauacna 2013

¹ Qami' ỹaqaỹa't, qami' ỹauecta'ape So Saqcha'a La'añaxac Ñim Lo'onatac 'Enauacna. Ỹoqo'oye da qoñiita da huo'o ca ilalec lasouaxashet ca lỹa, nache iuen da ỹaỹamaxaañi irolec ca no'on ltaxaỹaxac. Qalaxaye nataqa'en iuen da ỹataqta qanchilỹañi, cha'aye saiuena'a da qami' huetoiguilo da qarhuennataxaqui da qauo'oche ca sa ỹaỹamaxañi.

Nuevo Testamento Toba Sur

¹ Qami' ÿaqaÿa't, da huo'o ca 'oonolec da qoñiita huo'o ca ilamaxata'aguet lasouaxashit, nachi qami' mayi qami' netanguita so Espíritu ishit da qautauañi camayi, da yaqto' ishit da ñishiguem. Qalaxayi ÿataqta huesottac da qadquiyaqteÿaxaqui. Qataq ñi 'oonolec ÿataqta ntelañi. Ten, sa iuena'a camayi da nataq'en qaÿauo'o ca ñi'iguenataguec.

Nuevo Testamento Toba Sombrero Negro

¹ Ami yaqaya'olqa, ami jo'ne joote auajoitalegue ñe'me Dios Lepaqal. Chane'eja, qom 'uo ga'me qo'youatelegue da'me ya'uo loec, 'noota qom auedoilo'te naa'me onaĝayaqa at'aqataqadi' da'me auapaĝagueñi. Qalaĝaja achiya'aguet qaedi ja nach'e ena'am 'uo ga'me anapiyenaguequi da'me auauoyi ga'me ja no'en.

Gálatas 6:1 Referans Kwoze

Romanos 15:1

Qomi' maye ỹoqta saỹaanaqta da 'eetapeguec Ñim Lo'onatac 'Enauacna, saishet da nda'a't da seuennaqtega cam 'onaxaic maye maiche qomi' taleguete. Nachaqrata da qomi' setauanaq nam saxanaxa da da'añi da lpi'iỹaxac.

2 Ts 3:15

Qalaxaye saishet da qanpa'aguenaxauai camaye. Chaqrata da ỹataqta qoñiỹapega, qaue'enaxachiitem ca qarqaỹai.

2 Timoteo 2:25

qataq huesotta da lataxac da nlaxanec ca depa'aguenataxaatac. Cha'aye saiuena'a da Ñim Lo'onatac 'Enauacna ishet da ỹami' camaye da naralaxat da lhuennataxac, qataq ỹami' da ỹaỹaten da 'eesa lataxac,

1 Juan 5:16

Da huo'otaq huo'o ca ỹauaachigui ca la'amqaanataxanaxaua da huo'o ca ỹo'ot lasouaxashet maye saishet da taỹa'a naqa'en da nleuaxa, qaq no'on da nqouagaxaueetalec camaye da yaqto' Ñim Lo'onatac 'Enauacna ỹami' ca lca'alaxa. Qalaxaye nache qoỹeetec de'era da qaỹaỹaten da ca nasouaxashet saishet da taỹa'a da nleuaxa. Cha'aye huo'o na nasouaxashetpi da dauegaqtaxana da nleuaxa. Qaq aỹem ñeshetaique da qami' shenapegalo da saishet da qanqouagaxauñiilec cam ỹo'ot de'era.

2 Corintios 2:7

Qaq nagui no'on da qauchoxoyiñi camaye, qataq qautauañi yaqto' machiguiñi. Ten, qom huo'otaq ỹaguec da laquicoxo, nache ishet da qaica ca naquitaxac.

Hebreos 12:13

Qanqalgoqoi qome, qoquiitegue so nqa'aic maye ỹataqta ỹashectec qataq nalochiguiñi, yaqto' ca napia' maye ñi'iỹauo, qalaq ishet da no'oita, qataq saishet da ỹe'eguelaxa da vi'ita'a't.

1 Pedro 3:15

Nachaqrata da qavio'oxonñiitac So Cristo maye Qarataxala'ai, qataq qami' lhuotte' da qaua'aqtaxañim na shiỹaxauapi da 'eetec da huo'omshe huo'o da qarpi'iỹaxaqui So Cristo qataq dam ỹachaxanapec.

Romanos 14:1

Qauacoñiiguet qataq qauaỹamaxacheeta nam 'amqaanataxanaxaicpi maye saxanaxa da da'añi da lpi'iỹaxac, damaye 'eeta': nam saxanaxa da ỹoqta ỹaỹateeta na lamaxasoxonaxacpi Ñim Lo'onatac 'Enauacna. Da huo'o ca sa qauaỹamaxayiñi lataxac namayepi, nache saishet da qancotaitague'.

Ezequiel 34:16

Ñimitaique qome ana qaguetapi maye deqat, qataq ñe'eguelaxateuo ana laga't co'ollaxa, qataq sauo'o ca laxataxat na huacac lapia', qataq setauan qome ana mashe qaica ca la'añaxac, qalaxaye selaxachigui qome ana chaxaraipi qataq no'oitapi. Aỹem ỹataqta saỹamaxatchiguiñi da lataxac qom selo'ogue anamayepi.

1 Corintios 10:12

Qaq ỹoqo'oye qaica qome ca 'eetega da qaica ca lasouaxashet, cha'aye saiuena'a da nacheca ca la'auaxanec da huo'o ca lasouaxashet.

1 Corintios 4:21

¿Negue't ca ỹoqta qaupaquiitaique qom qami' ñeqo'onalo? ¿Peta'a qaravilliỹa da qami' seroleguete ca iuaxanaxanaxat, qalqo' da isoxoyec qataq da huesotta ỹataxac?

Santiago 3:2

'Enauac da shenaqta huo'oi naua qarasouaxashe'ete, qalaxaye nachaqcata ca shiỹaxaua maye ỹaỹaten da nllañi ñi lachaxat, camaye nalochiguiñi da lataxac, qataq ishet da nala'aguet da nllañi da maiche 'eetapeguec da lo'ocỹaxac.

2 Corintios 10:1

Aỹem qoỹeetegacnaxa da qaica ca ỹa'amaqchec da qami' sootaiguilo, qalaxaye naxa da aỹem qaỹoqta, qalaq ỹataqta saq llivigui ye iuel. Qaq aỹem qami' ñachoxonnoiguilo chegoqchigui da lsoxosoxonaxac qataq da lauotaxanaqtaic So Cristo, da qom qami' sevitalo, qalaq saishet da aỹem qauamaqỹalec, da yaqto' sa sareno'ot da shenapega nam qomi' quetapegueleguete, cha'aye namayepi 'eetega da so'otaqtac damaye, cha'aye huo'o cam yo'oqchigui ñaquitaqtaique, shenaqta'am nam laỹepi shiỹaxauapi maye huetalec ana 'alhua.

Mateo 9:13

'Onaxaic da qoqui, nache qanpogoxoiñiỹapegue' da qauchemaxache cam ỹoqta 'eetapeguec Ñim Lo'onatac 'Enauacna co'ollaq nasaxauec de'era la'aqtac, 'eeta': «Aỹem ñeshetaique da qami' qauchoxoyiñi na shiỹaxauapi, qaq saishet da nachera da Aỹem qandoiua'a aca qarachetaqtaxanaqche.» Cha'aye Aỹem ñanac da seỹaxana nam 'etaxaloxoicpi, da yaqto' sauo'o ỹapaxaguenatacpi, qaq saishet da nachena nam 'eetega da no'on da lataxac.

1 Corintios 14:37

Da huo'o ca 'eetega da la'aqtaxanaxanec Ñim Lo'onatac 'Enauacna, huo'otaq 'eetega da netanguit So Saqcha'a Na'añaxac Qui'itta, qaq no'on da ỹaỹateeteguet de'era shiyiñi da ỹataqta lqataxac So Qarataxala'.

1 Corintios 7:5

Qaq saishet da sa naỹaana't caamaye. Nachaqrata da naỹateeta't da ỹauo'o ca laloqne'c da saishet da nauaña't, souaxat da ỹauotraique da ỹataqta nañaareguet da nqouagaxaunaxa'c. Qalaxaye da ime, nache qaltaq ipactegue da nauaña't, cha'aye saiuena'a da ỹasouaxat da saishet da naỹateetrela't, nache so pa'aguenataxanaxaic huo'o ca llegueuo da ỹauo'o ca lasouaxashe't.

1 Corintios 2:15

Qalaxaye ca shiỹaxaua maye netanguit So Saqcha'a La'añaxac Ñim Lo'onatac 'Enauacna, camaye ishet da nmit 'enauac na lataxaguesat. Qaq camaye, qaica ca ishet da nmit.

Romanos 8:6

Cha'aye da seuennaqtega 'enauac nam qauem maye 'eetapeguec da qarapachiỹaxac, nache ỹataqta qaỹoqtalo qome qomi' Ñim Lo'onatac 'Enauacna. Qaq da nda'a't da seuennaqtega cam 'eetapeguec So Saqcha'a Na'añaxac Qui'itta, nache qomi' taỹoto ca qarca'alaxa chochaq tatec qataq ca nlagaxayec.

Mateo 11:29

Qaualaqaiguet na ỹamaxasoxonaxacpi qataq qavi'inaxache Aỹem, cha'aye Aỹem hualaxauaic qataq ỹataqta 'eesa da saishet da llateela't. Da nache qoñiitec de'era nache ishet da qauanachiỹa ca qanmataxaqui.

Santiago 3:13

Da huo'o ca 'oonolec da qoñiita da ỹataqta ỹaanaxanaxaic qataq sa nqalat, nache iuen da ỹachaxan ca ỹaỹamaqchiguiñi maye ỹo'ot qataq ỹachaxan da saishet da na'amqaanaxaic.

Hebreos 13:3

Qataq qoviỹapegue' nam qarqaỹañicpi maye qaicoñettai' qataq nam sa qaiyacnapec. Da qarhuennataqai qome 'eeta'am qanqa'eñi da nataqa'en qoviitaigui damaye.

Gálatas 5:23

qataq saishet da qomi' na'amqaanaxaiqa, qataq saỹatenaq da seloxogue da qarataxac. Qaica ca namaxasoxonaxac da ishet da dataỹa'aguet 'enauac de'era.

2 Samuel 11:2

Qaq so mashe avit, nache ñisheguem so David, chegoqtelec so lmala', nache somaye queuotapeguelec na pa'asheguem so lma' lta'araic. Qaq huaña co'ollaxa nache ila'a aso 'alo nacheltac, qaq asomaye ỹataqta 'onaxai.

1 Corintios 3:1

Ỹoqta 'eesa, qami' ỹaqaỹañicpi, da aỹem sa seshet co'ollaxa da setaxaiguilo qami' da se'enaxattem na shiỹaxauapi maye mashe netanguit So Saqcha'a La'añaxac Qui'itta Ñim Lo'onatac 'Enauacna. Nachaqrata da sheeta'am ñaqa'en qami' ca shiỹaxaua maye ñaq quetaigui da lapacheỹaxac, cha'aye qami' ñaq nogotolec da qarpi'iỹaxaqui So Cristo.

Mateo 26:75

nache so Pedro tachigui lauel da la'aqtac So Jesús co'ollaq, 'eeta': «Qom yaqta'a da nỹen ca 'olgaxa, qaq 'am mashe sogote qome da tres 'avi'eguelaxalec da qonetega da Aỹem sa 'auauatton.» Nache so Pedro pa'auec, nache ỹataqta nỹeetac, qataq ỹataqta lta'araic da laquicoxo.

Mateo 26:69

Qaq co'ollaq ñaq qanayeetaigui de'era, nache so Pedro nso'ootañi, netauga so nqasoxoc so lma' so nta'a. Nache anac aso namaxashe nquigueua'a somaye nache 'enapega, 'eeta': –'Am nataqa'en 'annaictague' naxa da Jesús maye Galilea le'ec.

Salmos 141:5

Cam no'on da lataxac no'on qome da ỹo'ot ca ñeuaxanaguec, qaq camaye nacheca qome ca nchoxonnataxanaxa, qalaxaye saishet qome da qaicorelec na iqaic ca no'on na laita ncoraxat na qauemaicpi, cha'aye da ñatamnaxac nache 'eetai' naxa, da dataỹa'aguet nam qauem maye ỹo'ottac namayepi.

Gálatas 6:18

Qami' ỹaqaỹa't, So Qarataxala' Jesucristo qami' ỹachaxanalo qome da lsoxoyec 'enauac da qoñiita. Aja', nache 'eetec.

1 Ts 4:1

Qaq ỹoqo'oye nagui qami' qarqaỹa't maye qoquiitague' So Cristo, qami' sapaxaguenaqtegueeque da qoquiitegue da ỹataqta ỹaỹamaxareeta Ñim Lo'onatac 'Enauacna. Qaq damaye mashe qauo'ocheetac. Qaq nagui qami' ñachoxonnaqtoiguilo qataq qami' sa'añaqchetaxaque da le'enaxat So Qarataxala' Jesús da qanquigaxachiitauec qome da qara'añaxaqui.

2 Corintios 2:8

Qaq ỹoqo'oye qaltaq qami' ñachoxonnoiguilo da qauachaxañiỹa da qarauotaxanaqtaiqui camaye.