Gálatas 5:9 - La'aqtaqa Ñim Lo'onatac 'Enauacna 2013

⁹ Qaica ca iqoleguet da huo'o ca 'oonolec saq 'en napaxaguenataxanaq da camaye na'aqchet 'enauac da napaxaguenataxanaxac.

Nuevo Testamento Toba Sur

⁹ Qaq sa ishit qome da qaucouai'ai da “acatai' saq 'amaqtaqole mayi ÿashiidaxachigui ana pan, da acamayi ishit da quichigui 'enauac cam nvigoxoshic.”

Nuevo Testamento Toba Sombrero Negro

⁹ 'Noota qom ja auoqoleguechi da'me dojo': queda'me qom 'uo ga'me paĝaguenataĝanaĝaic 'me ja yataĝalegue qama'le 'naĝat yema ga'me napaĝaguenataĝanaĝac.

Gálatas 5:9 Referans Kwoze

1 Corintios 15:33

Saishet qome da maiche qanatenacheetapeguela't. Cha'aye 'eesa naxa da na'aqtac maye 'eeta': «Ca qauemaic shiỹaxaua na'aqchet ca no'on lataxac ca lỹa.»

Marcos 8:15

Nache So Jesús huaqattapegueleguete soomaye, 'eeta': –Maxatchaxa qome, qarvichiỹa'a ana ỹasheeraxachigui ana nauole maye huetaigui na fariseopi qataq ñi Herodes Antipas.

Lucas 13:21

Damaye 'eeta'am peta'a aca ỹasheeraxachigui ca ndaqñiguishec maye ỹacona aca 'alo. Ime, nache ỹasaxaigui ca ldaqñiguishec, nache acamaye ima da ỹasheeraxachigui 'enauac cam ndaqñiguishec.

Lucas 12:1

Qaq ñaq queta da qalota so shiỹaxauapi lapootapegueua'a So Jesús qataq mashe ivira da huo'o na qaỹe'eguingui. Nache Somaye 'enapegalo soua lapaxaguenataqa, 'eeta': «Maxatchoxo' qome, qarvichiỹa'aguet da latenataxanaxac na fariseopi. Namayepi ỹataqta ỹatenachettac na shiỹaxauapi da 'eetega 'eesa nam la'aqtaxanaxacpi.

2 Timoteo 2:17

Qataq naua qauema lapaxaguenataxanaxaco nquictraue'c, 'ena'am aca nhueta late'e. Qaq 'era da 'eeteque soua Himeneo qataq so Fileto.

Mateo 23:33

¡Qami' ỹataqta qami' tenataxanaxaicpi qataq qami' qauemaicpi! Ỹataqta qami' qauemaiqa qoñiỹa'am na lshenataxanaxa na na'araxanaq. ¡Qaq ỹoqo'oye ỹataqta sa qami' ỹe't ca qanhuaxanaguiiqui da qami' qaỹasaxañalo ca nhuaxanaqa' na 'etaxaloxoicpi!

Mateo 13:33

So Jesús nataqa'en ỹauo'o so lỹa daloqnaxana, 'eeta': «Da lo'onataxanaxac Ñim Lo'onatac 'Enauacna, damaye 'eeta'am aca saq 'amaqtaq ỹasheeraxachigui na ndaqñiguishec 'ayiiña maye ỹacona aca 'alo. Ime, nache ỹalecneguet ca lta'araic ldaqñiguishec, da yaqto' 'enauac ỹasheeraxachigui.»