Gálatas 5:3 - La'aqtaqa Ñim Lo'onatac 'Enauacna 2013

³ Qaq ỹoqo'oye qaltaq she'eguelaxalec da itelaqtaxanaxac da camachaqca shiỹaxaua da ỹauo'o ca la'anaxat na lo'oc, nache camaye iuen da ỹalaxaguet na namaxasoxonaxacpi.

Nuevo Testamento Toba Sur

³ Qaq ÿoqo'oyi qaltaq shi'iguelaxalec da shinapec da ca camachaqca shiÿaxaua da nañanguet da qaÿauo'o ca n'anaxat na l'oc, nachi camayi ishit da i'ot 'enauac nam damaxasoxoolec na nqataxacpi mayi chigoqo'ot so Moisés.

Nuevo Testamento Toba Sombrero Negro

³ Yitaĝa ji'iyelaĝatalegue ami jaqateque, queda'me gamachaqaega yaconeguet ga'me 'nanaĝajet ga'me lo'oc qama'le yitaĝa qoyepagaqatetec da'me que'teguelo ena'uaque daa'me namaĝajoĝonaĝaco.

Gálatas 5:3 Referans Kwoze

Gálatas 3:10

Qaq ỹoqo'oye huetalec da lta'araic lchec nam huotaique da ỹachegoxotchigui da ỹalaxalec na namaxasoxonaxacpi da huotaique da ỹaỹamaxareeta Ñim Lo'onatac 'Enauacna, cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Ỹataqta qauem qome ca talec nam saishet da ỹalaxalec na namaxasoxonaxacpi.»

Romanos 2:25

Ỹataqta qaica ca naigui da huo'o ca ỹo'ot ca na'anaxashet na lo'oc da saishet da ỹalaxalec na nqataxacpi maye chegoqo'ot so Moisés. Camaye da sa ỹalaxalec namayepi, nache 'eeta'am da sa nauane' da huo'o ca na'anaxashet na lo'oc.

Deuteronómio 27:26

Ỹataqta qauem qome ca talec nhuaxanaguec ca shiỹaxaua da qaica ca 'enec naqa'en ne'ena nqataxacpi, qataq saishet da ỹo'ot. Nache 'enauac qome na nhuo' le'ecpi, 'eeta': Aja', nache 'eetec.

Efesios 4:17

Qaq cha'aye aỹem ña'attaua'a So Qarataxala', ỹoqo'oye qami' shenapegalo qataq qami' seqatalo da saishet da qoñiita'am da lataxac nam saishet da ỹauatton Ñim Lo'onatac 'Enauacna, cha'aye namayepi quetegueto naua qauema lhuennataxaco maye qaica ca naiguilo.

Deuteronómio 31:21

Qalaxaye qom ivireguet nam qauemsat qataq ca lta'araic nque'eenaxac, nache ne'ena no'onec maiche iuennataxanaxan qome namayepi, cha'aye ca dalaxaicpi maye chegoxoguet namayepi qom do'onaxan, nache maiche ntoonaxanaxan namayepi. Cha'aye Aỹem, mashe saỹaten da lhuennataxa namayepi, nagui da ñaq saxanaxa da senoxonaqcheteua'a yi'iye 'alhua, maye sachaxanapecot co'ollaxa namayepi.»

Deuteronómio 8:19

Qalaxaye da qaucouaỹa'ai Ñim Nataxala' maye Qanatamnaxala'ai, da qoquiigue na ỹaqa'a atamnaxala'pi da qanatamñiỹot, nache nagui qami' sa'aqtaxaatema da ỹataqta qami' nlachiyiñi qome.

Mateo 23:18

Nataqa'en qauapaxaguenataxañiiteguec da huo'o ca shiỹaxaua da ỹan ca la'aqtac chegoqchigui da la'añaxac añi nca'atoxonaxalate maye netaña añi no'onaxanaxaqui late'erai, qalaq camaye ishet da sa ipaguelec ca la'aqtac. Qalaxaye da huo'otaq ỹan ca la'aqtac da ỹachegoxotchigui da la'añaxac ana nachetaqtaxanaqte, qalaq camaye iuen da ỹataqta ipaqueelec ca la'aqtac.

1 Juan 4:14

Qomi' ỹataqta sauanaqchigui da Ñim Nta'a namaxalec ana 'alhua So Llalec, da yaqto' nca'alaxatec 'enauac nam huetalec anamaye, qaq damaye sa'axataqtac saishet da huo'o ca sho'oqtaique.

1 Ts 4:6

Saishet da huo'o ca ỹatenachet ca lqaỹa maiche la'amqaanataxanaxaua, qataq saishet da qopiilec camaye. Mashe sogote da qami' sevitaqteetagalo da So Qarataxala' Jesús ỹauo'o ca lta'araic nhuaxanaguec ca nache 'eetec de'era.

Hechos 20:21

Qaq 'enauac nam judiopi qataq nam saishet da judiopi sheetega da ca'aisalo naua qauema lataxaco, nache ỹa'amaqten Ñim Lo'onatac 'Enauacna, qataq ỹa'amaqten So Qarataxala' Jesucristo.

Hechos 2:40

Qaq 'era da la'aqtaxanaxac so Pedro. Qataq huo'o na laỹepi la'aqtaxanaxac da huaqattega somayepi, 'eeta': –Qananeltaxañeeguet ca nhuaxanaguec ne'ena shiỹaxauapi maye taỹa'a da deqat, yaqto' qarca'alliiuec.

Lucas 16:28

da yaqto' da'aqtaxanema caua cinco ỹaqaỹa't, da caamaye da saishet da ỹaxaare'c da ỹo'ottrac da qauem, nache ishet nataqa'en da nvilda'a ne'ena que'eenaqa'.»

Mateo 23:16

¡Ỹataqta qauem da qa'aita'ague! Cha'aye qami' taxa maye qauapaxaguiñi na shiỹaxauapi da ỹalaxaguet Ñim Lo'onatac 'Enauacna, qalaxaye qami' ye sa qauaỹaañi cam qoñiitec: «Nachaqrata da qauapaxaguiñic ca shiỹaxaua da ỹan ca la'aqtac da huaigui añi no'onaxanaxaqui, qalaq ishet da nlaxaañi. Qalaxaye da huo'otaq ỹan ca la'aqtac da 'eetega ỹaneua'a añi no'onaxanaxaqui late'erai ca oro, nache camaye iuen da ỹataqta ipaqueelec ca la'aqtac.»

Nehemías 9:34

So qarta'alpi qataq so qarataxala'pi, nataqa'en so ntaxaỹaxanaxanecpi qataq so hua'au qarta'alpi, saishet co'ollaxa da ỹalaxagueta naua 'arqataxaco, qataq saishet da na'axaỹaxanalo naua 'aramaxasoxonaxaco, qataq nam 'avitaqteetega saỹaỹamaxañi.

Hechos 15:1

Qaq se'esoua na'axa'te, nache huo'oi soua nvilye' ỹale't, chegoqra'ague da Judea da nvilda ye Antioquía. Nache soomaye ỹapaxagueetrapeguec na 'amqaanataxanaxaicpi da ca nshetaique da qanca'alaxatec, qalaq camaye iuen da qaỹauo'o ca na'anaxashet na lo'oc, cha'aye damaye, nache lamaxasoxonaxac so Moisés.

Gálatas 5:2

Qalaxaye huo'o dam huotaique qami' sa'aqtaxanema: Da qami' qauauo'oi ca la'anaxat da qaro'ocỹaxaqui, nache dam ỹo'ot So Cristo qaica qanqa'eñi ca naigui.

Gálatas 5:6

Ỹataqta huo'o da qana'achecỹaxac chegoqchigui dam ỹo'ot So Cristo, qaq na'aictaxa da huo'o ca la'anaxat na qaro'oc huo'otaq qaica. Cha'aye dam ỹataqta huo'o da naigui nachera da qarpi'iỹaxac So Cristo, qaq de'era qarpi'iỹaxac qomi' ỹo'oteque da sauotaxac na laỹepi shiỹaxauapi.