Gálatas 5:2 - La'aqtaqa Ñim Lo'onatac 'Enauacna 2013

² Qalaxaye huo'o dam huotaique qami' sa'aqtaxanema: Da qami' qauauo'oi ca la'anaxat da qaro'ocỹaxaqui, nache dam ỹo'ot So Cristo qaica qanqa'eñi ca naigui.

Nuevo Testamento Toba Sur

² Nagui aÿim qan'axaÿaxañiÿa. Aÿim Pablo, qami' shinapegalo da huo'otaq qanañañiiguet da qaÿauo'o ca n'anaxat na l'oc ñi 'oonolec da qoñiita, nachi so Cristo ÿataqta qaica ca naigui qanqashiñi.

Nuevo Testamento Toba Sombrero Negro

² Qalaĝaja 'uo da'me jetaque ami ja'aĝatema: qom ami yitaĝa auacoñiyeguet da'me nichaĝajoĝonaĝac, qama'le da'me 'lonatac ca'li ñe'me Cristo male ja ami 'te lecochiyalo.

Gálatas 5:2 Referans Kwoze

Gálatas 5:6

Ỹataqta huo'o da qana'achecỹaxac chegoqchigui dam ỹo'ot So Cristo, qaq na'aictaxa da huo'o ca la'anaxat na qaro'oc huo'otaq qaica. Cha'aye dam ỹataqta huo'o da naigui nachera da qarpi'iỹaxac So Cristo, qaq de'era qarpi'iỹaxac qomi' ỹo'oteque da sauotaxac na laỹepi shiỹaxauapi.

Hechos 15:1

Qaq se'esoua na'axa'te, nache huo'oi soua nvilye' ỹale't, chegoqra'ague da Judea da nvilda ye Antioquía. Nache soomaye ỹapaxagueetrapeguec na 'amqaanataxanaxaicpi da ca nshetaique da qanca'alaxatec, qalaq camaye iuen da qaỹauo'o ca na'anaxashet na lo'oc, cha'aye damaye, nache lamaxasoxonaxac so Moisés.

Hebreos 4:2

Cha'aye qomi' sa'axasoqchigui da no'on na'axaỹaxac shenaqta'am co'ollaxa so Israel le'ecpi maye ca'ai ye 'alhua Egipto. Qalaxaye nachaqrata da somayepi qaica ca naigui naqa'en de'era hua'aqchigui, cha'aye saishet da ỹa'amaqten qataq saishet da ỹalaxaguet de'era na'aqtaxanaxac.

Gálatas 5:11

Qami' ỹaqaỹa't, da aỹemctaxa da sa'axatec da 'enauac, iuen da qaỹauo'o ca na'anaxat da qaro'ocỹaxaqui, nache nam aỹem ipa'agueetacpi ỹaxaañictaxa da aỹem icaatac, nache de'era na'aqtaguec da l-leuaxa So Cristo co'ollaq qaiuaxaneguet so npe'enaxaqui, saishettaxa da inogoqchet namayepi.

2 Corintios 10:1

Aỹem qoỹeetegacnaxa da qaica ca ỹa'amaqchec da qami' sootaiguilo, qalaxaye naxa da aỹem qaỹoqta, qalaq ỹataqta saq llivigui ye iuel. Qaq aỹem qami' ñachoxonnoiguilo chegoqchigui da lsoxosoxonaxac qataq da lauotaxanaqtaic So Cristo, da qom qami' sevitalo, qalaq saishet da aỹem qauamaqỹalec, da yaqto' sa sareno'ot da shenapega nam qomi' quetapegueleguete, cha'aye namayepi 'eetega da so'otaqtac damaye, cha'aye huo'o cam yo'oqchigui ñaquitaqtaique, shenaqta'am nam laỹepi shiỹaxauapi maye huetalec ana 'alhua.

Hechos 15:24

Cha'aye qomi' qara'axaỹaxac da huo'o na shiỹaxauapi chegoqchiguiña ne'ena, da saishet da qaramaxashecpi da qami' nqo'onalo da qami' sa ỹalemaxa't. Qaq naua la'aqtaxanaxaco namayepi ỹo'ot da sa qauaỹaañi ca qoñiitec.

1 Ts 2:18

Ỹoqo'oye huo'o so na'a'q sauoqtaique da qami' ñamaxasoqtegalo, qataq aỹem mashe saqalota da temaq qami' ñeqo'onalo. Qalaxaye so pa'aguenataxanaxaic ỹataqta aỹem nqanaxat.

Filemón 1:9

Qalaxaye aỹem sepacapegue' da 'am ñachoxoreetot, souaxat da 'arsoxoyec. Aỹem Pablo, nagui mashe aỹem ỹa'axaiqui qataq aỹem qaicoñettai', souaxat da sasoilec So Cristo Jesús,

1 Corintios 16:21

Qaq nataqa'en aỹem Pablo qami' samaxalo da iquinaxanaxac, damaye maiche semapegue' da shiyiñi.

Hechos 15:5

Qalaxaye huo'oi soua ỹalectrauo na fariseopi maye nataqa'en ỹa'amaqteetrac So Jesús, soomaye nachaayiñi, nache 'ena'apo': –Nam 'amqaanataxanaxaicpi maye saishet da judiopi, namayepi iuen da shenaqapega da ỹalaxalec na namaxasoxonaxacpi maye chegoqo'ot so Moisés qataq ỹauo'o ca na'anaxashet na lo'oc.

Filemón 1:19

Qaq aỹem maiche ñima'ai' da shiyiñi de'era ỹa'aqtac da aỹem 'am sesheeten qome, na'aictaxa da 'amctaxa maye 'ausheeten aỹem, lamaxa da tachigui ye 'arhuel da aỹem hueto'ot añi 'aravigaxaiste.