Gálatas 5:16 - La'aqtaqa Ñim Lo'onatac 'Enauacna 2013

¹⁶ Qaq ỹoqo'oye qami' shenapegalo: Qaualaqaiguet So Saqcha'a La'añaxac Ñim Lo'onatac 'Enauacna, yaqto' saishet da qauyaqỹa'a da qauo'oche ca qauem.

Nuevo Testamento Toba Sur

¹⁶ Da shiitega 'eeta': Ÿataqta qoquiitegue qome ca 'eetapeguec so Espíritu Santo, yaqto' sa ishit da qoquiitague' cam 'eetapeguec da qadapachiyaxaqui.

Nuevo Testamento Toba Sombrero Negro

¹⁶ Qo'che' ami jaqateque da'me auoqochiiya ñe'me Dios Lepaqal qama'le ja auauoyi lamaic ga'me ja no'en ta'le a'vichi.

Gálatas 5:16 Referans Kwoze

Gálatas 6:8

Da qolaqtague' nam qauem qarqopitaxanaqtaic, nache da qarleuaxa chochaq tatec; qalaxaye da salaxasoxoguet So Saqcha'a Na'añaxac, nache qomi' taỹoto da nca'alaxa chochaq tatec.

1 Pedro 2:11

Qami' ñauochaxau' ỹaqaỹarolqa maye sa'amaqtenaqtac So Cristo, qami' qoñiita'am ca chegaqauec maye cara'acolec da hueta'a ana 'alhua. Saisheto' da qoquiitalec da maiche qaralamaxache qarqopitaxanaqtaiqui, cha'aye da qauo'oche damaye, nache qami' iqataqche't.

2 Corintios 7:1

Qaq ỹoqo'oye qami' ñauochaxau' ỹaqaỹa't, 'era da qomi' qaỹachaxanapecoto. Qaq ỹoqo'oye saishet qome da so'otaq ca qauem, nachaqrato' da qomi' huesochiyiñi qataq saishet da huo'o ca qarasouaxashet hueto'ot Ñim Lo'onatac 'Enauacna, yaqto' Ñimaye qomi' ỹaconegueta. Sho'oxorenaq Ñim Lo'onatac 'Enauacna qataq ñepogoxoinaqapegue' da qomi' qui'itte', shenaqta'am Ñimaye.

Romanos 6:12

Qaq nagui no'on da saishet da qauashiñim da ñe'etaxaloxo da qami' ilo'oguelo qataq da qami' ỹamaqaleguete da qaualaqaiguet na qauem 'eetapeguecpi da qaro'ocỹaxaqui.

Efesios 2:3

Qaq nataqa'en 'enauac da shenaqta nache shenaqta'am namayepi soua hua'au' vi'iye, da qolaqtague' nam maiche shenaqtapeguecpi, qataq so'otaqtac dam lqopitaxanaqtaic da qarapachiỹaxac qataq nam maiche qarhuennataxacpi. Qaq ỹoqo'oye ỹataqta 'itchiguiñi da qomi' huetaleguete da qaica ca 'ena'am lchec lalemataic Ñim Lo'onatac 'Enauacna da shenaqta'am 'enauac nam laỹepi shiỹaxauapi.

1 Pedro 1:14

Qami' co'ollaxa da saxanaxa da qauauattoñi da no'on na'axaỹaxac maye na'aqtaguec So Jesucristo, nache qauo'ocheetac 'enauac nam qauem maye maiche qoñiitapeguec. Qalaxaye nagui iuen da imauec da qaualaqaiguet Ñim Lo'onatac 'Enauacna qoñiita'am ca ñalaqpi maye laxaraicpi.

1 Pedro 4:6

Cha'aye nachera da huo'omshe So Cristo ỹa'axat da no'on na'axaỹaxac ivira'a da da'aqtaxanem na mashe ileu: da yaqto' Ñim Lo'onatac 'Enauacna da mashe ime da nmit nam ỹo'ottacpi namayepi co'ollaq ñaq nca'altauec, nache so saqcha'a lca'alaxa somayepi ishet da hueta'aguet Ñim Lo'onatac 'Enauacna.

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

Colosenses 2:11

Na judiopi ỹauo'o na la'anaxat na lo'oc maye la'anaxat da lalamaxatpi Ñim Lo'onatac 'Enauacna. Qalaxaye Ñimaye ỹachegoxotchigui So Cristo da qami' ỹalecnoiguilo nam lalamaxatpi, nache nataqa'en nqat da qarqopitaxanaqtaiqui da qauo'ocheetac da ñe'etaxaloxo. Qaq 'era da qana'anaxache maye qami' ỹo'oteque Ñim Lo'onatac 'Enauacna.

Gálatas 3:17

Qaq dam sheetega 'eeta': dam ỹachaxanapec co'ollaxa Ñim Lo'onatac 'Enauacna, damaye saishet da naralaxat huo'otaq da qaica naqa'en ca naigui na namaxasoxonaxacpi maye ỹan Ñimaye co'ollaq mashe ivi' soua cuatrocientos treinta vi'iye.

Romanos 8:1

Qaq Ñim Lo'onatac 'Enauacna saishet da ỹauo'o qome ca qanhuaxanaguec, cha'aye mashe ña'araqtaua'a So Jesucristo.

1 Corintios 7:29

Qami' ỹaqaỹañicpi, da sauotaique da qami' sa'aqtaxanema 'eeta': Mashe sa qaỹaraue'c naua na'axa'te maye souaqtaiguilo. Ỹoqo'oye nagui na mashe huaron no'on da 'eeta'am da saxanaxa da huaron,

Génesis 6:3

Qalaxaye Ñim Nataxala' 'enapeco': «Saishet da sa'aqta'a ca shiỹaxaua da nache 'eetai' da nca'altauec, cha'aye camaye choche lapat. Qaq ỹoqo'oye sanem qome da ivi' caua ciento veinte vi'iye da nachaalataxac.»