Gálatas 5:12 - La'aqtaqa Ñim Lo'onatac 'Enauacna 2013

¹² ¡'Onaxaictoxo' da nam sa qami' ỹalemaxa't saishet da ndotec da ỹauo'o ca na'anaxat na lo'oc nataqa'en 'onaxaictoxo' da imauec icheguec ñi logoxoshet!

Nuevo Testamento Toba Sur

¹² Qaq nam shiÿaxauapi mayi sa ishit da qami' ÿalemaxa't da qami' ÿileeta'pe da qau'ochi ca qan'anaxachi, ¡no'ono' namayipi da ña imauec da n'aqchit da l'oquiaxac!

Nuevo Testamento Toba Sombrero Negro

¹² Qama'le gaa'me jo'ne ami yeloiquiaĝa'tape, ¡'noota qom mach'egaua yema yichaĝadegue naa'me lapa'che lael!

Gálatas 5:12 Referans Kwoze

Gálatas 5:10

Aỹem ỹataqta saỹateeta da qami' nataqa'en qauaỹamaxayiñiita da shenapec, cha'aye nache shenaqta'a't da qomi' 'amqaanataxanaxaicpi. Qataq saishet da choche qapio'olec da seqoleguet da Ñim Lo'onatac 'Enauacna ỹauo'o da nhuaxanaguec cam sa qami' ỹalemaxa't.

Tito 3:10

Da huo'o ca sa nhuoona't naqa'en na 'amqaanataxanaxaicpi, nache camaye ỹataqta 'autaxaỹot. Qaq da 'am sa ỹalaxaguet da mashe dos 'avi'eguelaxalec da qonapega, nache camaye 'anqateeguesop na 'amqaanataxanaxaicpi.

Josué 7:25

Huaña, nache so Josué 'enapego' somaye, 'eeta': «¿Ta'ainco' da qomi' taleguete 'anqa'en de'era qauem? Qaq nagui, Ñim Nataxala' 'am talec naqa'en de'era qauem maye qomi' 'auo'oteque.» Qaq co'ollaq choche ime da nasaxauec de'era so Josué, nache 'enauac so Israel le'ecpi irota'a na coma' da ỹalauat so Acán qataq so lalamaxat llalaqpi, ime nache qaỹavigaxat somayepi.

Levítico 22:3

Nataqa'en qonapega qome namayepi, da huo'o ca saishet da qui'itta da lataxac na chegoxoguet namayepi, nache saishet da ỹaneuo ca nachetaqtaxanaxat, cha'aye da ỹaneuo ca nachetaqtaxanaxat maye ỹaneuo na Israel le'ecpi, da yaqto' qoỹanot Ñim Nataxala', nache camaye qaỹo'orauec, ca'ai qanqa'en ye ỹanataqa'. Qaq 'era da ỹa'aqtac, Aỹem Nataxala'.

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

Éxodo 12:15

Qaq siete na'axa'te qome da qollequiitac ana nauole 'ayiiña maye sa qaỹauo'o anam lalegue maye ỹasheeraxachigui. Qaq ỹoqo'oye que'eca la'auaxanec na'a'q nache saishet da huo'otaq 'auaỹamaxattac nam lalegue maye ỹasheeraxachigui na ndaqñiguishec 'ayiiña que'eca 'arma'. Cha'aye da huo'o ca 'oonolec da qoñiita da huo'otaq chec aca nauole 'ayiiña maye qaỹauo'o aca lalegue maye ỹasheeraxachigui que'ecaua siete na'axa'te, nache camaye qaỹo'orauec da yaqto' saishet da ỹalegoigui na Israel le'ecpi.

Génesis 17:14

Qalaxaye cam saishet da qaỹauo'o ca na'anaxat na lo'oc, nache camaye iuen da qaỹamaqauec qome, cha'aye qaica ca 'enec naqa'en da ñaỹamaxataxac.»

Gálatas 2:4

Qaq so'otaq se'eso qartaxaỹaxac, cha'aye huo'o na nqañoxottañi da ỹalectaigui na 'amqaanataxanaxaicpi da choche qomi' nauaata'ape. Qaq ne'ena tenataxanaxaicpi maye 'eetega da quetague' So Qarataxala', namayepi nachaqrata da huotaique da deuotaxanec da huesochiguiñi qarataxac maye chegoqo'ot So Cristo, nache qomi' ỹamaqaleguete da so'otaq nam namaxasoxonaxacpi maye lalamaxat nam judiopi.

Hechos 15:24

Cha'aye qomi' qara'axaỹaxac da huo'o na shiỹaxauapi chegoqchiguiña ne'ena, da saishet da qaramaxashecpi da qami' nqo'onalo da qami' sa ỹalemaxa't. Qaq naua la'aqtaxanaxaco namayepi ỹo'ot da sa qauaỹaañi ca qoñiitec.

Hechos 5:9

Nache so Pedro 'enapego' asomaye, 'eeta': –¿Ta'ainco' qami' ye qanasachiigui co'ollaxa da qauatenachichi So Saqcha'a La'añaxac Ñim Qarataxala'? Ñaq 'aula'a, 'enauacha'agueta naua nso'q maye cheta'ague da ima't da ilalyiñi so 'arhua, naamaye nataqa'en nagui 'am ilayiñi.

Hechos 5:5

Qaq co'ollaq hua'axaỹa de'era so Ananías, nache huañi da ileu. Qaq 'enauac nam hueta'a yi'iye ỹataqta huo'o da lcolanaxa.

Juan 9:34

Nache somayepi 'enapego' somaye, 'eeta': –'Am maye ỹataqta 'ananacteueegue' da 'am 'etaxaloxoic, ¿qaq huotaique da qomi' 'auapaxague'n? 'Am mashe sa 'am seuenaq da 'aualectaigui nam nategueua'a ana qanapaxaguenaxaqui.

Josué 7:12

Ỹoqo'oye na Israel le'ecpi saishet qome da dataỹa'aguet na mpa'aguenaxauapi, nda'a't da dataueeguesop qome namayepi, cha'aye namayepi nachena na pa'aiguet da ỹataqta 'enauac qailaxachigui. Qaq ỹoqo'oye da sa qaulaxachiigui na nhuotaxanaxat maye qami' huetanguilo, nache Aỹem saishet da nache 'eetai' da qami' soota'agueta.

Deuteronómio 23:1

Ca shiỹaxaua da que'emaxai naua lola huo'otaq da ỹataqta qaicheguec ñi logoxoshet, nache camaye saishet da ỹalegueua'a ca naponaxac maye lalamaxat Ñim Nataxala'.

Génesis 30:34

Nache so Labán, 'enapeco': «Aja', saỹamaxareeta dam qonetapeguec.»