Gálatas 5:11 - La'aqtaqa Ñim Lo'onatac 'Enauacna 2013

¹¹ Qami' ỹaqaỹa't, da aỹemctaxa da sa'axatec da 'enauac, iuen da qaỹauo'o ca na'anaxat da qaro'ocỹaxaqui, nache nam aỹem ipa'agueetacpi ỹaxaañictaxa da aỹem icaatac, nache de'era na'aqtaguec da l-leuaxa So Cristo co'ollaq qaiuaxaneguet so npe'enaxaqui, saishettaxa da inogoqchet namayepi.

Nuevo Testamento Toba Sur

¹¹ Qaq aÿim, qami' ÿaqaÿa't, da huo'otaq ñaq saqattega da qaÿauo'o ca n'anaxat ca shiÿaxaua, qaq na judiopi sa ishíttaxa da aÿim icaatac. Cha'ayi da nachi 'eetec de'eda, nchi n'aqtaguec da l-leuaxa so Cristo co'ollaq qaiuaxaneuo, damayi sa ishit da huo'otaq inogoqchit namayipi.

Nuevo Testamento Toba Sombrero Negro

¹¹ Ami yaqaya'olqa, ta'le japaĝaguenataĝatapec da'me auoviñetaque da'me auacoñiyeguet da'me nichaĝajoĝonaĝac, qama'le gaa'me yaute'upi male ja jayem 'te yecaatedac nataq'aen da'me yapaĝaguenataĝanaĝac jo'ne 'yaĝatetac da'me leleuaĝa ñe'me Cristo male ja yalemataĝanaĝa'n jogaa'me.

Gálatas 5:11 Referans Kwoze

1 Corintios 1:23

Qalaxaye qomi' sa'axataqtac da na'aqtaguec So Cristo co'ollaq qaiuaxaneuo. Na judiopi da hua'axaỹa de'era na'aqtaxanaxac, nache ỹataqta inogoqchet. Qaq nam saq judiopi da hua'axaỹa, nache 'eeta'am naqa'en da choche 'oopashec.

Gálatas 6:12

Nam shiỹaxauapi maye qami' ỹamaqtaleguete da qauo'oche ca qana'anaxache, namayepi choche huotaique da qaỹamateguet. Cha'aye saishet da ỹaỹamaxaren da sa qaiyacnapec souaxat da ỹa'axattac da 'eetec co'ollaq So Cristo da qaiuaxaneguet so npe'enaxaqui.

Gálatas 4:29

Qaq se'eso na'a'q so llalec aso Agar icaatac so Isaac maye chegoqchigui da la'añaxac So Saqcha'a Na'añaxac. Qaq nagui qalaq nache 'eeta'am: Nam huotaique da quegue da lamaxasoxonaxac nam nqataxacpi qalaq qomi' icaata'ape maye qomi' ñalaqpi maye qomi' qaỹachaxana'ape co'ollaxa.

Gálatas 2:3

Qaq somayepi saishet da huo'o ca ỹamaqtalec da ỹauo'o ca na'anaxat na lo'oc, ivira'a so Tito maye saishet da judío le'ec.

1 Corintios 15:30

Qataq qomi' ¿ta'ainco' taxa da sanaxaguet na lchecsat da qanachaalataxac 'enauaque naua na'axa'te?

Hechos 21:21

Qaq namayepi la'axaỹaxac da 'am 'auapaxagueetapegueco' 'enauac nam judiopi maye neta'alo naua ỹaqa'alo 'aleu', da yaqto' saishet da ỹalaxaguet nam namaxasoxonaxacpi maye chegoqo'ot so Moisés, qataq qonetego' da saishet da ỹauo'o na na'anaxat na lo'oc na llalec, qataq saishet da ỹo'ot 'enauac nam so'otaqtac qomi' judiopi.

Gálatas 6:17

Qaq ỹoqo'oye, nache tachiguiña nagui da saishet qome da huo'o ca aỹem naxattac, cha'aye da ỹo'ocỹaxac no'onañi na lliguiñi na ñeuaxanaguecpi, qaq damaye ỹachaxan da shectague' So Cristo.

1 Corintios 1:18

Da na'aqtaguec da l-leuaxa So Cristo co'ollaq qaiuaxaneguet so npe'enaxaqui, damaye 'eeta'am da choche 'oopashec da hua'axaỹa nam taỹa'a da deqat. Qalaxaye qomi' maye saỹaqa'a da qomi' qanca'alaxatre'c, de'era na'aqtaxanaxac, damaye la'añaxac Ñim Lo'onatac 'Enauacna.

Hechos 21:28

Nache ỹa'alaqtalec somaye, 'eeta': –¡Qami' Israel le'ecpi, ña qomi' qautauañi'! 'Ena nam ỹale maye ỹataqta nmatte' 'enauaque naua 'aleu' da ỹapaxagueetapeguec na shiỹaxauapi, da yaqto' npa'aguene' na qarhuo' le'ecpi, qataq na namaxasoxonaxacpi maye chegoqo'ot so Moisés, qataq anam qaro'onaxanaxaqui. Qaq namaye nagui qataq huenoxonoigui naqa'en ana qaro'onaxanaxaqui ne'enaua ỹale't Grecia lashe', qaq ỹataqta ishepaxanaqche't ne'ena no'onaxanqa' maye qui'itta.

Hechos 16:3

Ỹoqo'oye so Pablo ỹauotaique da lỹatac so Timoteo de'era llecỹaxac. Qalaxaye ye 'enauac nam judiopi yi'iye 'alhua ỹaỹaten da so lta'a so Timoteo Griego le'ec, ỹoqo'oye so Pablo ỹauec somaye da yaqto' qaỹauo'o ca na'anaxashet na lo'oc.

Isaías 8:14

Ñimaye 'eeta'am qome aca qoina da qami' nqovi'n, qataq 'eeta'am ca coma' da qaipogolaxaisop, qataq nacheñi ñim huerañi qome naqa'en soua dos nta'al na Israel, qataq Ñimaye 'eeta'am qome aca qoina da loxonec nam hueta'a ye Jerusalén.

Gálatas 3:1

¡Aicoue, qami' maye qarmaye na 'alhua Galacia, ỹataqta qaico' ca qauaỹaañiỹapec! ¡Ivira'a da 'eeta'am da huo'o ca qami' ira'n! Aỹem ỹataqta ỹataqtegue da ỹa'aqtaxanaxac da qami' sa'aqtaxaateguema da 'eetec da l-leuaxa So Jesucristo co'ollaq qaiuaxaneguet so npe'enaxaqui.